13Mark 13

1Kaj dum li eliris el la templo, unu el liaj disĉiploj diris al li: Majstro, jen kiaj ŝtonoj kaj kiaj konstruaĵoj!Select Mark 13:1

2Kaj Jesuo diris al li: Ĉu vi vidas ĉi tiujn grandajn konstruaĵojn? ne estos lasita ĉi tie ŝtono sur ŝtono, kiu ne estos deĵetita.Select Mark 13:2

3Kaj dum li sidis sur la monto Olivarba rekte kontraŭ la templo, Petro kaj Jakobo kaj Johano kaj Andreo demandis lin aparte:Select Mark 13:3

4Diru al ni, kiam tio estos? kaj kio estas la signo, kiam ĉio tio devos plenumiĝi?Select Mark 13:4

5Kaj Jesuo ekparolis, kaj diris al ili: Gardu vin, ke neniu vin forlogu.Select Mark 13:5

6Multaj venos en mia nomo, dirante: Mi estas; kaj ili forlogos multajn.Select Mark 13:6

7Kaj kiam vi aŭdos pri militoj kaj famoj de militoj, ne maltrankviliĝu; tio devas okazi; sed ankoraŭ ne estas la fino.Select Mark 13:7

8Ĉar leviĝos nacio kontraŭ nacio, kaj regno kontraŭ regno; estos tertremoj en diversaj lokoj, kaj estos malsatoj; tio estas komenco de suferoj.Select Mark 13:8

9Sed gardu vin; ĉar oni transdonos vin al sinedrioj, kaj en sinagogoj vi estos skurĝitaj; kaj vi staros antaŭ provincestroj kaj reĝoj pro mi, por atesto al ili.Select Mark 13:9

10Kaj la evangelio devas antaŭe esti predikita al ĉiuj nacioj.Select Mark 13:10

11Kaj kiam oni forkondukos kaj transdonos vin, ne antaŭzorgu, kion vi parolos; sed kio ajn estos donita al vi en tiu horo, tion parolu; ĉar la parolanto estas ne vi, sed la Sankta Spirito.Select Mark 13:11

12Kaj frato transdonos fraton al morto, kaj patro filon; kaj leviĝos gefiloj kontraŭ gepatroj kaj mortigos ilin.Select Mark 13:12

13Kaj vi estos malamataj de ĉiuj pro mia nomo; sed kiu persistos ĝis la fino, tiu estos savita.Select Mark 13:13

14Sed kiam vi vidos la abomenindaĵon de dezerteco starantan tie, kie ne decas (la leganto komprenu), tiam kiuj estas en Judujo, tiuj forkuru al la montoj;Select Mark 13:14

15kaj kiu estas sur la tegmento, tiu ne malsupreniru, nek eniru, por preni ion el sia domo;Select Mark 13:15

16kaj kiu estas sur la kampo, tiu ne revenu, por preni sian mantelon.Select Mark 13:16

17Sed ve al la gravedulinoj kaj al la suĉigantinoj en tiuj tagoj!Select Mark 13:17

18Kaj preĝu, ke tio ne okazu en vintro.Select Mark 13:18

19Ĉar tiuj tagoj estos tagoj de aflikto tia, kia ne estis de la komenco de la kreo, kiun Dio kreis, ĝis nun, kaj neniam estos.Select Mark 13:19

20Kaj se la Eternulo ne malplilongigus la tagojn, neniu karno estus savita; sed pro la elektitoj, kiujn Li elektis, Li malplilongigis la tagojn.Select Mark 13:20

21Kaj tiam se iu diros al vi: Jen ĉi tie la Kristo, aŭ, Jen tie; ne kredu;Select Mark 13:21

22ĉar leviĝos falsaj kristoj kaj falsaj profetoj, kaj faros signojn kaj miraklojn, por erarigi, se eble, la elektitojn.Select Mark 13:22

23Sed gardu vin; jen mi ĉion antaŭdiris al vi.Select Mark 13:23

24Sed en tiuj tagoj, post tiu aflikto, la suno mallumiĝos kaj la luno ne donos sian lumon,Select Mark 13:24

25kaj la steloj falados el la ĉielo, kaj la potencoj, kiuj estas en la ĉieloj, ŝanceliĝos.Select Mark 13:25

26Kaj tiam oni vidos la Filon de homo, venantan en nuboj kun granda potenco kaj gloro.Select Mark 13:26

27Kaj tiam li elsendos la anĝelojn kaj kolektos siajn elektitojn el la kvar ventoj, de la limo de la tero ĝis la limo de la ĉielo.Select Mark 13:27

28De la figarbo lernu ĝian parabolon: kiam ĝia branĉo jam moliĝas kaj aperigas foliojn, vi scias, ke la somero estas proksima;Select Mark 13:28

29tiel same vi, kiam vi vidos, ke tio okazas, tiam sciu, ke li estas proksima, ĉe la pordoj.Select Mark 13:29

30Vere mi diras al vi: Ĉi tiu generacio ne forpasos, antaŭ ol ĉio tio fariĝos.Select Mark 13:30

31La ĉielo kaj la tero forpasos, sed miaj vortoj ne forpasos.Select Mark 13:31

32Sed pri tiu tago kaj la horo scias neniu, eĉ ne la anĝeloj en la ĉielo, nek la Filo, sed nur la Patro.Select Mark 13:32

33Gardu vin, viglu kaj preĝu; ĉar vi ne scias, kiam estos la ĝusta tempo.Select Mark 13:33

34Kiel homo forvojaĝinta, kiu lasis sian domon kaj donis aŭtoritaton al siaj sklavoj, al ĉiu lian propran laboron, kaj ordonis al la pordisto, ke li viglu:Select Mark 13:34

35vi do viglu; ĉar vi ne scias, kiam venos la domomastro, ĉu vespere, ĉu noktomeze, ĉu ĉe la kokokrio, ĉu frumatene;Select Mark 13:35

36por ke li ne venu subite kaj ne trovu vin dormantaj.Select Mark 13:36

37Kaj kion mi diras al vi, tion mi diras al ĉiuj: Viglu.Select Mark 13:37