48Ezekiel 48

1Jen estas la nomoj de la triboj: de la norda rando laŭ la vojo al Ĥetlon, en la direkto al Ĥamat, Ĥacar-Enan, norde de la limo de Damasko ĝis Ĥamat; ĉi tiu regiono de oriente ĝis okcidente apartenos sole al Dan.Select Ezekiel 48:1

2Kaj apud la limo de Dan, de la orienta rando ĝis la okcidenta, havos sian parton Aŝer.Select Ezekiel 48:2

3Apud la limo de Aŝer, de la orienta rando ĝis la okcidenta, havos sian parton Naftali.Select Ezekiel 48:3

4Apud la limo de Naftali, de la orienta rando ĝis la okcidenta, havos sian parton Manase.Select Ezekiel 48:4

5Apud la limo de Manase, de la orienta rando ĝis la okcidenta, havos sian parton Efraim.Select Ezekiel 48:5

6Apud la limo de Efraim, de la orienta rando ĝis la okcidenta, havos sian parton Ruben.Select Ezekiel 48:6

7Apud la limo de Ruben, de la orienta rando ĝis la okcidenta, havos sian parton Jehuda.Select Ezekiel 48:7

8Apud la limo de Jehuda, de la orienta rando ĝis la okcidenta, estos la konsekrita terpeco, kiun vi apartigos, kaj kiu havos la larĝon de dudek kvin mil mezurstangoj kaj la longon kiel unu el la partoj de la orienta rando ĝis la okcidenta, kaj en kies mezo estos la sanktejo.Select Ezekiel 48:8

9La apartigita terpeco, kiun vi konsekros al la Eternulo, havos la longon de dudek kvin mil kaj la larĝon de dek mil.Select Ezekiel 48:9

10Kaj la sankta terpeco estos por la pastroj, havante norden dudek kvin mil, kaj okcidenten la larĝon de dek mil, orienten la larĝon de dek mil, kaj suden la longon de dudek kvin mil; kaj en ĝia mezo estos la sanktejo de la Eternulo.Select Ezekiel 48:10

11Ĝi estu sanktigita por la pastroj el la filoj de Cadok, kiuj plenumadis Mian servadon kaj ne defalis de Mi dum la defalo de la Izraelidoj, kiel defalis la Levidoj.Select Ezekiel 48:11

12Kaj al ili estos apartigita parto el la konsekrita terpeco, kiel plejsanktaĵo, apud la limo de la Levidoj.Select Ezekiel 48:12

13Kaj la Levidoj havos apud la limo de la pastroj dudek kvin mil da longo kaj dek mil da larĝo; la tuta longo estos dudek kvin mil, kaj la larĝo estos dek mil.Select Ezekiel 48:13

14Ili nenion devas vendi el tio, nek interŝanĝi; la unuaaĵo de la lando devas ne transiri, ĉar ĝi estas konsekrita al la Eternulo.Select Ezekiel 48:14

15La ceteraj kvin mil da larĝo kun dudek kvin mil da longo estas nekonsekrita apartenaĵo de la urbo, kiel loĝatejo kaj antaŭurbo; kaj la urbo estos en la mezo.Select Ezekiel 48:15

16Jen estas ĝiaj dimensioj: la norda rando havos kvar mil kvincent, la suda rando kvar mil kvincent, la orienta rando kvar mil kvincent, kaj la okcidenta rando kvar mil kvincent.Select Ezekiel 48:16

17La antaŭurbo de la urbo havos norde ducent kvindek, kaj sude ducent kvindek, kaj oriente ducent kvindek, kaj okcidente ducent kvindek.Select Ezekiel 48:17

18Koncerne la ceteran parton de la longo kontraŭ la sankta terpeco, nome dek mil oriente kaj dek mil okcidente, kiu troviĝas kontraŭ la sankta terpeco, ĝiaj produktaĵoj devas servi kiel manĝaĵo por la laboristoj de la urbo.Select Ezekiel 48:18

19En la urbo laboros laboristoj el ĉiuj triboj de Izrael.Select Ezekiel 48:19

20La tuta apartigita terpeco devas havi dudek kvin mil kontraŭ dudek kvin mil; kvaronon de la sankta terpeco apartigu kiel posedaĵon de la urbo.Select Ezekiel 48:20

21Kio restas de la sanktigita terpeco kaj de la posedaĵo de la urbo, de la dudek kvin mil, apartigitaj oriente kaj okcidente, kontraŭ tiuj partoj, tio apartenu al la princo; kaj la sankta terpeco kaj la sankta domo estos en la mezo.Select Ezekiel 48:21

22Kio troviĝas inter la apartenaĵo de la Levidoj kaj la apartenaĵo de la urbo, inter la limo de Jehuda kaj la limo de Benjamen, tio apartenu al la princo.Select Ezekiel 48:22

23La ceteraj triboj de la rando orienta ĝis la rando okcidenta: Benjamen havos unu parton.Select Ezekiel 48:23

24Apud la limo de Benjamen, de la orienta rando ĝis la okcidenta, havos sian parton Simeon.Select Ezekiel 48:24

25Apud la limo de Simeon, de la orienta rando ĝis la okcidenta, havos sian parton Isaĥar.Select Ezekiel 48:25

26Apud la limo de Isaĥar, de la orienta rando ĝis la okcidenta, havos sian parton Zebulun.Select Ezekiel 48:26

27Apud la limo de Zebulun, de la orienta rando ĝis la okcidenta, havos sian parton Gad.Select Ezekiel 48:27

28Apud la limo de Gad, ĉe la rando suda, estos la limo de Tamar ĝis la Akvo de Malpaco apud Kadeŝ, laŭlonge de la torento ĝis la Granda Maro.Select Ezekiel 48:28

29Tio estas la lando, kiun vi lote dividos kiel heredan posedaĵon al la triboj de Izrael, kaj tio estas iliaj partoj, diras la Sinjoro, la Eternulo.Select Ezekiel 48:29

30Kaj jen estas la randoj de la urbo: sur la norda flanko kvar mil kvincent mezurstangoj;Select Ezekiel 48:30

31kaj la pordegoj de la urbo estos nomataj laŭ la nomoj de la triboj de Izrael; tri pordegoj norde: unu Pordego de Ruben, unu Pordego de Jehuda, unu Pordego de Levi.Select Ezekiel 48:31

32Ankaŭ sur la orienta flanko kvar mil kvincent mezurstangoj; kaj tri pordegoj: unu Pordego de Jozef, unu Pordego de Benjamen, unu Pordego de Dan.Select Ezekiel 48:32

33Ankaŭ sur la suda flanko kvar mil kvincent mezurstangoj; kaj tri pordegoj: unu Pordego de Simeon, unu Pordego de Isaĥar, unu Pordego de Zebulun.Select Ezekiel 48:33

34Ankaŭ sur la okcidenta flanko kvar mil kvincent; pordegojn ĝi havas tri: unu Pordego de Gad, unu Pordego de Aŝer, unu Pordego de Naftali.Select Ezekiel 48:34

35La tuta ĉirkaŭo havas dek ok mil. Kaj la nomo de la urbo de post tiu tago estos: Eternulo-Tie.Select Ezekiel 48:35