22 Timothy 2

1Vi do, mia filo, fortikiĝu en la graco, kiu estas en Kristo Jesuo.Select 2 Timothy 2:1

2Kaj kion vi de mi aŭdis inter multaj atestantoj, tion transdonu al fidelaj homoj, kompetentaj instrui ankaŭ aliajn.Select 2 Timothy 2:2

3Vi do elportu suferojn, kiel bona militisto de Jesuo Kristo.Select 2 Timothy 2:3

4Neniu militanto sin implikas en la aferojn de ĉi tiu vivo; por ke li plaĉu al sia varbinto.Select 2 Timothy 2:4

5Kaj se iu konkuras kiel atleto, li ne estas kronata, se li ne laŭregule konkuris.Select 2 Timothy 2:5

6La laboranta terkultivisto devas la unua partopreni en la fruktoj.Select 2 Timothy 2:6

7Konsideru tion, kion mi diras; ĉar la Sinjoro donos al vi komprenon pri ĉio.Select 2 Timothy 2:7

8Memoru Jesuon Kriston, levitan el la mortintoj, el la idaro de David, laŭ mia evangelio;Select 2 Timothy 2:8

9en ĝi mi elportas suferadon ĝis ligiloj, kiel krimulo, sed la vorto de Dio ne estas ligita.Select 2 Timothy 2:9

10Tial mi suferas ĉion pro la elektitoj, por ke ili ankaŭ atingu la en Kristo Jesuo savon kun gloro eterna.Select 2 Timothy 2:10

11Fidinda estas la diro: Ĉar se ni mortis kun li, ni ankaŭ vivos kun li;Select 2 Timothy 2:11

12se ni suferas, ni ankaŭ reĝos kun li; se ni malkonfesos lin, li ankaŭ nin malkonfesos;Select 2 Timothy 2:12

13se ni malfidas, li restas fidela; ĉar li ne povas malkonfesi sin mem.Select 2 Timothy 2:13

14Memorigu ilin pri tio, admonante ilin antaŭ la Sinjoro, ke ili ne vortobatalu, kio estas neniel utila, kun risko de ŝancelo por la aŭdantoj.Select 2 Timothy 2:14

15Klopodu prezenti vin ĉe Dio kiel aprobita, laboranto senriproĉa, ĝuste pritaksante la vorton de la vero.Select 2 Timothy 2:15

16Sed evitu profanajn babiladojn; ĉar ili iros antaŭen al pli multe da malpieco,Select 2 Timothy 2:16

17kaj ilia parolo dismordos kiel gangreno; el kiuj estas Himeneo kaj Fileto,Select 2 Timothy 2:17

18kiuj pri la vero eraris, dirante, ke la releviĝo estas jam pasinta; kaj ili renversas la fidon de kelkaj.Select 2 Timothy 2:18

19Tamen la firma fundamento de Dio staras, havante la jenan sigelon: La Sinjoro konas tiujn, kiuj estas liaj, kaj: Foriru de maljusteco ĉiu, kiu nomas la nomon de la Sinjoro.Select 2 Timothy 2:19

20Sed en granda domo estas vazoj ne nur oraj kaj arĝentaj, sed ankaŭ lignaj kaj argilaj, kaj unuj por honoro kaj aliaj por malhonoro.Select 2 Timothy 2:20

21Se do iu purigos sin de ĉi tiuj, li estos vazo por honoro, sanktigita, taŭga por la mastro, pretigita por ĉiu bona laboro.Select 2 Timothy 2:21

22Sed forkuru de junulaj voluptoj, kaj sekvu justecon, fidon, amon, pacon, kune kun tiuj, kiuj vokas la Sinjoron el pura koro.Select 2 Timothy 2:22

23Sed malsaĝajn kaj neklerajn demandojn evitu, sciante, ke ili naskas malpacojn.Select 2 Timothy 2:23

24Kaj la servisto de la Sinjoro devas ne malpaci, sed esti afabla al ĉiuj, instruema, tolerema,Select 2 Timothy 2:24

25en humileco instruante tiujn, kiuj kontraŭstaras; eble Dio donos al ili penton, por ke ili venu al scio de la vero,Select 2 Timothy 2:25

26kaj por ke ili sobraj eliĝu el la kaptilo de la diablo, kaptite de li, por plenumi lian volon.Select 2 Timothy 2:26