14Proverbs 14

1Saĝa virino konstruas sian domon; Sed malsaĝa detruas ĝin per siaj manoj.Select Proverbs 14:1

2Kiu iras la ĝustan vojon, tiu timas la Eternulon; Sed kiu iras vojon malĝustan, tiu Lin malestimas.Select Proverbs 14:2

3En la buŝo de malsaĝulo estas vergo por lia malhumileco; Sed la buŝo de saĝuloj ilin gardas.Select Proverbs 14:3

4Se ne ekzistas bovoj, la grenejoj estas malplenaj; Sed multe da profito estas de la forto de bovoj.Select Proverbs 14:4

5Verama atestanto ne mensogas; Sed atestanto falsama elspiras mensogojn.Select Proverbs 14:5

6Mokanto serĉas saĝecon kaj ĝin ne trovas; Sed por saĝulo la sciado estas facila.Select Proverbs 14:6

7Foriru de homo malsaĝa; Ĉar vi ne aŭdos parolon de saĝo.Select Proverbs 14:7

8La saĝeco de saĝulo estas komprenado de sia vojo; Kaj la malsaĝeco de malsaĝuloj estas trompiĝado.Select Proverbs 14:8

9Malsaĝuloj ŝercas pri siaj kulpoj; Sed inter virtuloj ekzistas reciproka favoro.Select Proverbs 14:9

10Koro scias sian propran malĝojon; Kaj en ĝia ĝojo ne partoprenas fremdulo.Select Proverbs 14:10

11Domo de malvirtuloj estos ekstermita; Sed dometo de virtuloj floros.Select Proverbs 14:11

12Iufoje vojo ŝajnas ĝusta al homo, Kaj tamen ĝia fino kondukas al la morto.Select Proverbs 14:12

13Ankaŭ dum ridado povas dolori la koro; Kaj la fino de ĝojo estas malĝojo.Select Proverbs 14:13

14Laŭ siaj agoj manĝos homo malbonkora; Kaj homo bona satiĝos per siaj faroj.Select Proverbs 14:14

15Naivulo kredas ĉiun vorton; Sed saĝulo estas atenta pri sia vojo.Select Proverbs 14:15

16Saĝulo timas, kaj forkliniĝas de malbono; Sed malsaĝulo estas incitiĝema kaj memfidema.Select Proverbs 14:16

17Malpacienculo faras malsaĝaĵojn; Kaj malbonintenculo estas malamata.Select Proverbs 14:17

18Naivuloj akiras malsaĝecon; Sed saĝuloj estas kronataj de klereco.Select Proverbs 14:18

19Malbonuloj humiliĝos antaŭ bonuloj; Kaj malvirtuloj estos antaŭ la pordego de virtulo.Select Proverbs 14:19

20Malriĉulo estas malamata eĉ de sia proksimulo; Sed riĉulo havas multe da amikoj.Select Proverbs 14:20

21Kiu malŝatas sian proksimulon, tiu estas pekulo; Sed kiu kompatas malriĉulojn, tiu estas feliĉa.Select Proverbs 14:21

22Ĉu ne eraras malbonintenculoj? Sed favorkoreco kaj vero estas ĉe tiuj, kiuj havas bonajn intencojn.Select Proverbs 14:22

23De ĉiu laboro estos profito; Sed de babilado venas nur senhaveco.Select Proverbs 14:23

24Propra riĉeco estas krono por la saĝuloj; Sed la malsaĝeco de la malsaĝuloj restas malsaĝeco.Select Proverbs 14:24

25Verparola atestanto savas animojn; Sed malverparola elspiras trompon.Select Proverbs 14:25

26En la timo antaŭ la Eternulo estas forta fortikaĵo; Kaj Li estos rifuĝejo por Siaj infanoj.Select Proverbs 14:26

27La timo antaŭ la Eternulo estas fonto de vivo, Por evitigi la retojn de la morto.Select Proverbs 14:27

28Grandeco de popolo estas gloro por reĝo; Kaj manko de popolo pereigas la reganton.Select Proverbs 14:28

29Pacienculo havas multe da saĝo; Sed malpacienculo elmontras malsaĝecon.Select Proverbs 14:29

30Trankvila koro estas vivo por la korpo; Sed envio estas puso por la ostoj.Select Proverbs 14:30

31Kiu premas malriĉulon, tiu ofendas lian Kreinton; Kaj kiu Lin honoras, tiu kompatas malriĉulon.Select Proverbs 14:31

32Pro sia malboneco malvirtulo estos forpuŝita; Sed virtulo eĉ mortante havas esperon.Select Proverbs 14:32

33En la koro de saĝulo ripozas saĝo; Kaj kio estas en malsaĝuloj, tio elmontriĝas.Select Proverbs 14:33

34Virto altigas popolon; Sed peko pereigas gentojn.Select Proverbs 14:34

35Favoron de la reĝo havas sklavo saĝa; Sed kontraŭ malbonkonduta li koleras.Select Proverbs 14:35