5Proverbs 5

1Mia filo! atentu mian saĝon; Al mia prudento klinu vian orelon,Select Proverbs 5:1

2Por ke vi konservu prudenton Kaj via buŝo tenu scion.Select Proverbs 5:2

3Ĉar la buŝo de malĉastulino elverŝas mielon, Kaj ŝia gorĝo estas pli glata ol oleo.Select Proverbs 5:3

4Sed ŝia sekvaĵo estas maldolĉa kiel absinto, Akra kiel ambaŭtranĉa glavo.Select Proverbs 5:4

5Ŝiaj piedoj iras malsupren al la morto; Ŝiaj paŝoj atingas Ŝeolon.Select Proverbs 5:5

6Ŝi ne iras rekte laŭ la vojo de vivo; Ŝiaj paŝoj ŝanceliĝas, sed tion ŝi ne scias.Select Proverbs 5:6

7Kaj nun, infanoj, aŭskultu min, Kaj ne forkliniĝu de la vortoj de mia buŝo.Select Proverbs 5:7

8Malproksimigu de ŝi vian vojon, Kaj ne proksimiĝu al la pordo de ŝia domo,Select Proverbs 5:8

9Por ke vi ne fordonu al aliaj vian honoron Kaj viajn jarojn al la kruelulo,Select Proverbs 5:9

10Por ke fremduloj ne satiĝu de via havo, Kaj viaj laboroj ne estu en fremda domo,Select Proverbs 5:10

11Ĝis vi ĝemos en la fino, Kiam konsumiĝos via karno kaj via korpo,Select Proverbs 5:11

12Kaj vi diros: Ho, kiel mi malamis instruon, Kaj mia koro malŝatis moraligon!Select Proverbs 5:12

13Kaj mi ne aŭskultis la voĉon de miaj instruantoj, Kaj mi ne klinis mian orelon al miaj lernigantoj.Select Proverbs 5:13

14Mi estis preskaŭ en ĉia malbono Meze de kunveno kaj societo.Select Proverbs 5:14

15Trinku akvon el via cisterno, Kaj fluantan el via puto.Select Proverbs 5:15

16Viaj fontoj disfluu eksteren, Akvaj torentoj en la stratojn.Select Proverbs 5:16

17Ili apartenu al vi sola, Sed ne al aliaj kun vi.Select Proverbs 5:17

18Via fonto estu benata; Kaj havu ĝojon de la edzino de via juneco.Select Proverbs 5:18

19Ŝi estas ĉarma kiel cervino, Kaj aminda kiel ibeksino; Ŝiaj karesoj ĝuigu vin en ĉiu tempo, Ŝia amo ĉiam donu al vi plezuron.Select Proverbs 5:19

20Kaj kial, mia filo, vi volas serĉi al vi plezuron ĉe fremda virino Kaj enbrakigi ne apartenantan al vi?Select Proverbs 5:20

21Ĉar antaŭ la okuloj de la Eternulo estas la vojoj de homo, Kaj ĉiujn liajn irojn Li pripensas.Select Proverbs 5:21

22Liaj propraj malbonfaroj enkaptos la malpiulon, Kaj la ŝnuroj de lia peko lin tenos.Select Proverbs 5:22

23Li mortos pro manko de eduko; Kaj la multo de lia senprudenteco lin devojigos.Select Proverbs 5:23