7Genesis 7

1Kaj la Eternulo diris al Noa: Eniru vi kaj via tuta familio en la arkeon, ĉar vin Mi vidis, ke vi estas virtulo antaŭ Mi en ĉi tiu generacio.Select Genesis 7:1

2El ĉiuj brutoj puraj prenu al vi po sep paroj, virbestojn kaj iliajn inojn; kaj el la brutoj, kiuj ne estas puraj, po du, virbeston kaj ĝian inon.Select Genesis 7:2

3Ankaŭ el la birdoj de la ĉielo po sep paroj, virbestojn kaj virinbestojn, por ke semo restu sur la tuta tero.Select Genesis 7:3

4Ĉar post sep tagoj Mi pluvigos sur la teron dum kvardek tagoj kaj kvardek noktoj, kaj Mi ekstermos de sur la tero ĉiujn ekzistaĵojn, kiujn Mi kreis.Select Genesis 7:4

5Kaj Noa faris ĉion, kion la Eternulo al li ordonis.Select Genesis 7:5

6Kaj Noa havis la aĝon de sescent jaroj, kiam la akva diluvo venis sur la teron.Select Genesis 7:6

7Kaj eniris Noa kaj liaj filoj kaj lia edzino kaj la edzinoj de liaj filoj kune kun li en la arkeon, pro la akvo de la diluvo.Select Genesis 7:7

8El la brutoj puraj, kaj el la brutoj, kiuj ne estas puraj, kaj el la birdoj, kaj el ĉiuj rampaĵoj sur la tero,Select Genesis 7:8

9po unu paro venis al Noa en la arkeon, virbesto kaj ino, kiel Dio ordonis al Noa.Select Genesis 7:9

10Kaj kiam pasis la sep tagoj, la diluva akvo venis sur la teron.Select Genesis 7:10

11En la sescenta jaro de la vivo de Noa, en la dua monato, en la dek-sepa tago de la monato, en tiu tago disfendiĝis ĉiuj fontoj de la granda abismo kaj la aperturoj de la ĉielo malfermiĝis.Select Genesis 7:11

12Kaj estis pluvo sur la tero dum kvardek tagoj kaj kvardek noktoj.Select Genesis 7:12

13Ĝuste en tiu tago eniris en la arkeon Noa, kaj Ŝem kaj Ĥam kaj Jafet, la filoj de Noa, kaj la edzino de Noa, kaj la tri edzinoj de liaj filoj kune kun ili;Select Genesis 7:13

14ili, kaj ĉiuj bestoj laŭ siaj specoj, kaj ĉiuj brutoj laŭ siaj specoj, kaj ĉiuj rampaĵoj, kiuj rampas sur la tero, laŭ siaj specoj, kaj ĉiuj flugaĵoj laŭ siaj specoj, ĉiuj birdoj, ĉiuj flugilhavantoj.Select Genesis 7:14

15Kaj eniris al Noa en la arkeon po du el ĉiu karno, kiu havas en si spiriton de vivo.Select Genesis 7:15

16Kaj la venintoj, virbesto kaj ino el ĉiu karno, eniris, kiel ordonis al ili Dio; kaj la Eternulo fermis post ili.Select Genesis 7:16

17Kaj estis diluvo dum kvardek tagoj sur la tero; kaj multiĝis la akvo kaj levis la arkeon, kaj ĝi estis alte super la tero.Select Genesis 7:17

18Kaj la akvo fortiĝis sur la tero, kaj la arkeo naĝis sur la supraĵo de la akvo.Select Genesis 7:18

19Kaj la akvo treege fortiĝis kaj tre multiĝis sur la tero; kaj kovriĝis ĉiuj altaj montoj, kiuj estas sub la ĉielo.Select Genesis 7:19

20Dek kvin ulnojn pli alte leviĝis la akvo kaj kovris la montojn.Select Genesis 7:20

21Kaj pereis ĉiu karno, kiu moviĝas sur la tero, la birdoj kaj la brutoj kaj la bestoj, kaj ĉiuj rampaĵoj, kiuj rampas sur la tero, kaj ĉiuj homoj.Select Genesis 7:21

22Ĉio, kio havis en si spiriton de vivo, el ĉio, kio estis sur la seka tero, mortis.Select Genesis 7:22

23Kaj ekstermiĝis ĉiuj ekzistaĵoj, kiuj estis sur la tero, de homo ĝis brutoj kaj rampaĵoj kaj birdoj de la ĉielo; ili ekstermiĝis de sur la tero; kaj restis nur Noa kaj kio estis kun li en la arkeo.Select Genesis 7:23

24Kaj la akvo okupis la teron dum cent kvindek tagoj.Select Genesis 7:24