25Matthew 25

1Tiam la regno de la ĉielo estos komparata al dek virgulinoj, kiuj prenis siajn lampojn kaj eliris renkonte al la fianĉo.Select Matthew 25:1

2Kaj kvin el ili estis malprudentaj, kaj kvin estis prudentaj.Select Matthew 25:2

3La malprudentaj, prenante la lampojn, ne prenis oleon kun si;Select Matthew 25:3

4sed la prudentaj prenis oleon en la vazoj kun siaj lampoj.Select Matthew 25:4

5Kaj kiam la fianĉo malfruis, ili ĉiuj malviglis kaj dormis.Select Matthew 25:5

6Sed je la noktomezo estis ekkrio: Jen la fianĉo! eliru al li renkonte.Select Matthew 25:6

7Tiam ĉiuj tiuj virgulinoj leviĝis, kaj ordigis siajn lampojn.Select Matthew 25:7

8Kaj la malprudentaj diris al la prudentaj: Donu al ni el via oleo, ĉar niaj lampoj estingiĝas.Select Matthew 25:8

9Sed la prudentaj respondis, dirante: Eble ne estos sufiĉe por ni kaj vi; iru prefere al la vendistoj, kaj aĉetu por vi mem.Select Matthew 25:9

10Kaj dum ili iris, por aĉeti, alvenis la fianĉo; kaj tiuj, kiuj estis pretaj, eniris kun li al la edziĝa festo, kaj la pordo estis fermita.Select Matthew 25:10

11Poste venis ankaŭ la ceteraj virgulinoj, dirante: Sinjoro, sinjoro, malfermu al ni.Select Matthew 25:11

12Sed li responde diris: Vere mi diras al vi: Mi vin ne konas.Select Matthew 25:12

13Tial viglu, ĉar vi ne scias la tagon nek la horon.Select Matthew 25:13

14Ĉar tiel estas, kvazaŭ viro, forvojaĝonte, alvokis siajn servistojn, kaj komisiis al ili siajn posedaĵojn.Select Matthew 25:14

15Kaj al unu li donis kvin talantojn, al alia du, al alia unu; al ĉiu laŭ lia kapableco; kaj li tuj forvojaĝis.Select Matthew 25:15

16Kaj tiu, kiu ricevis la kvin talantojn, iris kaj negocadis per ili, kaj gajnis pluajn kvin talantojn.Select Matthew 25:16

17Tiel same ankaŭ tiu, kiu ricevis la du, gajnis pluajn du.Select Matthew 25:17

18Sed tiu, kiu ricevis la unu, foriris kaj fosis en la tero, kaj kaŝis la monon de sia sinjoro.Select Matthew 25:18

19Kaj post longa tempo la sinjoro de tiuj servistoj venis, kaj faris kun ili kalkulon.Select Matthew 25:19

20Kaj tiu, kiu ricevis la kvin talantojn, venis kaj alportis pluajn kvin talantojn, dirante: Sinjoro, vi komisiis al mi kvin talantojn; jen mi gajnis pluajn kvin talantojn.Select Matthew 25:20

21Lia sinjoro diris al li: Bone, vi bona kaj fidela servisto; vi estis fidela pri malmultaj aferoj, mi starigos vin super multaj; envenu en la ĝojon de via sinjoro.Select Matthew 25:21

22Kaj venis ankaŭ tiu, kiu ricevis la du talantojn, kaj diris: Sinjoro, vi komisiis al mi du talantojn; jen mi gajnis pluajn du talantojn.Select Matthew 25:22

23Lia sinjoro diris al li: Bone, vi bona kaj fidela servisto; vi estis fidela pri malmultaj aferoj, mi starigos vin super multaj; envenu en la ĝojon de via sinjoro.Select Matthew 25:23

24Kaj venis ankaŭ tiu, kiu ricevis la unu talanton, kaj diris: Sinjoro, mi sciis, ke vi estas severa homo, rikoltanta, kie vi ne semis, kaj kolektanta, kie vi ne disŝutis;Select Matthew 25:24

