131 Corinthians 13

1Se mi parolus la lingvojn de homoj kaj anĝeloj, sed ne havus amon, mi fariĝus sonanta kupro aŭ tintanta cimbalo.Select 1 Corinthians 13:1

2Kaj se mi posedus la profetpovon, kaj komprenus ĉiujn misterojn kaj ĉian scion; kaj se mi havus ĉian fidon, tiel ke mi povus formovi montojn, sed ne havus amon, mi estus nenio.Select 1 Corinthians 13:2

3Kaj se mi disdonus mian tutan havon por nutri la malsatulojn, kaj se mi lasus mian korpon por forbrulo, sed ne havus amon, per tio mi neniom profitus.Select 1 Corinthians 13:3

4Amo longe suferas, kaj bonfaras; amo ne envias; amo ne fanfaronas, ne ŝveligas sin,Select 1 Corinthians 13:4

5ne kondutas nedece, ne celas por si mem, ne koleriĝas, ne pripensas malbonon,Select 1 Corinthians 13:5

6ne ĝojas pri maljusteco, sed kunĝojas kun vereco;Select 1 Corinthians 13:6

7ĉion toleras, ĉion kredas, ĉion esperas, ĉion eltenas.Select 1 Corinthians 13:7

8Amo neniam pereas; sed, ĉu estas profetadoj, ili neniiĝos; ĉu lingvoj, ili ĉesiĝos; ĉu estas scio, ĝi neniiĝos.Select 1 Corinthians 13:8

9Ĉar ni scias laŭparte, kaj ni profetadas laŭparte;Select 1 Corinthians 13:9

10sed kiam venos perfektaĵo, tiam neniiĝos tio, kio estas laŭparta.Select 1 Corinthians 13:10

11Kiam mi estis infano, kiel infano mi parolis, kiel infano mi sentis, kiel infano mi pensis; nun fariĝinte plenaĝulo, mi jam forigis la infanaĵojn.Select 1 Corinthians 13:11

12Ĉar nun ni vidas per spegulo, malhele; sed tiam okulon ĉe okulo; nun mi konas laŭparte; sed tiam mi konos tiel same, kiel ankaŭ mi estas konita.Select 1 Corinthians 13:12

13Restas do nun fido, espero, amo, tiuj tri; kaj la plej granda el ili estas amo.Select 1 Corinthians 13:13