12Job 12

1Kaj Ijob respondis kaj diris:Select Job 12:1

2Certe, vi solaj estas homoj, Kaj kun vi mortos la saĝo.Select Job 12:2

3Mi ankaŭ havas koron, kiel vi; Mi ne estas malpli valora ol vi; Kiu ne povas paroli tiele?Select Job 12:3

4Mi fariĝis mokataĵo por mia amiko, Mi, kiu vokadis al Dio kaj estis aŭskultata; Virtulo kaj senkulpulo fariĝis mokataĵo;Select Job 12:4

5Malestimata lucerneto li estas antaŭ la pensoj de feliĉuloj, Pretigita por migrantoj.Select Job 12:5

6Bonstataj estas la tendoj de rabistoj, Kaj sendanĝerecon havas la incitantoj de Dio, Tiuj, kiuj portas Dion en sia mano.Select Job 12:6

7Vere, demandu la brutojn, kaj ili instruos vin; La birdojn de la ĉielo, kaj ili diros al vi;Select Job 12:7

8Aŭ parolu kun la tero, kaj ĝi klarigos al vi; Kaj rakontos al vi la fiŝoj de la maro.Select Job 12:8

9Kiu ne ekscius el ĉio ĉi tio, Ke la mano de la Eternulo tion faris,Select Job 12:9

10De Tiu, en kies mano estas la animo de ĉio vivanta Kaj la spirito de ĉiu homa karno?Select Job 12:10

11La orelo esploras ja la parolon, Kaj la palato gustumas al si la manĝaĵon.Select Job 12:11

12La maljunuloj posedas saĝon, Kaj la grandaĝuloj kompetentecon.Select Job 12:12

13Ĉe Li estas la saĝo kaj la forto; Ĉe Li estas konsilo kaj kompetenteco.Select Job 12:13

14Kion Li detruas, tio ne rekonstruiĝas; Kiun Li enŝlosos, tiu ne liberiĝos.Select Job 12:14

15Kiam Li digas la akvon, ĝi elsekiĝas; Kiam Li fluigas ĝin, ĝi renversas la teron.Select Job 12:15

16Ĉe Li estas potenco kaj forto; Lia estas tiu, kiu eraras, kaj tiu, kiu erarigas.Select Job 12:16

17Li irigas konsilistojn kiel erarvagantojn, Kaj la juĝistojn Li faras malsaĝaj.Select Job 12:17

18La ligilojn de reĝoj Li malligas, Kaj Li ligas per zono iliajn lumbojn.Select Job 12:18

19Li erarvagigas la pastrojn Kaj faligas la potenculojn.Select Job 12:19

20Li mutigas la lipojn de fidinduloj Kaj forprenas de maljunuloj la prudenton.Select Job 12:20

21Li verŝas honton sur eminentulojn Kaj malfirmigas la zonon de potenculoj.Select Job 12:21

22Li malkovras profundaĵon el meze de mallumo, Kaj mortan ombron Li elirigas en la lumon.Select Job 12:22

23Li grandigas naciojn kaj pereigas ilin, Disvastigas naciojn kaj forpelas ilin.Select Job 12:23

24Li senkuraĝigas la ĉefojn de la popolo de la lando Kaj erarvagigas ilin en dezerto senvoja;Select Job 12:24

25Ili palpas en mallumo, en senlumeco; Kaj Li ŝanceliĝigas ilin kiel ebriuloj.Select Job 12:25