21Luke 21

1Kaj ekrigardante, li vidis riĉulojn enĵetantajn siajn donacojn en la monkeston.Select Luke 21:1

2Kaj li vidis unu malriĉan vidvinon enĵetantan tien du leptojn.Select Luke 21:2

3Kaj li diris: Vere mi diras al vi: Ĉi tiu malriĉa vidvino enĵetis pli multe ol ĉiuj;Select Luke 21:3

4ĉar ĉiuj tiuj el sia abundo enĵetis en la donacaron; sed ŝi el sia malmultego enĵetis la tutan vivrimedon, kiun ŝi havis.Select Luke 21:4

5Kaj kiam iuj parolis pri la templo, ke ĝi estas ornamita per belaj ŝtonoj kaj oferdonoj, li diris:Select Luke 21:5

6Rilate al tio, kion vi vidas, venos tagoj, en kiuj ne estos lasita ĉi tie ŝtono sur ŝtono, kiu ne estos deĵetita.Select Luke 21:6

7Kaj ili demandis lin, dirante: Majstro, kiam do tio estos? kaj kio estos la signo, kiam tio estos proksima?Select Luke 21:7

8Kaj li diris: Gardu vin, ke vi ne estu erarigitaj; ĉar multaj venos en mia nomo, dirante: Mi estas; kaj: La tempo proksimiĝis; ne sekvu ilin.Select Luke 21:8

9Kaj kiam vi aŭdos pri militoj kaj tumultoj, ne teruriĝu; ĉar tio devas okazi unue, sed ne tuj estos la fino.Select Luke 21:9

10Tiam li diris al ili: Leviĝos nacio kontraŭ nacio, kaj regno kontraŭ regno;Select Luke 21:10

11kaj estos grandaj tertremoj, kaj en diversaj lokoj malsatoj kaj pestoj; kaj estos teruraĵoj kaj grandaj signoj el la ĉielo.Select Luke 21:11

12Sed antaŭ ĉio tio oni metos sur vin siajn manojn kaj persekutos vin, transdonante vin al la sinagogoj kaj malliberejoj, kaj kondukante vin antaŭ reĝojn kaj provincestrojn pro mia nomo.Select Luke 21:12

13Tio fariĝos por vi atesto.Select Luke 21:13

14Decidu tial en viaj koroj, ne prizorgi antaŭe pri pleda respondo;Select Luke 21:14

15ĉar mi donos al vi buŝon kaj saĝon, kiun ĉiuj viaj atakantoj ne povos rezisti nek kontraŭdiri.Select Luke 21:15

16Sed vi estos transdonitaj eĉ de gepatroj kaj fratoj kaj parencoj kaj amikoj; kaj iujn el vi oni mortigos.Select Luke 21:16

17Kaj vi estos malamataj de ĉiuj pro mia nomo.Select Luke 21:17

18Kaj eĉ unu haro de via kapo ne pereos.Select Luke 21:18

19Per via pacienco vi akiros viajn animojn.Select Luke 21:19

20Sed kiam vi vidos Jerusalemon ĉirkaŭitan de armeoj, tiam sciu, ke ĝia ruiniĝo alproksimiĝis.Select Luke 21:20

21Tiam, kiuj estas en Judujo, tiuj forkuru al la montoj; kaj kiuj estas en ĝia mezo, tiuj elmigru; kaj kiuj estas sur la kamparo, tiuj ne eniru tien.Select Luke 21:21

22Ĉar tiuj estas tagoj de punado, por ke plenumiĝu ĉio, kio estas skribita.Select Luke 21:22

23Ve al la gravedulinoj kaj al la suĉigantinoj en tiuj tagoj! ĉar estos granda manko sur la tero, kaj kolero kontraŭ ĉi tiu popolo.Select Luke 21:23

24Kaj ili falos per tranĉrando de glavo, kaj forkaptiĝos en ĉiujn naciojn; kaj Jerusalem estos piedpremata de la nacianoj, ĝis plenumiĝos la tempoj de la nacianoj.Select Luke 21:24

25Kaj estos signoj en la suno kaj la luno kaj la steloj, kaj sur la tero mizero de nacioj, konsternitaj de la muĝado de la maro kaj la ondegoj;Select Luke 21:25

26homoj malfortiĝos de timo kaj de atendado de tio, kio venos sur la mondon; ĉar la potencoj de la ĉielo ŝanceliĝos.Select Luke 21:26

27Kaj tiam oni vidos la Filon de homo, venantan en nubo kun potenco kaj granda gloro.Select Luke 21:27

28Sed kiam tio komencos okazi, rigardu supren kaj levu viajn kapojn, ĉar via elaĉeto alproksimiĝas.Select Luke 21:28

29Kaj li parolis al ili parabolon: Rigardu la figarbon kaj ĉiujn arbojn;Select Luke 21:29

30kiam ili ekkreskigas foliojn, vi ekvidas, kaj el vi mem scias, ke la somero jam estas proksima.Select Luke 21:30

31Tiel same vi, kiam vi vidos, ke tio okazas, tiam sciu, ke la regno de Dio estas proksima.Select Luke 21:31

32Vere mi diras al vi: Ĉi tiu generacio ne forpasos, ĝis ĉio plenumiĝos.Select Luke 21:32

33La ĉielo kaj la tero forpasos, sed miaj vortoj ne forpasos.Select Luke 21:33

34Sed gardu vin, por ke viaj koroj ne estu ŝarĝitaj de trosatiĝo kaj ebrieco kaj zorgoj pri vivrimedoj, kaj por ke tiu tago ne venu al vi subite;Select Luke 21:34

35ĉar kiel kaptilo ĝi venos sur ĉiujn, kiuj loĝas sur la supraĵo de la tero.Select Luke 21:35

36Sed viglu en ĉiu tempo, preĝante, ke prosperu al vi saviĝi de ĉio, kio okazos, kaj stari antaŭ la Filo de homo.Select Luke 21:36

37Kaj dum la tagoj li instruis en la templo, kaj ĉiunokte li eliris, kaj loĝis sur la monto nomata Olivarba.Select Luke 21:37

38Kaj la tuta popolo venis al li frumatene en la templo, por aŭskulti lin.Select Luke 21:38