25kaj mi timis, kaj foriris, kaj kaŝis vian talanton en la tero; jen vi havas vian propraĵon.Select Matthew 25:25

26Sed lia sinjoro responde diris al li: Vi malbona kaj mallaborema servisto, vi sciis, ke mi rikoltas, kie mi ne semis, kaj kolektas, kie mi ne disŝutis;Select Matthew 25:26

27pro tio vi devus doni mian monon al la bankistoj, kaj veninte, mi ricevus mian propraĵon kun procento.Select Matthew 25:27

28Forprenu de li do la talanton, kaj donu ĝin al tiu, kiu havas la dek talantojn.Select Matthew 25:28

29Ĉar al ĉiu, kiu havas, estos donite, kaj li havos abundegon; sed for de tiu, kiu ne havas, eĉ tio, kion li havas, estos prenita.Select Matthew 25:29

30Kaj elĵetu la senutilan serviston en la eksteran mallumon; tie estos la plorado kaj la grincado de dentoj.Select Matthew 25:30

31Sed kiam la Filo de homo venos en sia gloro, kaj ĉiuj anĝeloj kun li, tiam li sidos sur la trono de sia gloro;Select Matthew 25:31

32kaj antaŭ li kolektiĝos ĉiuj nacioj, kaj li apartigos ilin unu de alia, kiel paŝtisto apartigas la ŝafojn for de la kaproj;Select Matthew 25:32

33kaj li starigos la ŝafojn dekstre de li, kaj la kaprojn maldekstre.Select Matthew 25:33

34Tiam diros la Reĝo al tiuj, kiuj staras dekstre de li: Venu, vi benataj de mia Patro, heredu la regnon preparitan por vi de post la komenco de la mondo;Select Matthew 25:34

35ĉar mi malsatis, kaj vi donis al mi manĝi; mi soifis, kaj vi donis al mi trinki; mi estis fremda, kaj vi gastigis min;Select Matthew 25:35

36nuda, kaj vi vestis min; mi malsanis, kaj vi vizitis min; mi estis en malliberejo, kaj vi venis al mi.Select Matthew 25:36

37Tiam respondos al li la justuloj, dirante: Sinjoro, kiam ni vin vidis malsata, kaj vin satigis? aŭ soifanta, kaj trinkigis vin?Select Matthew 25:37

38Kaj kiam ni vidis vin fremda kaj gastigis vin? aŭ nuda, kaj vin vestis?Select Matthew 25:38

39Kaj kiam ni vidis vin malsana aŭ en malliberejo, kaj venis al vi?Select Matthew 25:39

40Kaj la Reĝo respondos kaj diros al ili: Vere mi diras al vi: Kiom vi faris al unu el ĉi tiuj miaj fratoj la plej malgrandaj, tiom vi faris al mi.Select Matthew 25:40

41Tiam li diros al tiuj, kiuj staras maldekstre: For de mi, vi malbenitaj, en la eternan fajron, kiu estas preparita por la diablo kaj liaj anĝeloj;Select Matthew 25:41

42ĉar mi malsatis, kaj vi ne donis al mi manĝi; mi soifis, kaj vi ne donis al mi trinki;Select Matthew 25:42

43mi estis fremda, kaj vi ne gastigis min; nuda, kaj vi ne vestis min; malsana kaj en malliberejo, kaj vi ne vizitis min.Select Matthew 25:43

44Tiam ili ankaŭ respondos, dirante: Sinjoro, kiam ni vidis vin malsata, aŭ soifanta, aŭ fremda, aŭ nuda, aŭ malsana, aŭ en malliberejo, kaj ne servis al vi?Select Matthew 25:44

45Tiam li respondos al ili, dirante: Vere mi diras al vi: Kiom vi ne faris al unu el ĉi tiuj la plej malgrandaj, tiom vi ne faris al mi.Select Matthew 25:45

46Kaj ĉi tiuj foriros en eternan punon, sed la justuloj en eternan vivon.Select Matthew 25:46