2Colossians 2

1Mi volas do, ke vi sciu, kiel grandan klopodon mi havas pro vi, kaj pro tiuj en Laodikea, kaj pro ĉiuj, kiuj ne vidis mian vizaĝon en la karno;Select Colossians 2:1

2por ke iliaj koroj konsoliĝu, dum ili kunkroĉiĝas en amo, kaj al ĉia riĉeco de la plena certiĝo de kompreno, por ke ili sciu la misteron de Dio, Kriston,Select Colossians 2:2

3en kiu estas kaŝitaj ĉiuj trezoroj de saĝeco kaj de scio.Select Colossians 2:3

4Tion mi diras, por ke neniu vin trompu per parola allogeco.Select Colossians 2:4

5Ĉar kvankam mi laŭ karno forestas, tamen laŭ spirito mi estas kun vi, ĝojante kaj vidante vian ordon kaj la firmecon de via fido al Kristo.Select Colossians 2:5

6Kiel do vi ricevis Kriston Jesuon, la Sinjoron, tiel vi iradu en li,Select Colossians 2:6

7enradikigite kaj konstruite en li, kaj firmigite en la fido, kiel vi estas instruitaj, kun abundo da dankesprimo.Select Colossians 2:7

8Gardu vin, ke neniu prirabu vin per filozofio kaj vanta trompo, laŭ la tradicio de homoj, laŭ la elementoj de la mondo, kaj ne laŭ Kristo;Select Colossians 2:8

9ĉar en li korpe loĝas la tuta pleneco de la Dieco,Select Colossians 2:9

10kaj vi estas plenigitaj en li, kiu estas la kapo de ĉia estreco kaj aŭtoritato;Select Colossians 2:10

11en kiu ankaŭ vi cirkumcidiĝis per cirkumcido ne manfarita, en la demeto de la korpo de la karno, en la cirkumcido de Kristo;Select Colossians 2:11

12enterigite kun li en bapto, en kiu ankaŭ vi estas kunlevitaj per la fido al la energio de Dio, kiu lin levis el la mortintoj.Select Colossians 2:12

13Kaj vin, kiuj estis malvivaj per viaj eraroj kaj la necirkumcido de via karno, Li vivigis kun li, pardoninte al ni ĉiujn erarojn;Select Colossians 2:13

14elviŝinte la dekreton kontraŭ ni en ordonoj skribitan, kiu estis al ni malfavora, kaj li forprenis ĝin el la mezo, najlinte ĝin al la kruco;Select Colossians 2:14

15kaj foriginte de si la estrecojn kaj la aŭtoritatojn, parade malkaŝis ilin, triumfante super ili en ĝi.Select Colossians 2:15

16Neniu do vin juĝu pri manĝaĵo, aŭ trinkaĵo, aŭ rilate al festo, aŭ novmonato, aŭ sabato;Select Colossians 2:16

17kiuj estas ombro de la estontaĵoj, sed la korpo apartenas al Kristo.Select Colossians 2:17

18Neniu forrabu de vi vian premion per memvola humileco kaj kulto de la anĝeloj, entrudante sin en tion, kion li ne vidis, vante blovoŝvelinte per sia karna menso,Select Colossians 2:18

19kaj ne tenante sin al la Kapo, el kiu la tuta korpo, per la artikoj kaj ligiloj provizita kaj kunigita, kreskas laŭ la kreskigo de Dio.Select Colossians 2:19

20Se vi mortis kun Kristo for de la elementoj de la mondo, kial, kiel vivantaj en la mondo, vi submetiĝas al dekretoj:Select Colossians 2:20

21Ne tuŝu, ne gustumu, ne palpu,Select Colossians 2:21

22pri ĉio, kio pereas per la uzado, laŭ la ordonoj kaj doktrinoj de homoj?Select Colossians 2:22

23Ĉio tio havas ŝajnon de saĝeco en volokulto kaj humileco kaj severeco rilate al la korpo, sed ne en ia valoro por plensatigo de la karno.Select Colossians 2:23