8Zechariah 8

1И бысть слово Господа Вседержителя (ко мне) глаголя:Select Zechariah 8:1

2сице глаголет Господь Вседержитель: ревновах по Иерусалиме и Сионе рвением великим и яростию велиею ревновах по нем.Select Zechariah 8:2

3Тако глаголет Господь: обращуся к Сиону и вселюся посреде Иерусалима, и наречется Иерусалим град истинный, и гора Господа Вседержителя гора святая.Select Zechariah 8:3

4Сице глаголет Господь Вседержитель: еще сядут старцы и старицы на путех Иерусалимских, кийждо жезл свой имый в руце своей от множества дний:Select Zechariah 8:4

5и путие града исполнятся отрочищ и отроковиц играющих на путех его.Select Zechariah 8:5

6Сице глаголет Господь Вседержитель: аще изнеможет пред останком людий сих во онех днех, еда и предо Мною изнеможет? Глаголет Господь Вседержитель.Select Zechariah 8:6

7Сице глаголет Господь Вседержитель: се, Аз спасу люди Моя от земли восточныя и от земли западныяSelect Zechariah 8:7

8и введу их (в землю их), и вселюся посреде Иерусалима, и будут Ми в люди, и Аз буду им в Бога во истине и в правде.Select Zechariah 8:8

9Сице глаголет Господь Вседержитель: да укрепятся руце вас слышащих во днех сих словеса сия от уст пророческих, от негоже дне основася храм Господа Вседержителя, и церковь отнележе создася.Select Zechariah 8:9

10Зане прежде дний онех мзда человеком не бе во успех, и мзда скотом не бяше, и исходящему и входящему не бе мира от печали, и послю вся человеки коегождо на искренняго своего.Select Zechariah 8:10

11И ныне не по днем онем прежним Аз сотворю останку людий сих, глаголет Господь Вседержитель,Select Zechariah 8:11

12но покажу мир: виноград даст плод свой, и земля даст жита своя, и небо даст росу свою, и наследити сотворю останком людий Моих сих вся сия.Select Zechariah 8:12

13И будет, яко бесте в клятве во языцех, доме Иудов и доме Израилев, тако спасу вы, и будете в благословении: дерзайте и укрепляйтеся руками вашими.Select Zechariah 8:13

14Зане сице глаголет Господь Вседержитель: якоже помыслих озлобити вы, внегда прогневаша Мя отцы ваши, глаголет Господь Вседержитель, и не раскаяхся:Select Zechariah 8:14

15тако уставих и умыслих во дни сия добро сотворити Иерусалиму и дому Иудову: дерзайте.Select Zechariah 8:15

16Сия словеса, яже сотворите: глаголите истину кийждо искреннему своему, истину и суд мирен судите во вратех ваших,Select Zechariah 8:16

17и кийждо злобы искренняго своего не помышляйте в сердцах ваших, и клятвы лживыя не любите, зане вся сия возненавидех, глаголет Господь Вседержитель.Select Zechariah 8:17

18И бысть слово Господа Вседержителя ко мне глаголя:Select Zechariah 8:18

19сице глаголет Господь Вседержитель: пост четвертый и пост пятый, и пост седмый и пост десятый будут дому Иудову в радость и в веселие и в праздники благи: и возвеселитеся и истину и мир возлюбите.Select Zechariah 8:19

20Сице глаголет Господь Вседержитель: еще людие мнози приидут и живущии во градех многих:Select Zechariah 8:20

21и снидутся живущии во пяти градех во един град, глаголюще: грядим помолитися лицу Господню и взыскати лице Господа Вседержителя: иду и аз.Select Zechariah 8:21

22И приидут людие мнози и языцы мнози взыскати лица Господа Вседержителя во Иерусалиме и умолити лице Господне.Select Zechariah 8:22

23Сице глаголет Господь Вседержитель: во оны дни имется десять мужей от всех племен языческих, и имутся за ризу мужа Иудеанина, глаголюще: пойдем с тобою, зане слышахом, яко Бог с вами есть.Select Zechariah 8:23