3Lamentations 3

1Mi estas la viro, kiu spertis suferon sub la vergo de Lia kolero.Select Lamentations 3:1

2Min Li kondukis kaj irigis en mallumon, ne en lumon.Select Lamentations 3:2

3Nur sur min Li turnas Sian manon ĉiutage denove.Select Lamentations 3:3

4Li maljunigis mian karnon kaj haŭton, rompis miajn ostojn.Select Lamentations 3:4

5Li konstruis ĉirkaŭ mi, ĉirkaŭis min per maldolĉaĵoj kaj malfacilaĵoj.Select Lamentations 3:5

6En mallumon Li lokis min, kiel porĉiamajn mortintojn.Select Lamentations 3:6

7Li ĉirkaŭbaris min, ke mi ne povu eliri; Li ligis min per pezaj ĉenoj.Select Lamentations 3:7

8Kvankam mi krias kaj vokas, Li kovras Siajn orelojn antaŭ mia preĝo.Select Lamentations 3:8

9Li baris miajn vojojn per hakitaj ŝtonoj; Li kurbigis miajn vojetojn.Select Lamentations 3:9

10Li estas por mi kiel urso en embusko, kiel leono en kaŝita loko.Select Lamentations 3:10

11Li depuŝis min de miaj vojoj, kaj disŝiris min; Li faris min objekto de teruro.Select Lamentations 3:11

12Li streĉis Sian pafarkon, kaj starigis min kiel celon por Siaj sagoj.Select Lamentations 3:12

13En miajn renojn Li pafis la filojn de Sia sagujo.Select Lamentations 3:13

14Mi fariĝis mokataĵo por mia tuta popolo, ilia ĉiutaga rekantaĵo.Select Lamentations 3:14

15Li satigis min per maldolĉaĵo, trinkoplenigis min per vermuto.Select Lamentations 3:15

16Li disrompis miajn dentojn en malgrandajn pecojn, Li enpuŝis min en cindron.Select Lamentations 3:16

17Mia animo estas forpuŝita for de paco; bonstaton mi forgesis.Select Lamentations 3:17

18Kaj mi diris: Pereis mia forto kaj mia espero al la Eternulo.Select Lamentations 3:18

19La memoro pri mia mizero kaj miaj suferoj estas vermuto kaj galo.Select Lamentations 3:19

20Konstante rememorante tion, senfortiĝas en mi mia animo.Select Lamentations 3:20

21Sed tion mi respondas al mia koro, kaj tial mi esperas:Select Lamentations 3:21

22Ĝi estas favorkoreco de la Eternulo, ke ni ne tute pereis; ĉar Lia kompatemeco ne finiĝis,Select Lamentations 3:22

23Sed ĉiumatene ĝi renoviĝas; granda estas Via fideleco.Select Lamentations 3:23

24Mia parto estas la Eternulo, diras mia animo; tial mi esperas al Li.Select Lamentations 3:24

25La Eternulo estas bona por tiuj, kiuj esperas al Li, por la animo, kiu serĉas Lin.Select Lamentations 3:25

26Bone estas esperi pacience helpon de la Eternulo.Select Lamentations 3:26

27Bone estas al la homo, kiu portas jugon en sia juneco;Select Lamentations 3:27

28Li sidas solece kaj silentas, kiam li estas ŝarĝita;Select Lamentations 3:28

29Li metas sian buŝon en polvon, kredante, ke ekzistas espero;Select Lamentations 3:29

30Li donas sian vangon al tiu, kiu lin batas; li satigas sin per malhonoro.Select Lamentations 3:30

31Ĉar ne por eterne forlasas la Sinjoro;Select Lamentations 3:31

32Se Li iun suferigas, Li ankaŭ kompatas pro Sia granda favorkoreco;Select Lamentations 3:32

33Ĉar ne el Sia koro Li sendas mizeron kaj suferon al la homoj.Select Lamentations 3:33

34Kiam oni premas sub siaj piedoj ĉiujn malliberulojn de la tero,Select Lamentations 3:34

