4Zechariah 4

1И обратися Ангел глаголяй во мне и возведе мя, якоже егда востанет человек от сна своего,Select Zechariah 4:1

2и рече ко мне: что ты видиши? И рех: видех, и се, свещник злат весь, и светилце верху его, и седмь светилник верху его, и седмь чашиц светилником верхним его,Select Zechariah 4:2

3и две маслины верху его, едина одесную светилца его и едина ошуюю.Select Zechariah 4:3

4И вопросих и рех ко Ангелу глаголющему во мне глаголя: что суть сия, господи?Select Zechariah 4:4

5И отвеща Ангел глаголяй во мне и рече ко мне глаголя: не разумееши ли, что суть сия? И рех: ни, господи.Select Zechariah 4:5

6И отвеща и рече ко мне глаголя: сие слово Господне к Зоровавелю глаголя: не в силе велицей, ни в крепости, но в Дусе Моем, глаголет Господь Вседержитель.Select Zechariah 4:6

7Что ты еси, горо великая, пред лицем Зоровавеля, еже исправити? И изнесу камень наследия, равенство благодати, благодать его.Select Zechariah 4:7

8И бысть слово Господне ко мне глаголя:Select Zechariah 4:8

9руце Зоровавелевы основаша храм сей и руце его совершат его: и уразумееши, яко Господь Вседержитель посла Мя к вам:Select Zechariah 4:9

10зане кто укорил тя есть во дни малы? И возрадуются, и увидят камень, иже от чистаго олова, в руку Зоровавеля: седмь сия очеса Господня суть, призирающая на всю землю.Select Zechariah 4:10

11И отвещах и рех к нему: что суть две маслины сия, яже одесную свещника и ошуюю?Select Zechariah 4:11

12И вопросих вторицею и рех к нему: что суть две ветви масличны, яже в руку двух усекалниц златых возливающих и возношающих чашицы златыя?Select Zechariah 4:12

13И рече ко мне глаголя: не веси ли, что суть сия? И рех: ни, господи.Select Zechariah 4:13

14И рече: сии два сынове тучности, яже предстоят Господеви всея земли.Select Zechariah 4:14