2Luke 2

1Kaj en tiuj tagoj eliris dekreto de Cezaro Aŭgusto, ke la tuta mondo estu registrita.Select Luke 2:1

2Ĉi tiu estis la unua registrado, farita, kiam Kirenio estis reganto de Sirio.Select Luke 2:2

3Kaj ĉiuj iris, por esti registritaj, ĉiu al sia urbo.Select Luke 2:3

4Kaj Jozef ankaŭ supreniris el Galileo, el la urbo Nazaret, en Judujon, al la urbo de David, kiu estas nomata Bet-Leĥem, ĉar li estis el la domo kaj familio de David,Select Luke 2:4

5por esti registrita kun sia fianĉino Maria, kiu estis graveda.Select Luke 2:5

6Kaj dum ili estis tie, venis la tagoj por ŝia akuŝo.Select Luke 2:6

7Kaj ŝi naskis sian unuan filon, kaj ŝi ĉirkaŭvindis lin kaj kuŝigis lin en staltrogon, ĉar ne estis loko por ili en la gastejo.Select Luke 2:7

8Kaj en tiu sama regiono estis paŝtistoj, kiuj kamploĝis kaj nokte gardis sian gregon.Select Luke 2:8

9Kaj anĝelo de la Eternulo alstaris apud ili, kaj la gloro de la Eternulo brilis ĉirkaŭ ili, kaj ili timis per granda timo.Select Luke 2:9

10Kaj la anĝelo diris al ili: Ne timu; ĉar jen mi venigas al vi bonan sciigon de granda ĝojo, kiu estos al la tuta popolo;Select Luke 2:10

11ĉar hodiaŭ estas naskita por vi, en la urbo de David, Savanto, kiu estas Kristo, la Sinjoro.Select Luke 2:11

12Kaj jen la signo por vi: vi trovos infaneton, ĉirkaŭvinditan kaj kuŝantan en staltrogo.Select Luke 2:12

13Kaj subite estis kun la anĝelo amaso de la ĉiela armeo, laŭdante Dion, kaj dirante:Select Luke 2:13

14Gloro al Dio en la supera alto, Kaj sur la tero paco, inter homoj Difavoro.Select Luke 2:14

15Kaj kiam la anĝeloj foriris de ili en la ĉielon, la paŝtistoj diris unu al alia: Ni jam iru ĝis Bet-Leĥem, kaj vidu ĉi tiun okazintaĵon, kiun la Eternulo sciigis al ni.Select Luke 2:15

16Kaj rapidante, ili iris, kaj trovis Marian kaj Jozefon, kaj la infaneton kuŝantan en la staltrogo.Select Luke 2:16

17Kaj tion vidinte, ili sciigis pri la diro, kiu estis parolita al ili pri ĉi tiu infano.Select Luke 2:17

18Kaj ĉiuj aŭdintoj miris pri tio, kion rakontis al ili la paŝtistoj.Select Luke 2:18

19Sed Maria konservis ĉiujn tiujn dirojn kaj pripensis ilin en sia koro.Select Luke 2:19

20Kaj la paŝtistoj revenis, glorante kaj laŭdante Dion pri ĉio, kion ili aŭdis kaj vidis, kiel estis parolite al ili.Select Luke 2:20

21Kaj kiam jam pasis ok tagoj por cirkumcidi lin, oni donis al li la nomon JESUO, kiel li estis nomita de la anĝelo, antaŭ ol li estis en la ventro.Select Luke 2:21

22Kaj kiam finiĝis la tagoj de ilia purigado laŭ la leĝo de Moseo, ili alportis lin al Jerusalem, por prezenti lin al la Eternulo,Select Luke 2:22

23kiel estas skribite en la leĝo de la Eternulo: Ĉiu virseksulo, kiu malfermas la uteron, estu dediĉita al la Eternulo;Select Luke 2:23

24kaj por alporti oferon laŭ tio, kio estas dirita en la leĝo de la Eternulo: Paron da turtoj, aŭ du kolombidojn.Select Luke 2:24

25Kaj jen en Jerusalem estis viro, kies nomo estis Simeon, kaj ĉi tiu estis justa kaj pia, atendanta la konsoladon de Izrael; kaj la Sankta Spirito estis kun li.Select Luke 2:25

