36Job 36

1Kaj plue parolis Elihu, kaj diris:Select Job 36:1

2Atendu ankoraŭ iom; mi montros al vi, Ĉar mi havas ankoraŭ kion paroli pro Dio.Select Job 36:2

3Mi prenos mian scion de malproksime, Kaj mi montros, ke mia Kreinto estas prava.Select Job 36:3

4Ĉar vere miaj vortoj ne estas mensogaj; Homo sincera estas antaŭ vi.Select Job 36:4

5Vidu, Dio estas potenca, kaj tamen Li neniun malŝatas; Li estas potenca per la forto de la koro.Select Job 36:5

6Al malpiulo Li ne permesas vivi, Kaj al mizeruloj Li donas justecon.Select Job 36:6

7Li ne forturnas de virtuloj Siajn okulojn, Sed kun reĝoj sur trono Li sidigas ilin por ĉiam, Por ke ili estu altaj.Select Job 36:7

8Kaj se ili estas ligitaj per ĉenoj, Malliberigitaj mizere per ŝnuroj,Select Job 36:8

9Tiam Li montras al ili iliajn farojn kaj kulpojn, Kiel grandaj ili estas.Select Job 36:9

10Li malfermas ilian orelon por la moralinstruo, Kaj diras, ke ili deturnu sin de malbonagoj.Select Job 36:10

11Se ili obeas kaj servas al Li, Tiam ili finas siajn tagojn en bono Kaj siajn jarojn en stato agrabla;Select Job 36:11

12Sed se ili ne obeas, Tiam ili pereas per glavo Kaj mortas en malprudento.Select Job 36:12

13La hipokrituloj portas en si koleron; Ili ne vokas, kiam Li ilin ligis;Select Job 36:13

14Ilia animo mortas en juneco, Kaj ilia vivo pereas inter la malĉastuloj.Select Job 36:14

15Li savas la suferanton en lia mizero, Kaj per la sufero Li malfermas ilian orelon.Select Job 36:15

16Ankaŭ vin Li elkondukus el la suferoj En spacon vastan, kie ne ekzistas premateco; Kaj vi havus pacon ĉe via tablo, plena de grasaĵoj.Select Job 36:16

17Sed vi fariĝis plena de kulpoj de malvirtulo; Kulpo kaj juĝo tenas sin kune.Select Job 36:17

18Via kolero ne forlogu vin al mokado, Kaj grandeco de elaĉeto ne deklinu vin.Select Job 36:18

19Ĉu Li atentos vian riĉecon? Ne, nek oron, nek forton aŭ potencon.Select Job 36:19

20Ne strebu al tiu nokto, Kiu forigas popolojn de ilia loko.Select Job 36:20

21Gardu vin, ne kliniĝu al malpieco; Ĉar tion vi komencis pro la mizero.Select Job 36:21

22Vidu, Dio estas alta en Sia forto. Kiu estas tia instruanto, kiel Li?Select Job 36:22

23Kiu povas preskribi al Li vojon? Kaj kiu povas diri: Vi agis maljuste?Select Job 36:23

24Memoru, ke vi honoru Liajn farojn, Pri kiuj kantas la homoj.Select Job 36:24

25Ĉiuj homoj ilin vidas; Homo rigardas ilin de malproksime.Select Job 36:25

26Vidu, Dio estas granda kaj nekonata; La nombro de Liaj jaroj estas neesplorebla.Select Job 36:26

27Kiam Li malgrandigas la gutojn de akvo, Ili verŝiĝas pluve el la nebulo;Select Job 36:27

28Verŝiĝas la nuboj Kaj gutas sur multe da homoj.Select Job 36:28

29Kaj kiam Li intencas etendi la nubojn Kiel tapiŝojn de Sia tendo,Select Job 36:29

30Tiam Li etendas sur ilin Sian lumon Kaj kovras la radikojn de la maro.Select Job 36:30

31Ĉar per ili Li juĝas la popolojn Kaj donas ankaŭ manĝaĵon abunde.Select Job 36:31

32Per la manoj Li kovras la lumon Kaj ordonas al ĝi aperi denove.Select Job 36:32

33Antaŭdiras pri ĝi ĝia bruo, Kaj eĉ la brutaroj, kiam ĝi alproksimiĝas.Select Job 36:33