3Galatians 3

1Ho malsaĝaj Galatoj, kiu vin ensorĉis? vin, antaŭ kies okuloj Kristo Jesuo estis publike prezentita krucumita.Select Galatians 3:1

2Nur la jenon mi deziras sciiĝi de vi: Ĉu per faroj de la leĝo vi ricevis la Spiriton, aŭ per la aŭdado de fido?Select Galatians 3:2

3Ĉu vi tiel malsaĝaj estas? komencinte en Spirito, ĉu vi en karno nun perfektiĝas?Select Galatians 3:3

4Ĉu vi vane tiom suferis? se ja tio estas vana.Select Galatians 3:4

5Ĉu do Tiu, kiu donas al vi la Spiriton kaj faras ĉe vi miraklojn, tion faras per faroj de la leĝo, aŭ per la aŭdado de fido?Select Galatians 3:5

6Tiel same, kiel Abraham kredis al Dio, kaj tio estis kalkulita al li kiel virto.Select Galatians 3:6

7Sciu do, ke tiuj, kiuj rilatas al fido, estas filoj de Abraham.Select Galatians 3:7

8Antaŭvidante do, ke per fido Dio pravigos la nacianojn, la Skribo antaŭpredikis la evangelion al Abraham, dirante: Beniĝos per vi ĉiuj gentoj.Select Galatians 3:8

9Tial do tiuj, kiuj rilatas al fido, beniĝas kun la fidela Abraham.Select Galatians 3:9

10Ĉar ĉiuj, kiuj rilatas al faroj de la leĝo, estas sub malbeno; ĉar estas skribite: Malbenita estas ĉiu, kiu ne persistos en ĉio, kio estas skribita en la libro de la leĝo, por plenumi ĝin.Select Galatians 3:10

11Sed ke neniu praviĝas antaŭ Dio per la leĝo, estas evidente; ĉar: La virtulo vivos per fido;Select Galatians 3:11

12kaj la leĝo ne rilatas al fido; sed: Kiu plenumas ilin, tiu vivos en ili.Select Galatians 3:12

13Kristo elaĉetis nin el la malbeno de la leĝo, fariĝinte malbeno pro ni; ĉar estas skribite: Malbenita estas ĉiu, kiu pendas sur lignaĵo;Select Galatians 3:13

14por ke venu sur la nacianojn la beno de Abraham en Kristo Jesuo; por ke per fido ni ricevu la promeson de la Spirito.Select Galatians 3:14

15Fratoj, mi parolas laŭ homo: Konfirmitan interligon, eĉ nur homan, neniu nuligas nek prialdonas.Select Galatians 3:15

16Sed al Abraham kaj al lia semo la promesoj estis parolitaj. Li ne diras: Kaj al semoj, kvazaŭ pri multaj; sed kvazaŭ unu: Kaj al via semo, kiu estas Kristo.Select Galatians 3:16

17Sed jen kion mi diras: Interligon, antaŭe konfirmitan de Dio, la leĝo, kiu venis kvarcent tridek jarojn poste, ne nuligas, tiel ke ĝi malefektivigus la promeson.Select Galatians 3:17

18Ĉar se la heredaĵo estas de la leĝo, ĝi jam ne estas de promeso; sed Dio ĝin donis al Abraham per promeso.Select Galatians 3:18

19Kio do estas la leĝo? Ĝi estis aldonita kaŭze de eraroj, ĝis venos la idaro, al kiu la promeso estas donita; ordigite per anĝeloj en la mano de interulo.Select Galatians 3:19

20Interulo ne estas de unu, sed Dio estas unu.Select Galatians 3:20

21Ĉu do la leĝo kontraŭstaras al la promesoj de Dio? Nepre ne! ĉar se estus donita leĝo, kiu povus vivigi, efektive justeco estus per la leĝo.Select Galatians 3:21

22Tamen la Skribo kune enŝlosis ĉion sub peko, por ke la promeso per fido al Kristo Jesuo estu donata al ĉiuj, kiuj fidas.Select Galatians 3:22

23Sed antaŭ ol fido venis, ni estis gardataj sub la leĝo, enŝlositaj por la fido malkaŝota.Select Galatians 3:23

24Tial la leĝo fariĝis nia pedagogo, kondukanta al Kristo, por ke ni praviĝu per fido.Select Galatians 3:24

25Sed nun, post kiam la fido alvenis, ni jam ne estas sub pedagogo.Select Galatians 3:25

26Ĉar vi ĉiuj per la fido estas filoj de Dio en Kristo Jesuo.Select Galatians 3:26

27Ĉar ĉiuj el vi, kiuj al Kristo baptiĝis, surmetis al si Kriston.Select Galatians 3:27

28Ne estas ja Judo nek Greko, ne estas sklavo nek liberulo, ne estas ja vira kaj virina; ĉar vi ĉiuj estas unu en Kristo Jesuo.Select Galatians 3:28

29Se do vi apartenas al Kristo, vere vi estas la idaro de Abraham, kaj heredantoj laŭ la promeso.Select Galatians 3:29