26Kaj estis montrite al li de la Sankta Spirito, ke li ne mortos, ĝis li vidos la Kriston de la Eternulo.Select Luke 2:26

27Kaj li venis per la Spirito en la templon; kaj kiam la gepatroj enportis la infanon Jesuo, por fari pri li laŭ la kutimo de la leĝo,Select Luke 2:27

28tiam li ricevis lin en siajn brakojn, kaj benis Dion, dirante:Select Luke 2:28

29Nun, ho Eternulo, Vi ellasas Vian servanton, Laŭ Via vorto, en paco,Select Luke 2:29

30Ĉar miaj okuloj vidis Vian savon,Select Luke 2:30

31Kiun Vi preparis antaŭ la vizaĝo de ĉiuj popoloj,Select Luke 2:31

32Lumon por malkaŝo al la gentoj, Kaj gloron de Via popolo Izrael.Select Luke 2:32

33Kaj lia patro kaj lia patrino miris pri tio, kio estis parolita pri li;Select Luke 2:33

34kaj Simeon ilin benis, kaj diris al Maria, lia patrino: Jen ĉi tiu estas metita por la falo kaj leviĝo de multaj en Izrael, kaj por signo kontraŭparolata;Select Luke 2:34

35kaj ankaŭ vian animon glavo trapasos; por ke la pensoj de multaj koroj malkaŝiĝu.Select Luke 2:35

36Kaj estis unu profetino, Anna, filino de Fanuel, el la tribo de Aŝer (ŝi estis grandaĝa, loĝinte sep jarojn kun sia edzo de post sia virgeco,Select Luke 2:36

37kaj estinte vidvino okdek kvar jarojn), kiu neniam foriris el la templo, adorante per fastoj kaj preĝoj nokte kaj tage.Select Luke 2:37

38Kaj alveninte ĝuste en tiu horo, ŝi dankis Dion, kaj parolis pri li al ĉiuj, kiuj atendadis la elaĉeton de Jerusalem.Select Luke 2:38

39Kaj kiam ili jam faris ĉion, konforme al la leĝo de la Eternulo, ili revenis en Galileon, al sia urbo Nazaret.Select Luke 2:39

40Kaj la infano kreskadis kaj fortiĝis, pleniĝante de saĝeco; kaj la graco de Dio estis sur li.Select Luke 2:40

41Kaj liaj gepatroj iris ĉiujare al Jerusalem ĉe la Paska festo.Select Luke 2:41

42Kaj kiam li estis dekdujara, ili supreniris laŭ la kutimo de la festo;Select Luke 2:42

43kaj kiam ili jam pasigis la tagojn, ĉe ilia returniĝo la knabo Jesuo restis en Jerusalem, kaj liaj gepatroj tion ne sciis;Select Luke 2:43

44sed supozante, ke li estas en la karavano, ili iris tagan vojaĝon, kaj serĉis lin inter siaj parencoj kaj konatoj;Select Luke 2:44

45kaj ne trovinte lin, ili reiris al Jerusalem, serĉante lin.Select Luke 2:45

46Kaj post tri tagoj ili trovis lin en la templo, kie li sidis meze de la instruistoj, aŭskultante ilin kaj metante al ili demandojn;Select Luke 2:46

47kaj ĉiuj, kiuj aŭdis lin, miregis pro lia kompreno kaj liaj respondoj.Select Luke 2:47

48Kaj ili miris, vidante lin, kaj lia patrino diris al li: Filo, kial vi tiel agis kontraŭ ni? jen via patro kaj mi serĉis vin kun malĝojo.Select Luke 2:48

49Kaj li diris al ili: Kial vi serĉis min? ĉu vi ne sciis, ke mi devas esti en la domo de mia Patro?Select Luke 2:49

50Kaj ili ne komprenis la diron, kiun li parolis al ili.Select Luke 2:50

51Kaj li malsupreniris kun ili, kaj venis en Nazareton, kaj li estis obeema al ili; kaj lia patrino konservis ĉiujn tiujn dirojn en sia koro.Select Luke 2:51

52Kaj Jesuo progresis en saĝeco kaj staturo, kaj en graco ĉe Dio kaj homoj.Select Luke 2:52