22Matthew 22

1Kaj respondante, Jesuo denove parolis al ili parabole, dirante:Select Matthew 22:1

2La regno de la ĉielo similas al unu reĝo, kiu faris edziĝan feston por sia filo,Select Matthew 22:2

3kaj sendis siajn sklavojn, por voki la invititojn al la edziĝa festo; kaj ili ne volis veni.Select Matthew 22:3

4Poste li sendis aliajn sklavojn, dirante: Diru al la invititoj: Jen mi preparis la manĝon; miaj bovoj kaj miaj grasigitaj brutoj estas buĉitaj, kaj ĉio estas preta; venu al la edziĝa festo.Select Matthew 22:4

5Sed ili malatentis, kaj foriris, unu al sia bieno, alia al sia komercado;Select Matthew 22:5

6kaj la ceteraj, kaptinte liajn sklavojn, perfortis kaj mortigis ilin.Select Matthew 22:6

7Kaj la reĝo koleris; kaj sendinte siajn armeojn, li pereigis tiujn mortigintojn kaj bruligis ilian urbon.Select Matthew 22:7

8Tiam li diris al siaj sklavoj: La edziĝa festo estas preta, sed la invititoj ne estis indaj.Select Matthew 22:8

9Iru do al la disirejoj de la vojoj, kaj ĉiujn, kiujn vi trovos, invitu al la edziĝa festo.Select Matthew 22:9

10Kaj tiuj sklavoj, elirinte sur la vojojn, kunvenigis ĉiujn, kiujn ili trovis, malbonajn kaj bonajn; kaj la edziĝa festo pleniĝis de gastoj.Select Matthew 22:10

11Sed la reĝo, enveninte por rigardi la gastojn, tie vidis viron, kiu ne havis sur si edziĝofestan veston;Select Matthew 22:11

12kaj li diris al li: Amiko, kiel vi envenis ĉi tien, ne havante edziĝofestan veston? Kaj li silentadis.Select Matthew 22:12

13Tiam la reĝo diris al siaj servantoj: Ligu lin mane kaj piede, kaj elĵetu lin en la eksteran mallumon; tie estos la plorado kaj la grincado de dentoj.Select Matthew 22:13

14Ĉar multaj estas vokitaj, sed malmultaj estas elektitaj.Select Matthew 22:14

15Tiam iris la Fariseoj, kaj konsiliĝis, kiel ili povos impliki lin per interparolado.Select Matthew 22:15

16Kaj ili sendis al li siajn disĉiplojn kun la Herodanoj, por diri: Majstro, ni scias, ke vi estas verama, kaj instruas laŭ vero la vojon de Dio, kaj ne zorgas pri iu ajn; ĉar vi ne favoras la personon de homoj.Select Matthew 22:16

17Diru do al ni, kiel ŝajnas al vi? ĉu konvenas doni tributon al Cezaro, aŭ ne?Select Matthew 22:17

18Sed Jesuo, sciante ilian ruzecon, diris: Kial vi min provas, hipokrituloj?Select Matthew 22:18

19Montru al mi la tributan moneron. Kaj ili alportis al li denaron.Select Matthew 22:19

20Kaj li diris al ili: Kies estas ĉi tiu bildo kaj la surskribaĵo?Select Matthew 22:20

21Ili diris al li: De Cezaro. Tiam li diris al ili: Redonu do al Cezaro la propraĵon de Cezaro, kaj al Dio la propraĵon de Dio.Select Matthew 22:21

22Kaj aŭdinte, ili miris, kaj lin lasis kaj foriris.Select Matthew 22:22

23En tiu sama tago alvenis al li Sadukeoj, kiuj diras, ke ne estas releviĝo; kaj ili demandis lin, dirante:Select Matthew 22:23

24Majstro, Moseo diris: Se iu mortas, ne havante infanojn, lia frato edziĝu kun lia edzino kaj naskigu idaron al sia frato.Select Matthew 22:24

25Estis ĉe ni sep fratoj; kaj la unua edziĝis kaj mortis, kaj ne havante idaron, lasis sian edzinon al sia frato;Select Matthew 22:25

26tiel same ankaŭ la dua, kaj la tria, ĝis la sepa.Select Matthew 22:26

27Kaj post ĉiuj la virino mortis.Select Matthew 22:27

28En la releviĝo do, por kiu el la sep ŝi estos edzino? ĉar ĉiuj ŝin havis.Select Matthew 22:28

29Sed Jesuo responde diris: Vi eraras, ne sciante la Skribojn, nek la potencon de Dio.Select Matthew 22:29

30Ĉar en la releviĝo oni nek edziĝas nek edziniĝas, sed estas kiel anĝeloj en la ĉielo.Select Matthew 22:30

31Sed pri la releviĝo el la mortintoj, ĉu vi ne legis tion, kio estis dirita al vi de Dio, nome:Select Matthew 22:31

32Mi estas la Dio de Abraham kaj la Dio de Isaak kaj la Dio de Jakob? Dio estas Dio ne de la mortintoj, sed de la vivantoj.Select Matthew 22:32

33Kaj kiam la homamaso tion aŭdis, ili miregis pro lia instruado.Select Matthew 22:33

34Sed la Fariseoj, aŭdinte, ke li silentigis la Sadukeojn, kune kolektiĝis.Select Matthew 22:34

35Kaj unu el ili, leĝisto, demandis lin, provante lin:Select Matthew 22:35

36Majstro, kiu estas la granda ordono en la leĝo?Select Matthew 22:36

37Kaj li diris al li: Amu la Eternulon, vian Dion, per via tuta koro kaj per via tuta animo kaj per via tuta menso.Select Matthew 22:37

38Ĉi tiu estas la granda kaj la unua ordono.Select Matthew 22:38

39Kaj dua estas simila al ĝi: Amu vian proksimulon kiel vin mem.Select Matthew 22:39

40De ĉi tiuj du ordonoj dependas la tuta leĝo kaj la profetoj.Select Matthew 22:40

41Kaj kiam la Fariseoj jam kunvenis, Jesuo ilin demandis,Select Matthew 22:41

42dirante: Kion vi pensas pri la Kristo? kies filo li estas? Ili diris al li: De David.Select Matthew 22:42

43Li diris al ili: Kial do David, en la Spirito, lin nomas Sinjoro, dirante:Select Matthew 22:43

44La Eternulo diris al mia Sinjoro: Sidu dekstre de Mi, Ĝis Mi faros viajn malamikojn benketo por viaj piedoj?Select Matthew 22:44

45Se do David nomas lin Sinjoro, kiel li estas lia filo?Select Matthew 22:45

46Kaj neniu povis respondi unu vorton al li, nek iu post tiu tago plu kuraĝis fari al li demandon.Select Matthew 22:46