2James 2

1Miaj fratoj, ne kun personfavorado tenu la fidon de nia Sinjoro Jesuo Kristo, la glora Sinjoro.Select James 2:1

2Ĉar se en vian sinagogon envenas viro kun oraj ringoj, en bela vestaro, kaj envenas ankaŭ malriĉulo en malpura vestaro;Select James 2:2

3kaj vi respektas la bele vestitan homon, kaj diras: Sidiĝu ĉi tie en bona loko; kaj diras al la malriĉulo: Staru tie, aŭ sidiĝu sube apud mia piedbenketo;Select James 2:3

4ĉu vi ne diferencigas en vi mem, kaj fariĝas juĝistoj malbone pensantaj?Select James 2:4

5Aŭskultu, miaj amataj fratoj; ĉu Dio ne elektis la malriĉulojn laŭ la mondo, por esti riĉaj rilate al fido, kaj heredantoj de la regno, kiun Li promesis al tiuj, kiuj Lin amas?Select James 2:5

6Sed vi malhonoradis la malriĉulon. Ĉu ne subpremas vin la riĉuloj, kaj mem trenas vin antaŭ la tribunalojn?Select James 2:6

7Ĉu ili ne blasfemas la honorindan nomon, sur vin metitan?Select James 2:7

8Tamen, se vi plenumas la reĝan leĝon laŭ la Skribo: Amu vian proksimulon kiel vin mem-vi faras bone;Select James 2:8

9sed se vi favoras personojn, vi faras pekon, kulpigitaj de la leĝo, kiel malobeintoj.Select James 2:9

10Ĉar ĉiu, kiu observas la tutan leĝaron, sed falpuŝiĝas pri unu punkto, fariĝis kulpa pri ĉio.Select James 2:10

11Ĉar Tiu, kiu diris: Ne adultu-diris ankaŭ: Ne mortigu. Se do vi ne adultas, sed mortigas, vi fariĝis malobeinto kontraŭ la leĝo.Select James 2:11

12Tiel parolu, kaj tiel agu, kiel juĝotoj laŭ leĝo de libereco.Select James 2:12

13Ĉar al tiu, kiu ne kompatis, la juĝo estos senkompata; la kompato sin altigas super la juĝo.Select James 2:13

14Kia estas la profito, miaj fratoj, se iu diras, ke li havas fidon, sed ne havas farojn? ĉu tiu fido povas lin savi?Select James 2:14

15Se frato aŭ fratino estas nuda kaj sen ĉiutaga manĝo,Select James 2:15

16kaj iu el vi diras al ili: Iru en paco, estu varmaj kaj sataj; tamen vi ne donas al ili tion, kion la korpo bezonas, kia estas la profito?Select James 2:16

17Tiel same fido, ne havante farojn, estas en si mem malviva.Select James 2:17

18Kaj cetere iu diros: Vi havas fidon, kaj mi havas farojn; montru al mi vian fidon aparte de faroj, kaj mi per miaj faroj montros al vi la fidon.Select James 2:18

19Vi ja kredas, ke Dio estas unu; vi faras bone; la demonoj ankaŭ kredas kaj tremas.Select James 2:19

20Se ĉu vi volas scii, ho vantulo, ke la fido sen faroj estas senfrukta?Select James 2:20

21Ĉu nia patro Abraham ne praviĝis per faroj, oferinte sian filon Isaak sur la altaro?Select James 2:21

22Vi vidas, ke la fido kunagis kun liaj faroj, kaj per faroj la fido perfektiĝis;Select James 2:22

23kaj plenumiĝis la Skribo, kiu diras: Kaj Abraham kredis al Dio, kaj tio estis kalkulita al li kiel virto; kaj li estis nomita: amiko de Dio.Select James 2:23

24Vi vidas, ke homo praviĝas per faroj, kaj ne sole per fido.Select James 2:24

25Tiel same, ĉu ankaŭ la malĉastistino Raĥab ne praviĝis per faroj, kiam ŝi akceptis la senditojn kaj forsendis ilin per alia vojo?Select James 2:25

26Ĉar kiel la korpo aparte de la spirito estas malviva, tiel ankaŭ fido aparte de faroj estas malviva.Select James 2:26