6Zechariah 6

1И обратихся и возведох очи мои и видех, и се, четыри колесницы исходящыя из средины двоих гор, горы же те беша горы медяны:Select Zechariah 6:1

2в колеснице первей кони рыжы, и в колеснице вторей кони врани,Select Zechariah 6:2

3и в колеснице третией кони бели, и в колеснице четвертей кони пестри скори.Select Zechariah 6:3

4И отвещах и рех ко Ангелу глаголющему во мне: что суть сия, господи?Select Zechariah 6:4

5И отвеща Ангел глаголяй во мне и рече: сия суть четыри ветри небеснии, иже исходят предстати Господу всея земли.Select Zechariah 6:5

6В нейже беху кони врани, исхождаху на землю северскую, и белии исхождаху вслед их, и пестрии исхождаху на землю южную,Select Zechariah 6:6

7и скории исхождаху и озираху еже оыти землю. И рече: идите, обыдите землю. И обыдоша землю.Select Zechariah 6:7

8И возопи и рече ко мне глаголя: се, исходящии на землю северскую упокоиша ярость Мою на земли северстей.Select Zechariah 6:8

9И бысть слово Господне ко мне глаголя:Select Zechariah 6:9

10приими, яже от плена от князей и от ключимых его и от разумевших его, и внидеши ты в день он в дом Иосии Софониина, грядущаго от Вавилона,Select Zechariah 6:10

11и приимеши сребро и злато, и сотвориши венцы, и возложиши на главу Иисусу Иоседекову, иерею великому,Select Zechariah 6:11

12и речеши к нему: сице глаголет Господь Вседержитель: се, Муж, Восток имя Ему, и под Ним возсияет, и созиждет храм Господень:Select Zechariah 6:12

13и той приимет добродетель, и сядет и возобладает на престоле Своем, и будет иерей одесную Его, и совет мирен будет между обема,Select Zechariah 6:13

14а венец будет терпящым и ключимым Ему и разумевшым Его, и в благодать сыну Софониину, и в псалом во храме Господни:Select Zechariah 6:14

15и издалеча от сих приидут и созиждут во храме Господни, и уразумеете, яко Господь Вседержитель посла мя к вам: и будет, аще слушающе послушаете гласа Господа Бога вашего.Select Zechariah 6:15