6Matthew 6

1Gardu vin, ke vi ne faru vian justaĵon antaŭ homoj, por esti alrigardataj de ili; alie vi ne havas rekompencon ĉe via Patro, kiu estas en la ĉielo.Select Matthew 6:1

2Tial, kiam vi donos almozon, ne sonigu trumpeton antaŭ vi, kiel faras la hipokrituloj en la sinagogoj kaj sur la stratoj, por havi gloron ĉe homoj. Vere mi diras al vi: Ili jam ricevas sian rekompencon.Select Matthew 6:2

3Sed kiam vi donas almozon, ne lasu vian maldekstran manon scii, kion faras via dekstra;Select Matthew 6:3

4por ke via almozo estu en sekreto; kaj via Patro, kiu vidas en sekreto, vin rekompencos.Select Matthew 6:4

5Kaj kiam vi preĝas, ne estu kiel la hipokrituloj; ĉar ili amas preĝi, starante en la sinagogoj kaj ĉe la anguloj de la stratoj, por montri sin al homoj. Vere mi diras al vi: Ili jam ricevas sian rekompencon.Select Matthew 6:5

6Sed vi, kiam vi preĝas, eniru en vian ĉambreton, kaj ŝlosinte vian pordon, preĝu al via Patro, kiu estas en sekreto; kaj via Patro, kiu vidas en sekreto, vin rekompencos.Select Matthew 6:6

7Kaj dum via preĝado ne vante ripetadu, kiel la nacianoj; ĉar ili supozas, ke ili estos aŭskultitaj pro sia multvorteco.Select Matthew 6:7

8Ne estu similaj al ili; ĉar via Patro scias, kion vi bezonas, antaŭ ol vi petas de Li.Select Matthew 6:8

9Vi do preĝu jene: Patro nia, kiu estas en la ĉielo, Via nomo estu sanktigita.Select Matthew 6:9

10Venu Via regno, plenumiĝu Via volo, kiel en la ĉielo, tiel ankaŭ sur la tero.Select Matthew 6:10

11Nian panon ĉiutagan donu al ni hodiaŭ.Select Matthew 6:11

12Kaj pardonu al ni niajn ŝuldojn, kiel ankaŭ ni pardonas al niaj ŝuldantoj.Select Matthew 6:12

13Kaj ne konduku nin en tenton, sed liberigu nin de la malbono.Select Matthew 6:13

14Ĉar se vi pardonas al homoj iliajn kulpojn, via Patro ĉiela ankaŭ pardonos al vi.Select Matthew 6:14

15Sed se vi ne pardonas al homoj iliajn kulpojn, via Patro ankaŭ ne pardonos viajn kulpojn.Select Matthew 6:15

16Kaj kiam vi fastas, ne estu kiel la hipokrituloj, kun malĝoja mieno; ĉar ili malbeligas sian vizaĝon, por ke al homoj ili ŝajnu fasti. Vere mi diras al vi: Ili jam ricevas sian rekompencon.Select Matthew 6:16

17Sed fastante, vi oleu vian kapon kaj lavu vian vizaĝon;Select Matthew 6:17

18por ke vi ne al homoj ŝajnu fasti, sed al via Patro en sekreto; kaj via Patro, kiu vidas en sekreto, vin rekompencos.Select Matthew 6:18

19Ne provizu al vi trezorojn sur la tero, kie tineo kaj rusto konsumas, kaj kie ŝtelistoj trafosas kaj ŝtelas;Select Matthew 6:19

20sed provizu al vi trezorojn en la ĉielo, kie nek tineo nek rusto konsumas, kaj kie ŝtelistoj nek trafosas nek ŝtelas;Select Matthew 6:20

21ĉar kie estas via trezoro, tie estos ankaŭ via koro.Select Matthew 6:21

22La lampo de la korpo estas la okulo; se do via okulo estas sendifekta, via tuta korpo estos luma.Select Matthew 6:22

23Sed se via okulo estas malbona, via tuta korpo estos malluma. Se do la lumo en vi estas mallumo, kiel densa estas la mallumo!Select Matthew 6:23

24Neniu povas esti sklavo por du sinjoroj; ĉar aŭ li malamos unu kaj amos la alian, aŭ li aliĝos al unu kaj malestimos la alian. Vi ne povas servi al Dio kaj al Mamono!Select Matthew 6:24

25Tial mi diras al vi: Ne zorgu pri via vivo, kion vi manĝu, aŭ kion vi trinku; nek pri via korpo, kion vi surmetu. Ĉu la vivo ne estas pli ol nutraĵo, kaj la korpo pli ol vestaĵo?Select Matthew 6:25

26Rigardu la birdojn de la ĉielo, ke ili ne semas, nek rikoltas, nek kolektas en grenejojn, kaj via Patro ĉiela ilin nutras. Ĉu vi ne multe pli valoras ol ili?Select Matthew 6:26

27Kaj kiu el vi per zorgado povas aldoni unu ulnon al sia staturo?Select Matthew 6:27

28Kaj kial vi zorgas pri vestaĵo? Pripensu la liliojn de la kampo, kiel ili kreskas; ili ne laboras, nek ŝpinas;Select Matthew 6:28

29tamen mi diras al vi, ke eĉ Salomono en sia tuta gloro ne estis ornamita, kiel unu el ĉi tiuj.Select Matthew 6:29

30Sed se Dio tiel vestas la kampan herbaĵon, kiu ekzistas hodiaŭ, kaj morgaŭ estos ĵetata en fornon, kiom pli certe Li vestos vin, ho malgrandfiduloj?Select Matthew 6:30

31Tial ne zorgu, dirante: Kion ni manĝu? aŭ: Kion ni trinku? aŭ: Kion ni surmetu?Select Matthew 6:31

32Ĉar pri ĉio tio serĉas la nacianoj; ĉar via Patro ĉiela scias, ke vi bezonas ĉion tion.Select Matthew 6:32

33Sed celu unue Lian regnon kaj Lian justecon, kaj ĉio tio estos aldonita al vi.Select Matthew 6:33

34Tial ne zorgu pri la morgaŭa tago, ĉar la morgaŭa tago zorgos pri si mem. Sufiĉa por la tago estas ĝia propra malbono.Select Matthew 6:34