35Kiam oni forklinas la rajton de homo antaŭ la vizaĝo de la Plejaltulo,Select Lamentations 3:35

36Kiam oni estas maljusta kontraŭ homo en lia juĝa afero-Ĉu la Sinjoro tion ne vidas?Select Lamentations 3:36

37Kiu povas per sia diro atingi, ke io fariĝu, se la Sinjoro tion ne ordonis?Select Lamentations 3:37

38Ĉu ne el la buŝo de la Plejaltulo eliras la decidoj pri malbono kaj pri bono?Select Lamentations 3:38

39Kial murmuras homo vivanta? Ĉiu murmuru kontraŭ siaj pekoj.Select Lamentations 3:39

40Ni trarigardu kaj esploru nian konduton, kaj ni revenu al la Eternulo;Select Lamentations 3:40

41Ni levu nian koron kaj niajn manojn al Dio en la ĉielo.Select Lamentations 3:41

42Ni pekis kaj malobeis, kaj Vi ne pardonis.Select Lamentations 3:42

43Vi kovris Vin per kolero kaj persekutis nin; Vi mortigis, Vi ne kompatis.Select Lamentations 3:43

44Vi kovris Vin per nubo, por ke ne atingu Vin la preĝo.Select Lamentations 3:44

45Vi faris nin balaindaĵo kaj abomenindaĵo inter la popoloj.Select Lamentations 3:45

46Malfermegis kontraŭ ni sian buŝon ĉiuj niaj malamikoj.Select Lamentations 3:46

47Teruro kaj pereo trafis nin, ruinigo kaj malfeliĉo.Select Lamentations 3:47

48Torentojn da akvo verŝas mia okulo pri la malfeliĉo de la filino de mia popolo.Select Lamentations 3:48

49Mia okulo fluigas kaj ne ĉesas, ne ekzistas por ĝi halto,Select Lamentations 3:49

50Ĝis la Eternulo ekrigardos kaj ekvidos de la ĉielo.Select Lamentations 3:50

51Mia okulo suferigas mian animon pri ĉiuj filinoj de mia urbo.Select Lamentations 3:51

52Senkaŭze ĉasas min kiel birdon miaj malamikoj;Select Lamentations 3:52

53Ili pereigas mian vivon en kavo, ili ĵetas sur min ŝtonojn.Select Lamentations 3:53

54Akvo leviĝis kontraŭ mian kapon, kaj mi diris: Mi tute pereis.Select Lamentations 3:54

55Mi vokis Vian nomon, ho Eternulo, el la profunda kavo;Select Lamentations 3:55

56Vi aŭdis mian voĉon; ne kovru Vian orelon antaŭ mia vokado pri liberigo.Select Lamentations 3:56

57Vi alproksimiĝis, kiam mi vokis al Vi; Vi diris: Ne timu.Select Lamentations 3:57

58Vi, ho Sinjoro, defendis mian juĝaferon; Vi liberigis mian vivon.Select Lamentations 3:58

59Vi vidis, ho Eternulo, la maljustaĵon, kiun mi suferas; juĝu mian aferon.Select Lamentations 3:59

60Vi vidis ilian tutan venĝon, ĉiujn iliajn intencojn kontraŭ mi.Select Lamentations 3:60

61Vi aŭdis ilian insultadon, ho Eternulo, ĉiujn iliajn intencojn kontraŭ mi,Select Lamentations 3:61

62La parolojn de tiuj, kiuj leviĝis kontraŭ min, kaj iliajn pensojn kontraŭ mi dum la tuta tago.Select Lamentations 3:62

63Rigardu, kiam ili sidas kaj kiam ili leviĝas; mi ĉiam estas ilia rekantaĵo.Select Lamentations 3:63

64Redonu al ili repagon, ho Eternulo, laŭ la faroj de iliaj manoj.Select Lamentations 3:64

65Donu al ili doloron en la koro, sentigu al ili Vian malbenon.Select Lamentations 3:65

66Persekutu ilin en kolero, kaj ekstermu ilin el sub la ĉielo de la Eternulo.Select Lamentations 3:66