10John 10

1Vere, vere, mi diras al vi: Kiu eniras en la ŝafejon ne tra la pordo, sed aliloke suprengrimpas, tiu estas ŝtelisto kaj rabisto.Select John 10:1

2Sed kiu eniras tra la pordo, tiu estas la paŝtisto de la ŝafoj.Select John 10:2

3Al tiu la pordisto malfermas; kaj la ŝafoj aŭskultas lian voĉon, kaj li alvokas laŭ nomoj siajn proprajn ŝafojn, kaj elkondukas ilin.Select John 10:3

4Kaj kiam li kondukis eksteren siajn ŝafojn, li iras antaŭ ili, kaj la ŝafoj lin sekvas, ĉar ili konas lian voĉon.Select John 10:4

5Kaj fremdulon ili ne sekvos, sed forkuros de li, ĉar ili ne konas la voĉon de fremduloj.Select John 10:5

6Tiun alegorion Jesuo diris al ili; sed ili ne komprenis, kiajn aferojn li parolas al ili.Select John 10:6

7Jesuo do diris denove al ili: Vere, vere, mi diras al vi: Mi estas la pordo de la ŝafoj.Select John 10:7

8Ĉiuj, kiuj venis pli frue ol mi, estas ŝtelistoj kaj rabistoj; sed la ŝafoj ne aŭskultis ilin.Select John 10:8

9Mi estas la pordo; se iu tra mi eniras, tiu estos savita; kaj li eniros kaj eliros, kaj trovos paŝtaĵon.Select John 10:9

10La ŝtelisto ne venas, krom por ŝteli kaj buĉi kaj pereigi; mi venis, por ke ili havu vivon, kaj havu ĝin abunde.Select John 10:10

11Mi estas la bona paŝtisto; la bona paŝtisto demetas sian vivon por la ŝafoj.Select John 10:11

12La dungito, kaj tiu, kiu ne estas paŝtisto, kies propraĵo la ŝafoj ne estas, ekvidas la lupon venanta kaj lasas la ŝafojn kaj forkuras; kaj la lupo ilin kaptas kaj dispelas;Select John 10:12

13li forkuras tial, ke li estas dungito kaj ne zorgas pri la ŝafoj.Select John 10:13

14Mi estas la bona paŝtisto, kaj mi konas la miajn, kaj la miaj min konasSelect John 10:14

15tiel same, kiel la Patro min konas, kaj mi konas la Patron; kaj mi demetas mian vivon por la ŝafoj.Select John 10:15

16Kaj aliajn ŝafojn mi havas, kiuj ne estas de ĉi tiu gregejo; ilin ankaŭ mi devas alkonduki, kaj ili aŭskultos mian voĉon; kaj estos unu grego, unu paŝtisto.Select John 10:16

17Pro tio la Patro min amas, ke mi demetas mian vivon, por ke mi ĝin reprenu.Select John 10:17

18Neniu ĝin forprenas de mi, sed mi ĝin demetas memvole. Mi havas la rajton ĝin demeti, kaj mi havas la rajton ĝin repreni. Ĉi tiun ordonon mi ricevis de mia Patro.Select John 10:18

19Denove fariĝis malkonsento inter la Judoj pro tiuj diroj.Select John 10:19

20Kaj multaj el ili diris: Li havas demonon kaj estas freneza; kial vi lin aŭskultas?Select John 10:20

21Aliaj diris: Tiuj ne estas diroj de demonhavanto. Ĉu demono povas malfermi la okulojn de blinduloj?Select John 10:21

22Okazis la festo de inaŭguro en Jerusalem, kaj estis vintro;Select John 10:22

23kaj Jesuo promenis en la templo, en la portiko de Salomono.Select John 10:23

24La Judoj do ĉirkaŭis lin, kaj diris al li: Ĝis kiam vi tenas en dubo nian animon? Se vi estas la Kristo, diru al ni malkaŝe.Select John 10:24

25Jesuo respondis al ili: Mi diris al vi, kaj vi ne kredas; la faroj, kiujn mi faras en la nomo de mia Patro, atestas pri mi.Select John 10:25

26Sed vi ne kredas, ĉar vi ne estas el miaj ŝafoj.Select John 10:26

27Miaj ŝafoj aŭskultas mian voĉon, kaj mi ilin konas, kaj ili min sekvas;Select John 10:27

28kaj mi donas al ili eternan vivon; kaj ili neniam pereos, kaj neniu ilin forkaptos el mia mano.Select John 10:28

29Mia Patro, kiu donis ilin al mi, superas ĉion; kaj neniu povas ion forkapti el la mano de mia Patro.Select John 10:29

30Mi kaj la Patro estas unu.Select John 10:30

31Tiam la Judoj denove prenis ŝtonojn, por ŝtonmortigi lin.Select John 10:31

32Jesuo respondis al ili: Multajn bonajn farojn mi montris al vi de mia Patro; pro kiu el ili vi volas ŝtonmortigi min?Select John 10:32

33La Judoj respondis: Ne pro bona faro ni volas ŝtonmortigi vin, sed pro blasfemo, kaj ĉar vi, estante homo, pretendas esti Dio.Select John 10:33

34Jesuo respondis: Ĉu ne estas skribite en via leĝo: Mi diris: Vi estas dioj?Select John 10:34

35Se li nomis dioj tiujn, al kiuj venis la vorto de Dio (kaj la Skribo ne povas esti nuligita),Select John 10:35

36ĉu vi diras pri tiu, kiun la Patro konsekris kaj sendis en la mondon: Vi blasfemas; ĉar mi diris: Mi estas Filo de Dio?Select John 10:36

37Se mi ne faras la farojn de mia Patro, ne kredu al mi.Select John 10:37

38Sed se mi faras ilin, kvankam vi ne kredas al mi, kredu la farojn, por ke vi sciu kaj komprenu, ke la Patro estas en mi, kaj mi en la Patro.Select John 10:38

39Ili denove celis kapti lin, sed li iris for de ilia mano.Select John 10:39

40Li foriris denove trans Jordanon tien, kie Johano unue baptis, kaj tie li restadis.Select John 10:40

41Kaj multaj venis al li, kaj diris: Johano ja ne faris signon; sed ĉio, kion Johano diris pri ĉi tiu, estis vera.Select John 10:41

42Kaj tie multaj kredis al li.Select John 10:42