101 Corinthians 10

1Ĉar mi ne volas, fratoj, ke vi ne sciu, ke niaj prapatroj estis ĉiuj sub la nubo, kaj ĉiuj trairis la maron;Select 1 Corinthians 10:1

2kaj ĉiuj baptiĝis en Moseon en la nubo kaj en la maro;Select 1 Corinthians 10:2

3kaj ĉiuj manĝis la saman spiritan manĝaĵon;Select 1 Corinthians 10:3

4kaj ĉiuj trinkis la saman spiritan trinkaĵon; ĉar ili trinkis el spirita roko, kiu ilin sekvis; kaj la roko estis Kristo.Select 1 Corinthians 10:4

5Tamen la plejmulto el ili ne plaĉis al Dio; ili ja disĵetiĝis en la dezerto.Select 1 Corinthians 10:5

6Sed tio okazis kiel ekzemploj por ni, por ke ni ne deziregu malbonaĵojn, kiel ili ankaŭ deziregis.Select 1 Corinthians 10:6

7Kaj vi ne estu idolanoj, kiel estis kelkaj el ili; kiel estas skribite: La popolo sidiĝis, por manĝi kaj trinki, kaj ili leviĝis, por ludi.Select 1 Corinthians 10:7

8Kaj ni ne malĉastadu, kiel kelkaj el ili faris, kaj falis en unu tago dudek tri mil.Select 1 Corinthians 10:8

9Kaj ni ne incitu la Eternulon, kiel kelkaj el ili incitis, kaj pereis per serpentoj.Select 1 Corinthians 10:9

10Kaj vi ne murmuru, kiel kelkaj el ili murmuris, kaj pereis per la ekstermanto.Select 1 Corinthians 10:10

11Tio okazis al ili kiel ekzemploj, kaj ĝi estas skribita kiel admono por ni, sur kiujn venis la finoj de la mondaĝoj.Select 1 Corinthians 10:11

12Tiu do, kiu opinias, ke li staras, sin gardu, por ke li ne falu.Select 1 Corinthians 10:12

13Nenia tento vin prenis, krom laŭ homa forto; sed fidela estas Dio, kiu ne lasos vin esti tentataj super via forto; sed kune kun la tento ankaŭ faros la forkurejon, por ke vi povu ĝin elporti.Select 1 Corinthians 10:13

14Tial, miaj amataj, forsavu vin de idolservado.Select 1 Corinthians 10:14

15Mi parolas kiel al saĝuloj; vi juĝu tion, kion mi diras.Select 1 Corinthians 10:15

16Ĉu ne estas la kaliko de beno, kiun ni benas, partopreno en la sango de Kristo? Ĉu ne estas la pano, kiun ni dispecigas, partopreno en la korpo de Kristo?Select 1 Corinthians 10:16

17pro tio, ke ni, kiuj estas multaj, estas unu pano, unu korpo; ĉar ni ĉiuj prenas parton el la unu pano.Select 1 Corinthians 10:17

18Rigardu Izraelon laŭ la karno: ĉu ne estas tiuj, kiuj manĝas la oferojn, partoprenantoj en la altaro?Select 1 Corinthians 10:18

19Kion do mi diras? ke idoloferitaĵo estas io, aŭ ke idolo estas io?Select 1 Corinthians 10:19

20Sed mi diras, ke tion, kion oferas la nacianoj, ili oferas al demonoj, kaj ne al Dio; kaj mi ne volas, ke vi partoprenu kun demonoj.Select 1 Corinthians 10:20

21Vi ne povas trinki la kalikon de la Sinjoro kaj la kalikon de demonoj; vi ne povas partopreni ĉe la tablo de la Sinjoro kaj ĉe la tablo de demonoj.Select 1 Corinthians 10:21

22Aŭ ĉu ni ĵaluzigas la Sinjoron? ĉu ni estas pli fortaj ol li?Select 1 Corinthians 10:22

23Ĉio estas permesata; sed ne ĉio estas oportuna. Ĉio estas permesata; sed ne ĉio edifas.Select 1 Corinthians 10:23

24Neniu celu sian bonon, sed ĉiu la bonon de sia proksimulo.Select 1 Corinthians 10:24

25Kion oni vendas en la buĉejo, ĉion manĝu, demandante nenion pro konscienco;Select 1 Corinthians 10:25

26ĉar al la Eternulo apartenas la tero, kaj ĉio, kio ĝin plenigas.Select 1 Corinthians 10:26

27Se iu el la nekredantoj invitas vin al festeno, kaj vi volas iri, kion oni metas antaŭ vi, ĉion manĝu, demandante nenion pro konscienco.Select 1 Corinthians 10:27

28Sed se iu diras al vi: Ĉi tio estas oferitaĵo-ne manĝu, pro la montrinto, kaj pro konscienco:Select 1 Corinthians 10:28

29konscienco, mi diras, ne via propra, sed de la alia; ĉar kial mia libereco estus juĝata per alia konscienco?Select 1 Corinthians 10:29

30Se mi danke partoprenas, kial mi estus mallaŭdata pri tio, pro kio mi donas dankon?Select 1 Corinthians 10:30

31Ĉu do vi manĝas, aŭ trinkas, aŭ kion ajn vi faras, faru ĉion por la gloro de Dio.Select 1 Corinthians 10:31

32Ne metu faligilon, ĉu por Judoj, aŭ por Grekoj, aŭ por la eklezio de Dio;Select 1 Corinthians 10:32

33tiel same, kiel mi ankaŭ plaĉas al ĉiuj en ĉio, celante ne mian propran utilon, sed la utilon de la multaj, por ke ili saviĝu.Select 1 Corinthians 10:33