3Mark 3

1Kaj denove li eniris en la sinagogon, kaj tie estis viro, havanta manon velkintan.Select Mark 3:1

2Kaj oni observis lin, ĉu en la sabato li lin sanigos, por ke ili povu lin akuzi.Select Mark 3:2

3Kaj li diris al la viro, kiu havis la velkintan manon: Stariĝu en la mezo.Select Mark 3:3

4Kaj li diris al ili: Ĉu estas permesate bonfari en sabato, aŭ malbonfari? savi vivon, aŭ mortigi? Sed ili silentis.Select Mark 3:4

5Kaj kiam kun kolero li ĉirkaŭrigardis ilin, ĉagrenite pro la obstiniĝo de ilia koro, li diris al la viro: Etendu vian manon. Kaj li etendis ĝin, kaj lia mano resaniĝis.Select Mark 3:5

6Kaj la Fariseoj eliris, kaj tuj konsiliĝis kun la Herodanoj kontraŭ li, kiamaniere lin pereigi.Select Mark 3:6

7Kaj Jesuo kun siaj disĉiploj foriris ĝis la maro; kaj granda homamaso el Galileo sekvis lin. Kaj el JudujoSelect Mark 3:7

8kaj el Jerusalem kaj el Edom kaj el Transjordano kaj el ĉirkaŭ Tiro kaj Cidon, grandnombra homamaso, aŭdinte ĉion, kion li faris, venis al li.Select Mark 3:8

9Kaj li diris al siaj disĉiploj, ke malgranda ŝipeto estu je lia dispono, pro la homamaso, por ke oni ne premu lin;Select Mark 3:9

10ĉar multajn li jam sanigis, tiel ke ĉiuj, kiuj havis malsanojn, premadis sur lin, por tuŝi lin.Select Mark 3:10

11Kaj malpuraj spiritoj, tuj kiam ili vidis lin, falis antaŭ li, kaj kriis, dirante: Vi estas la Filo de Dio.Select Mark 3:11

12Kaj li severe admonis ilin, ke ili ne konatigu lin.Select Mark 3:12

13Kaj li supreniris sur la monton, kaj alvokis tiujn, kiujn li mem volis; kaj ili venis al li.Select Mark 3:13

14Kaj li elektis dek du, kiujn ankaŭ li nomis apostoloj, por ke ili estu kun li, kaj por ke li dissendu ilin por prediki,Select Mark 3:14

15kaj por havi aŭtoritaton elpeli demonojn:Select Mark 3:15

16kaj Simonon li alnomis Petro;Select Mark 3:16

17kaj Jakobon, filon de Zebedeo, kaj Johanon, fraton de Jakobo, kaj tiujn li alnomis Boanerges, tio estas, Filoj de tondro;Select Mark 3:17

18kaj Andreon kaj Filipon kaj Bartolomeon kaj Mateon kaj Tomason, kaj Jakobon, filon de Alfeo, kaj Tadeon, kaj Simonon, la Fervorulon,Select Mark 3:18

19kaj Judason Iskariotan, kiu ankaŭ perfidis lin. Kaj li venis en domon.Select Mark 3:19

20Kaj denove la homamaso kunvenis tiel, ke ili ne povis eĉ manĝi panon.Select Mark 3:20

21Kaj liaj amikoj, aŭdinte tion, eliris, por kapti lin, ĉar ili diris: Li frenezas.Select Mark 3:21

22Kaj la skribistoj, kiuj alvenis el Jerusalem, diris: Li havas Baal- Zebubon; per la estro de la demonoj li elpelas la demonojn.Select Mark 3:22

23Kaj li alvokis ilin, kaj parolis al ili parabole: Kiel povas Satano elpeli Satanon?Select Mark 3:23

24Kaj se regno estas dividita kontraŭ si, tiu regno ne povas stari.Select Mark 3:24

25Kaj se domo estas dividita kontraŭ si, tiu domo ne povas stari.Select Mark 3:25

26Kaj se Satano ribelis kontraŭ si kaj estas dividita, li ne povas stari, sed havas finon.Select Mark 3:26

27Sed neniu povas eniri en la domon de la fortulo kaj trarabi liajn posedaĵojn, se unue li ne ligos la fortulon, kaj poste li trarabos lian domon.Select Mark 3:27

28Vere mi diras al vi: Ĉiuj iliaj pekoj estos pardonitaj al la filoj de homoj, kaj iliaj blasfemoj, per kiuj ajn ili blasfemos;Select Mark 3:28

29sed iu, kiu blasfemos kontraŭ la Sankta Spirito, eterne ne havos pardonon, sed estas kulpa pri eterna peko;Select Mark 3:29

30ĉar oni diris: Li havas malpuran spiriton.Select Mark 3:30

31Kaj jen alvenis lia patrino kaj liaj fratoj, kaj starante ekstere, ili sendis al li, vokante lin.Select Mark 3:31

32Kaj homamaso sidis ĉirkaŭ li; kaj oni diris al li: Jen via patrino kaj viaj fratoj ekstere vin serĉas.Select Mark 3:32

33Kaj li respondis al ili, dirante: Kiuj estas mia patrino kaj miaj fratoj?Select Mark 3:33

34Kaj ĉirkaŭrigardante tiujn, kiuj ronde ĉirkaŭ li sidis, li diris: Jen mia patrino kaj miaj fratoj!Select Mark 3:34

35Ĉar kiu ajn faros la volon de Dio, tiu estas mia frato kaj mia fratino kaj mia patrino.Select Mark 3:35