1John 1

1En la komenco estis la Vorto, kaj la Vorto estis kun Dio, kaj la Vorto estis Dio.Select John 1:1

2Tiu estis en la komenco kun Dio.Select John 1:2

3Ĉio estiĝis per li; kaj aparte de li estiĝis nenio, kio estiĝis.Select John 1:3

4En li estis la vivo, kaj la vivo estis la lumo de la homoj.Select John 1:4

5Kaj la lumo brilas en la mallumo, kaj la mallumo ĝin ne venkis.Select John 1:5

6De Dio estis sendita viro, kies nomo estis Johano.Select John 1:6

7Tiu venis kiel atestanto, por atesti pri la lumo, por ke ĉiuj per li kredu.Select John 1:7

8Li ne estis la lumo, sed li venis, por atesti pri la lumo.Select John 1:8

9Tio estis la vera lumo, kiu lumas al ĉiu homo, venanta en la mondon.Select John 1:9

10Tiu estis en la mondo, kaj la mondo per li estiĝis, kaj la mondo lin ne konis.Select John 1:10

11Li venis al siaj propraĵoj, kaj liaj propruloj lin ne akceptis.Select John 1:11

12Sed al ĉiuj, kiuj lin akceptis, li donis la rajton fariĝi filoj de Dio, al la kredantoj al lia nomo,Select John 1:12

13kiuj naskiĝis nek el sango, nek el volo de karno, nek el volo de homo, sed el Dio.Select John 1:13

14Kaj la Vorto fariĝis karno kaj loĝis inter ni, kaj ni vidis lian gloron, gloron kvazaŭ de la solenaskita de la Patro, plena de graco kaj vero.Select John 1:14

15Johano atestis pri li, kaj kriis, dirante: Ĉi tiu estas li, pri kiu mi diris: Kiu venas post mi, tiu estas metita super mi, ĉar li ekzistis pli frue ol mi.Select John 1:15

16Ĉar el lia pleneco ni ĉiuj ricevis, kaj gracon post graco.Select John 1:16

17Ĉar la leĝo estis donita per Moseo; la graco kaj la vero estiĝis per Jesuo Kristo.Select John 1:17

18Neniu iam vidis Dion; la solenaskita Filo, kiu estas en la sino de la Patro, Lin deklaris.Select John 1:18

19Kaj jen estas la atesto de Johano, kiam la Judoj sendis al li pastrojn kaj Levidojn el Jerusalem, por demandi lin: Kiu vi estas?Select John 1:19

20Kaj li konfesis kaj ne kaŝis; kaj li konfesis: Mi ne estas la Kristo.Select John 1:20

21Kaj ili demandis lin: Kio do? Ĉu vi estas Elija? Kaj li diris: Mi ne estas. Ĉu vi estas la profeto? Kaj li respondis: Ne.Select John 1:21

22Ili do diris al li: Kiu vi estas? por ke ni donu respondon al niaj sendintoj. Kion vi diras pri vi mem?Select John 1:22

23Li diris: Mi estas voĉo de krianto en la dezerto: Rektigu la vojon de la Eternulo, kiel diris la profeto Jesaja.Select John 1:23

24Kaj tiuj estis senditaj de la Fariseoj.Select John 1:24

25Kaj ili demandis lin, kaj diris al li: Kial do vi baptas, se vi ne estas la Kristo, nek Elija, nek la profeto?Select John 1:25

26Johano respondis al ili, dirante: Mi baptas per akvo; meze de vi staras tiu, kiun vi ne konas,Select John 1:26

27kiu venas post mi; la rimenon de lia ŝuo mi ne estas inda malligi.Select John 1:27

28Tio okazis en Betania transe de Jordan, kie Johano baptadis.Select John 1:28

29La sekvantan tagon li vidis Jesuon venanta al li, kaj diris: Jen la Ŝafido de Dio, kiu forportas la pekon de la mondo!Select John 1:29

30Li estas tiu, pri kiu mi diris: Post mi venas viro, kiu estas metita super mi, ĉar li ekzistis pli frue ol mi.Select John 1:30

31Kaj mi lin ne konis; sed por ke li estu montrita al Izrael, tial mi venis, baptante per akvo.Select John 1:31

32Kaj Johano atestis, dirante: Mi vidis la Spiriton malsupreniranta de la ĉielo kiel kolombo, kaj ĝi restis sur li.Select John 1:32

33Kaj mi lin ne konis; sed kiu sendis min por bapti per akvo, Tiu diris al mi: Sur kiun vi vidos la Spiriton malsupreniranta kaj restanta sur li, tiu estas la baptanto per la Sankta Spirito.Select John 1:33

34Kaj mi vidis, kaj atestis, ke ĉi tiu estas la Filo de Dio.Select John 1:34

35Denove la sekvantan tagon staris Johano, kaj du el liaj disĉiploj;Select John 1:35

36kaj rigardante Jesuon promenantan, li diris: Jen la Ŝafido de Dio!Select John 1:36

37Kaj la du disĉiploj aŭdis lin paroli, kaj sekvis Jesuon.Select John 1:37

38Kaj Jesuo sin turnis, kaj vidis ilin sekvantajn, kaj diris al ili: Kion vi serĉas? Kaj ili diris al li: Rabeno (tio estas, Majstro), kie vi loĝas?Select John 1:38

39Li diris al ili: Venu, kaj vi vidos. Ili do venis, kaj vidis, kie li loĝas, kaj ili restis ĉe li tiun tagon; estis ĉirkaŭ la deka horo.Select John 1:39

40Unu el la du, kiuj aŭdis Johanon kaj lin sekvis, estis Andreo, la frato de Simon Petro.Select John 1:40

41Tiu unue trovis sian propran fraton Simon, kaj diris al li: Ni trovis la Mesion (tio estas, Kriston).Select John 1:41

42Li kondukis lin al Jesuo. Jesuo lin rigardis, kaj diris: Vi estas Simon, filo de Jona; vi estos nomata Kefas (tio estas, Petro).Select John 1:42

43La sekvantan tagon li volis foriri en Galileon, kaj trovis Filipon; kaj Jesuo diris al li: Sekvu min.Select John 1:43

44Filipo estis el Betsaida, la urbo de Andreo kaj Petro.Select John 1:44

45Filipo trovis Natanaelon, kaj diris al li: Ni trovis tiun, pri kiu skribis Moseo en la leĝo, kaj la profetoj, Jesuon el Nazaret, filon de Jozef.Select John 1:45

46Kaj Natanael diris al li: Ĉu io bona povas esti el Nazaret? Filipo diris al li: Venu kaj vidu.Select John 1:46

47Jesuo vidis Natanaelon venanta al li, kaj diris pri li: Jen vera Izraelido, en kiu ne estas ruzeco!Select John 1:47

48Natanael diris al li: Per kio vi min konas? Jesuo respondis kaj diris al li: Antaŭ ol Filipo vin vokis, kiam vi estis sub la figarbo, mi vin vidis.Select John 1:48

49Natanael respondis kaj diris al li: Rabeno, vi estas la Filo de Dio; vi estas Reĝo de Izrael!Select John 1:49

50Jesuo respondis kaj diris al li: Ĉu vi kredas pro tio, ke mi diris al vi: Mi vin vidis sub la figarbo? vi vidos pli grandajn aferojn ol ĉi tio.Select John 1:50

51Kaj li diris al li: Vere, vere, mi diras al vi, vi vidos la ĉielon malfermita kaj la anĝelojn de Dio suprenirantaj kaj malsuprenirantaj sur la Filon de homo.Select John 1:51