11Matthew 11

1Kaj kiam Jesuo finis siajn ordonojn al siaj dek du disĉiploj, li foriris de tie, por instrui kaj prediki en iliaj urboj.Select Matthew 11:1

2Kaj kiam Johano aŭdis en la malliberejo pri la faroj de Kristo, li sendis per siaj disĉiploj,Select Matthew 11:2

3por diri al li: Ĉu vi estas la venonto, aŭ ĉu ni atendu alian?Select Matthew 11:3

4Kaj Jesuo responde diris al ili: Iru kaj sciigu al Johano tion, kion vi aŭdas kaj vidas:Select Matthew 11:4

5blinduloj ricevas vidpovon, kaj lamuloj marŝas, lepruloj estas purigitaj, kaj surduloj aŭdas, kaj mortintoj leviĝas, kaj al malriĉuloj evangelio estas predikata.Select Matthew 11:5

6Kaj feliĉa estas ĉiu, kiu ne falpuŝiĝas pro mi.Select Matthew 11:6

7Kaj kiam ili foriris, Jesuo komencis paroli al la homamasoj pri Johano: Kion vi eliris en la dezerton por rigardi? ĉu junkon skuatan de la vento?Select Matthew 11:7

8Sed kion vi eliris por vidi? ĉu homon mole vestitan? Jen tiuj, kiuj portas molajn vestojn, troviĝas en domoj de reĝoj.Select Matthew 11:8

9Sed kion vi eliris por vidi? ĉu profeton? Jes, mi diras al vi, kaj multe pli ol profeton.Select Matthew 11:9

10Ĉar li estas tiu, pri kiu estas skribite: Jen Mi sendos Mian anĝelon antaŭ via vizaĝo, Kaj li preparos antaŭ vi vian vojon.Select Matthew 11:10

11Vere mi diras al vi: Inter naskitoj de virinoj ne aperis iu pli granda ol Johano, la Baptisto; tamen tiu, kiu estas nur malgranda en la regno de la ĉielo, estas pli granda ol li.Select Matthew 11:11

12Kaj de post la tagoj de Johano, la Baptisto, ĝis nun, la regno de la ĉielo estas perfortata, kaj perfortuloj kaptas ĝin.Select Matthew 11:12

13Ĉar ĉiuj profetoj kaj la leĝo profetis ĝis Johano.Select Matthew 11:13

14Kaj se vi volas tion ricevi, tiu estas Elija, kiu estis venonta.Select Matthew 11:14

15Kiu havas orelon por aŭdi, tiu aŭdu.Select Matthew 11:15

16Sed al kio mi komparu ĉi tiun generacion? Ĝi similas al infanoj, kiuj sidas sur la placoj, kaj vokas al la ceteraj,Select Matthew 11:16

17dirante: Ni flutis al vi, kaj vi ne dancis; ni lamentis, kaj vi ne ploris.Select Matthew 11:17

18Ĉar venis Johano, nek manĝante nek trinkante, kaj ili diras: Li havas demonon.Select Matthew 11:18

19La Filo de homo venis, manĝante kaj trinkante, kaj ili diras: Jen manĝegulo kaj vindrinkulo, amiko de impostistoj kaj pekuloj! Kaj la saĝeco estas pravigita de siaj faroj.Select Matthew 11:19

20Tiam li komenci riproĉi la urbojn, en kiuj estis faritaj la plej multaj el liaj potencaj faroj; ĉar ili ne pentis.Select Matthew 11:20

21Ve al vi, Ĥorazin! Ve al vi, Betsaida! Ĉar se en Tiro kaj Cidon estus faritaj tiuj potencaĵoj, kiuj estas faritaj en vi, antaŭ longe ili jam pentus en sakaĵo kaj cindro.Select Matthew 11:21

22Tamen mi diras al vi: Estos pli elporteble por Tiro kaj Cidon en la tago de juĝado, ol por vi.Select Matthew 11:22

23Kaj vi, Kapernaum! ĉu vi estos altigita ĝis la ĉielo? vi malsupreniĝos ĝis Hades; ĉar se en Sodom estus faritaj tiuj potencaĵoj, kiuj estas faritaj en vi, ĝi restus ĝis hodiaŭ.Select Matthew 11:23

24Tamen mi diras al vi: Estos pli elporteble por la lando de Sodom en la tago de juĝado, ol por vi.Select Matthew 11:24

25En tiu tempo Jesuo ekparolis kaj diris: Mi Vin gloras, ho Patro, Sinjoro de la ĉielo kaj la tero, ke tion Vi kaŝis for de saĝuloj kaj prudentuloj, kaj malkaŝis al infanoj;Select Matthew 11:25

26jes, Patro, ĉar tiel estis bone antaŭ Vi.Select Matthew 11:26

27Ĉio estas transdonita al mi de mia Patro, kaj neniu konas la Filon krom la Patro, nek iu konas la Patron krom la Filo, kaj tiu, al kiu la Filo volas malkaŝi Lin.Select Matthew 11:27

28Venu al mi ĉiuj, kiuj estas laborantaj kaj ŝarĝitaj, kaj mi vin ripozigos.Select Matthew 11:28

29Metu sur vin mian jugon, kaj lernu ĉe mi, ĉar mi estas milda kaj korhumila; kaj vi trovos ripozon por viaj animoj.Select Matthew 11:29

30Ĉar mia jugo estas facila, kaj mia ŝarĝo estas malpeza.Select Matthew 11:30