10Matthew 10

1Kaj li alvokis al si la dek du disĉiplojn, kaj donis al ili aŭtoritaton super malpuraj spiritoj, por elpeli ilin, kaj por sanigi ĉian malsanon kaj ĉian malfortaĵon.Select Matthew 10:1

2Kaj la nomoj de la dek du apostoloj estas jenaj: la unua, Simon, kiu estis nomata Petro, kaj lia frato Andreo, Jakobo, filo de Zebedeo, kaj lia frato Johano,Select Matthew 10:2

3Filipo kaj Bartolomeo, Tomaso, kaj Mateo, impostisto, Jakobo, filo de Alfeo, kaj Tadeo,Select Matthew 10:3

4Simon, la Fervorulo, kaj Judas Iskariota, kiu ankaŭ perfidis lin.Select Matthew 10:4

5Ĉi tiujn dek du Jesuo forsendis, kaj ordonis al ili, dirante: Ne iru sur vojon de nacianoj, kaj ne eniru en urbon de Samarianoj;Select Matthew 10:5

6sed iru prefere al la perditaj ŝafoj de la domo de Izrael.Select Matthew 10:6

7Kaj dum vi iros, prediku, dirante: La regno de la ĉielo alproksimiĝis.Select Matthew 10:7

8Malsanulojn sanigu, mortintojn levu, leprulojn purigu, demonojn elpelu: donace vi ricevis, donace donu.Select Matthew 10:8

9Ne provizu oron nek arĝenton nek kupron en viajn zonojn,Select Matthew 10:9

10nek saketon por vojaĝo, nek du tunikojn, nek ŝuojn, nek bastonon; ĉar la laboranto meritas sian nutraĵon.Select Matthew 10:10

11Kaj en iu ajn urbo aŭ vilaĝo, en kiun vi eniros, demandu, kiu tie estas inda; kaj loĝu tie, ĝis vi foriros.Select Matthew 10:11

12Kaj venante en la domon, salutu ĝin.Select Matthew 10:12

13Kaj se la domo estas inda, via paco venu sur ĝin; sed se ĝi ne estas inda, via paco revenu al vi.Select Matthew 10:13

14Kaj se iu ne akceptos vin, nek aŭskultos viajn vortojn, tiam forirante el tiu domo aŭ tiu urbo, deskuu la polvon de viaj piedoj.Select Matthew 10:14

15Vere mi diras al vi: Pli elporteble estos por la lando de Sodom kaj Gomora en la tago de juĝado, ol por tiu urbo.Select Matthew 10:15

16Jen mi forsendas vin kiel ŝafojn meze de lupoj; estu do prudentaj kiel serpentoj, kaj simplaj kiel kolomboj.Select Matthew 10:16

17Sed gardu vin kontraŭ la homoj; ĉar ili transdonos vin al sinedrioj, kaj en siaj sinagogoj ili vin skurĝos;Select Matthew 10:17

18kaj antaŭ provincestrojn kaj reĝojn vi estos kondukitaj pro mi, por atesto al ili kaj al la nacianoj.Select Matthew 10:18

19Sed kiam ili transdonos vin, ne zorgu, kiel aŭ kion vi parolos; ĉar estos donita al vi en tiu horo tio, kion vi parolos.Select Matthew 10:19

20Ĉar parolas ne vi, sed la Spirito de via Patro parolas en vi.Select Matthew 10:20

21Kaj frato transdonos fraton al morto, kaj patro filon; kaj infanoj ribelos kontraŭ gepatroj kaj mortigos ilin.Select Matthew 10:21

22Kaj vi estos malamataj de ĉiuj pro mia nomo; sed kiu persistos ĝis la fino, tiu estos savita.Select Matthew 10:22

23Kaj kiam oni vin persekutos en unu urbo, forkuru en alian; ĉar vere mi diras al vi: Vi ne trairos la urbojn de Izrael, antaŭ ol venos la Filo de homo.Select Matthew 10:23

24Disĉiplo ne estas super sia instruanto, nek sklavo super sia sinjoro.Select Matthew 10:24

25Sufiĉas por la disĉiplo, ke li estu kiel lia instruanto, kaj la sklavo, kiel lia sinjoro. Se oni nomis la dommastron Baal-Zebub, kiom pli ankaŭ liajn domanojn!Select Matthew 10:25

26Tial ne timu ilin, ĉar nenio estas kovrita, kio ne estos elmontrita, kaj nenio kaŝita, kio ne estos konigita.Select Matthew 10:26

27Kion mi diras al vi en la mallumo, tion parolu en la lumo; kaj kion vi aŭdas en la orelon, tion proklamu sur la tegmentoj.Select Matthew 10:27

28Kaj ne timu tiujn, kiuj mortigas la korpon, sed ne povas mortigi la animon; sed prefere timu Tiun, kiu povas pereigi kaj animon kaj korpon en Gehena.Select Matthew 10:28

29Ĉu oni ne vendas du paserojn por asaro? tamen unu el ili ne falos teren sen via Patro;Select Matthew 10:29

30sed eĉ la haroj de via kapo estas ĉiuj kalkulitaj.Select Matthew 10:30

31Tial ne timu; vi valoras pli, ol multaj paseroj.Select Matthew 10:31

32Ĉiun do, kiu konfesos min antaŭ homoj, mi ankaŭ konfesos antaŭ mia Patro, kiu estas en la ĉielo.Select Matthew 10:32

33Sed kiu malkonfesos min antaŭ homoj, tiun mi ankaŭ malkonfesos antaŭ mia Patro, kiu estas en la ĉielo.Select Matthew 10:33

34Ne supozu, ke mi venis, por enkonduki pacon sur la teron; mi venis, por enkonduki ne pacon, sed glavon.Select Matthew 10:34

35Ĉar mi venis, por kontraŭmeti viron kontraŭ lian patron, kaj filinon kontraŭ ŝian patrinon, kaj bofilinon kontraŭ ŝian bopatrinon;Select Matthew 10:35

36kaj la domanoj de homo estos liaj malamikoj.Select Matthew 10:36

37Kiu amas patron aŭ patrinon pli ol min, tiu ne estas inda je mi; kaj kiu amas filon aŭ filinon pli ol min, tiu ne estas inda je mi.Select Matthew 10:37

38Kaj kiu ne prenas sian krucon kaj sekvas post mi, tiu ne estas inda je mi.Select Matthew 10:38

39Kiu trovas sian vivon, tiu ĝin perdos; kaj kiu perdas sian vivon pro mi, tiu ĝin trovos.Select Matthew 10:39

40Kiu vin akceptas, tiu min akceptas; kaj kiu min akceptas, tiu akceptas Tiun, kiu min sendis.Select Matthew 10:40

41Kiu akceptas profeton en la nomo de profeto, tiu ricevos rekompencon de profeto; kaj kiu akceptas justulon en la nomo de justulo, tiu ricevos rekompencon de justulo.Select Matthew 10:41

42Kaj kiu trinkigos nur tason da malvarma akvo al unu el ĉi tiuj malgranduloj en la nomo de disĉiplo, vere mi diras al vi, tiu neniel perdos sian rekompencon.Select Matthew 10:42