8Hosea 8

1Metu trumpeton al via buŝo! Li flugas kiel aglo al la domo de la Eternulo, pro tio, ke ili agis kontraŭ Mia interligo kaj defalis de Mia instruo.Select Hosea 8:1

2Al Mi ili vokos: Ho mia Dio, ni, Izraelidoj, ekkonis Vin.Select Hosea 8:2

3Izrael forpuŝis la bonon; malamiko lin persekutos.Select Hosea 8:3

4Ili starigis reĝojn, sed ne de Mi; ili starigis princojn, sed sen Mia scio; el sia arĝento kaj oro ili faris al si idolojn, por pereigi sin.Select Hosea 8:4

5Forpuŝita estas via bovido, ho Samario; ekflamis kontraŭ ili Mia kolero; kiel longe ankoraŭ ili ne povos puriĝi?Select Hosea 8:5

6Ĉar ĝi estas faritaĵo de Izrael; artisto ĝin faris, kaj ĝi ne estas dio; dispecetiĝos la bovido de Samario.Select Hosea 8:6

7Ĉar ili semas venton, ili rikoltos ventegon; grenon li ne havos; la kreskantaĵo ne donos farunon; se ĝi eĉ donos, fremduloj ĝin formanĝos.Select Hosea 8:7

8Izrael estas formanĝata; nun ili fariĝis inter la popoloj kiel senvalora vazo.Select Hosea 8:8

9Ĉar ili iris en Asirion, kiel sovaĝa azeno solece vaganta; la Efraimidoj donis amajn donacojn.Select Hosea 8:9

10Kvankam ili donis donacojn al la nacioj, Mi nun kolektus ilin, por ke ili iom ripozu de la ŝarĝo de la reĝo de la princoj.Select Hosea 8:10

11Sed multe da altaroj konstruis Efraim, por peki; ili fariĝis por li altaroj pekigaj.Select Hosea 8:11

12Mi skribis por li la multon de Miaj leĝoj; sed li rigardas ilin kiel fremdaĵon.Select Hosea 8:12

13La oferojn, donacatajn al Mi, ili buĉas nur pro viando, por ĝin manĝi; la Eternulo ne deziras ilin; nun Li rememoros iliajn malbonagojn kaj punos iliajn pekojn; ili revenos en Egiptujon.Select Hosea 8:13

14Izrael forgesis sian Kreinton, kaj konstruas palacojn; Jehuda konstruis multe da fortikigitaj urboj; sed Mi sendos fajron sur liajn urbojn, kaj ĝi ekstermos liajn palacojn.Select Hosea 8:14