2Zechariah 2

1И возведох очи мои и видех, и се, муж, и в руце его уже землемерно.Select Zechariah 2:1

2И рех к нему: камо грядеши ты? И рече ко мне: размерити Иерусалима, еже видети, колика широта его есть и колика долгота.Select Zechariah 2:2

3И се, Ангел глаголяй во мне стояше, и ин Ангел исхождаше во сретение емуSelect Zechariah 2:3

4и рече к нему глаголя: тецы и рцы к юноши оному глаголя: плодовито населится Иерусалим от множества человеков и скотов, иже посреде его:Select Zechariah 2:4

5и Аз буду ему, глаголет Господь, стена огнена окрест и в славу буду посреде его.Select Zechariah 2:5

6О, о, бежите от земли северныя, глаголет Господь, зане от четырех ветров небесных соберу вы, глаголет Господь:Select Zechariah 2:6

7в Сион спасайтеся, живущии во дщери Вавилонстей.Select Zechariah 2:7

8Зане сице глаголет Господь Вседержитель: вслед славы посла Мя на языки пленившыя вас, зане касаяйся вас яко касаяйся в зеницу ока Его:Select Zechariah 2:8

9зане, се, Аз наношу руку Мою на ня, и будут корысть работающым им, и уразумеете, яко Господь Вседержитель посла Мя.Select Zechariah 2:9

10Красуйся и веселися, дщи Сионя, зане, се, Аз гряду и вселюся посреде тебе, глаголет Господь.Select Zechariah 2:10

11И прибегнут языцы мнози ко Господу в той день и будут Ему в люди и вселятся посреде тебе, и уразумееши, яко Господь Вседержитель посла Мя к тебе.Select Zechariah 2:11

12И наследит Господь Иуду, участие Свое на земли святей, и изберет еще Иерусалима.Select Zechariah 2:12

13Да благоговеет всяка плоть от лица Господня, яко воста из облак святых Своих.Select Zechariah 2:13