38Job 38

1La Eternulo el ventego ekparolis al Ijob, kaj diris:Select Job 38:1

2Kiu estas tiu, kiu mallumigas la plej altan decidon Per vortoj sensencaj?Select Job 38:2

3Zonu kiel viro viajn lumbojn; Mi vin demandos, kaj vi sciigu al Mi.Select Job 38:3

4Kie vi estis, kiam Mi fondis la teron? Diru, se vi havas scion.Select Job 38:4

5Kiu starigis ĝiajn mezurojn, se vi tion scias? Aŭ kiu etendis super ĝi rektoŝnuron?Select Job 38:5

6Sur kio estas enfortikigitaj ĝiaj bazoj, Aŭ kiu kuŝigis ĝian angulŝtonon,Select Job 38:6

7Dum komuna glorkantado de la matenaj steloj Kaj ĝojkriado de ĉiuj filoj de Dio?Select Job 38:7

8Kiu fermis la maron per pordoj, Kiam ĝi elpuŝiĝis kvazaŭ el la ventro de patrino;Select Job 38:8

9Kiam Mi faris la nubon ĝia vesto Kaj mallumon ĝiaj vindaĵoj,Select Job 38:9

10Kaj starigis al ĝi limon Kaj faris riglilojn kaj pordojn,Select Job 38:10

11Kaj diris: Ĝis ĉi tie aliru, sed ne plu, Kaj ĉi tie rompiĝados viaj majestaj ondoj?Select Job 38:11

12Ĉu vi en via vivo iam ordonis al la mateno, Montris al la matenruĝo ĝian lokon,Select Job 38:12

13Ke ĝi kaptu la randojn de la tero, Kaj ke la malpiuloj deskuiĝu el ĝi;Select Job 38:13

14Ke ilia internaĵo renversiĝu kiel koto, Kaj ke ili tute konfuziĝu;Select Job 38:14

15Ke de la malpiuloj forpreniĝu ilia lumo, Kaj ilia malhumila brako estu rompita?Select Job 38:15

16Ĉu vi venis ĝis la fontoj de la maro? Kaj ĉu vi iradis sur la fundo de la abismo?Select Job 38:16

17Ĉu malfermiĝis antaŭ vi la pordego de la morto? Kaj ĉu vi vidis la pordegon de la mallumego?Select Job 38:17

18Ĉu vi pririgardis la larĝon de la tero? Diru, ĉu vi scias ĉion ĉi tion?Select Job 38:18

19Kie estas la vojo al la loĝejo de la lumo, Kaj kie estas la loko de la mallumo,Select Job 38:19

20Ke vi konduku ĝin al ĝia limo, Kaj ke vi rimarku la vojetojn al ĝia domo?Select Job 38:20

21Ĉu vi sciis, kiam vi naskiĝos Kaj kiel granda estos la nombro de viaj tagoj?Select Job 38:21

22Ĉu vi venis al la devenejo de la neĝo, Kaj ĉu vi vidis la devenejon de la hajlo,Select Job 38:22

23Kiujn Mi konservas por la tempo de suferado, Por la tago de batalo kaj milito?Select Job 38:23

24Kie estas la vojo, laŭ kiu dividiĝas la lumo, Diskuras la orienta vento super la teron?Select Job 38:24

25Kiu destinis direkton por la fluo Kaj vojon por la tondra fulmo,Select Job 38:25

26Por doni pluvon sur teron, kie neniu troviĝas, Sur dezerton senhoman,Select Job 38:26

27Por nutri dezerton kaj stepon Kaj kreskigi verdan herbon?Select Job 38:27

28Ĉu la pluvo havas patron? Aŭ kiu naskigis la gutojn de roso?Select Job 38:28

29El kies ventro eliris la glacio? Kaj kiu naskis la prujnon sub la ĉielo?Select Job 38:29

30Simile al ŝtono malmoliĝas la akvo, Kaj la supraĵo de la abismo kunfirmiĝas.Select Job 38:30

31Ĉu vi povas ligi la ligilon de la Plejadoj? Aŭ ĉu vi povas malligi la ligon de Oriono?Select Job 38:31

32Ĉu vi povas elirigi iliatempe la planedojn, Kaj konduki la Ursinon kun ĝiaj infanoj?Select Job 38:32

33Ĉu vi konas la leĝojn de la ĉielo? Aŭ ĉu vi povas aranĝi ĝian regadon super la tero?Select Job 38:33

34Ĉu vi povas levi al la nubo vian voĉon, Ke abundo da akvo vin kovru?Select Job 38:34

35Ĉu vi povas sendi fulmojn, Ke ili iru kaj diru al vi: Jen ni estas?Select Job 38:35

36Kiu metis en la internon la saĝon? Kaj kiu donis al la koro la prudenton?Select Job 38:36

37Kiu estas tiel saĝa, ke li povu kalkuli la nubojn? Kaj kiu elverŝas la felsakojn de la ĉielo,Select Job 38:37

38Kiam la polvo kunfandiĝas Kaj la terbuloj kungluiĝas?Select Job 38:38

39Ĉu vi ĉasas kaptaĵon por la leonino, Kaj satigas la leonidojn,Select Job 38:39

40Kiam ili kuŝas en la nestegoj, Sidas embuske en la laŭbo?Select Job 38:40

41Kiu pretigas al la korvo ĝian manĝaĵon, Kiam ĝiaj idoj krias al Dio, Vagflugas, ne havante, kion manĝi?Select Job 38:41