5Zechariah 5

1И обратихся и возведох очи мои и видех, и се, серп летящь.Select Zechariah 5:1

2И рече ко мне: что ты видиши? И рех: аз вижду серп летящь, в долготу лактей двадесять и в широту десяти лактей.Select Zechariah 5:2

3И рече ко мне: сия клятва исходящая на лице всея земли: зане всяк тать от сего даже до смерти отмщен будет, и всяк кленыйся во лжу от сего до смерти отмстится.Select Zechariah 5:3

4И изнесу его, глаголет Господь Вседержитель, и внидет в дом татя и в дом кленущагося именем Моим во лжу, и вселится посреде дому его, и скончает его и древа его и камение его.Select Zechariah 5:4

5И изыде Ангел глаголяй во мне и рече ко мне: воззри очима твоима и виждь исходящее сие. И рех:Select Zechariah 5:5

6что есть? И рече: сия мера исходящая. И рече: сия неправда их по всей земли.Select Zechariah 5:6

7И се, талант оловян вземляйся, и се, жена едина седяше посреде меры.Select Zechariah 5:7

8И рече: сия есть беззаконие. И верже ю в средину меры и вверже камень оловяный во уста ея.Select Zechariah 5:8

9И возведох очи мои и видех, и се, две жены исходящыя, и дух в крилех их, и те имяху крила, яко криле вдодовы: и взяша меру между землею и между небом.Select Zechariah 5:9

10И рех ко Ангелу глаголющему во мне: камо сия относят меру?Select Zechariah 5:10

11И рече ко мне: создати ей храмину в земли Вавилонстей и уготовати, и положат ю тамо на уготование свое.Select Zechariah 5:11