3James 3

1Ne estu multaj instruistoj, miaj fratoj, sciante, ke ni ricevos pli severan juĝon.Select James 3:1

2Ĉar multokaze ni ĉiuj falpuŝiĝas. Se iu ne falpuŝiĝas parole, tiu estas perfekta homo, kapabla bridi ankaŭ la tutan korpon.Select James 3:2

3Se ni al la ĉevaloj enmetas la bridojn en la buŝojn, por ke ili obeu al ni, ni ankaŭ ĉirkaŭturnas ilian tutan korpon.Select James 3:3

4Jen ankaŭ la ŝipoj, kiuj, kvankam ili estas tiel grandaj kaj estas kurepelataj de fortaj ventoj, tamen per tre malgranda direktilo turniĝadas, kien ajn la volo de la direktilisto decidas.Select James 3:4

5Tiel ankaŭ la lango estas malgranda membro, kaj fanfaronas grandaĵojn. Jen, kiel grandan arbaron ekbruligas fajrero!Select James 3:5

6Kaj la lango estas fajro; mondo da maljusteco inter niaj membroj estas la lango, kiu malpurigas la tutan korpon kaj ekbruligas la radon de la naturo kaj estas ekbruligita de Gehena.Select James 3:6

7Ĉar ĉiun specon de bestoj kaj birdoj, de rampaĵoj kaj enmaraĵoj la homa raso al si subigas kaj subigis;Select James 3:7

8sed la langon neniu povas subigi; ĝi estas malkvieta malbono, plena de mortiga veneno.Select James 3:8

9Per ĝi ni benas la Sinjoron kaj Patron; kaj per ĝi ni malbenas homojn, faritajn laŭ la bildo de Dio;Select James 3:9

10el la sama buŝo eliras beno kaj malbeno. Miaj fratoj, tio devus ne tiel esti.Select James 3:10

11Ĉu la fonto elŝprucigas el la sama aperturo dolĉan akvon kaj maldolĉan?Select James 3:11

12ĉu figarbo, miaj fratoj, povas doni olivojn, aŭ vinberarbo figojn? kaj sala akvo ne donas dolĉaĵon.Select James 3:12

13Kiu inter vi estas saĝa kaj prudenta? tiu elmontru per honesta vivado siajn farojn en mildeco de saĝeco.Select James 3:13

14Sed se vi havas akran ĵaluzon kaj malpacon en via koro, ne fieru, kaj ne mensogu kontraŭ la vero.Select James 3:14

15Ĉi tiu saĝeco ne devenas de supre, sed estas monda, laŭsenta, demona.Select James 3:15

16Ĉar kie estas ĵaluzo kaj malpaco, tie estas konfuzo kaj ĉia malnobla ago.Select James 3:16

17Sed la saĝeco, kiu estas de supre, estas unue ĉasta, poste pacema, milda, cedema, plena de kompatemo kaj bonaj fruktoj, sen partieco, sen hipokriteco.Select James 3:17

18Kaj la frukto de justeco estas semata en paco por tiuj, kiuj faras pacon.Select James 3:18