13Proverbs 13

1Saĝa filo lernas de la patro; Sed mokanto ne aŭskultas moralinstruon.Select Proverbs 13:1

2La frukto de la buŝo donas al homo bonan manĝon; Sed la deziro de krimuloj estas perforto.Select Proverbs 13:2

3Kiu gardas sian buŝon, tiu gardas sian animon; Kiu tro malfermas sian buŝon, tiu pereas.Select Proverbs 13:3

4La animo de maldiligentulo deziras, kaj ne ricevas; Sed la animo de diligentuloj satiĝas.Select Proverbs 13:4

5Vorton malveran virtulo malamas; Sed malvirtulo agas abomene kaj venas al honto.Select Proverbs 13:5

6La virto gardas tiun, kiu iras ĝustan vojon; Sed la malvirto pereigas pekulon.Select Proverbs 13:6

7Unu ŝajnigas sin riĉa, havante nenion; Alia ŝajnigas sin malriĉa, havante grandan riĉecon.Select Proverbs 13:7

8Per sia riĉeco homo savas sian animon; Sed malriĉulo ne aŭskultas atentigon.Select Proverbs 13:8

9La lumo de virtuloj brilegas; Sed la lumilo de malvirtuloj estingiĝos.Select Proverbs 13:9

10Nur de malhumileco venas malpaco; Sed la akceptantaj konsilojn havas saĝon.Select Proverbs 13:10

11Riĉeco rapide akirita malgrandiĝas; Sed kion oni kolektas per laboro, tio multiĝas.Select Proverbs 13:11

12Espero prokrastata dolorigas la koron; Sed plenumita deziro estas arbo de vivo.Select Proverbs 13:12

13Kiu malŝatas diron, tiu malutilas al si mem; Sed respektanta ordonon estos rekompencita.Select Proverbs 13:13

14Instruo de saĝulo estas fonto de vivo, Por evitigi la retojn de la morto.Select Proverbs 13:14

15Bona prudento plaĉigas; Sed la vojo de perfiduloj estas malglata.Select Proverbs 13:15

16Ĉiu prudentulo agas konscie; Sed malsaĝulo elmontras malsaĝecon.Select Proverbs 13:16

17Malbona sendito falas en malfeliĉon; Sed sendito fidela sanigas.Select Proverbs 13:17

18Malriĉa kaj hontigata estos tiu, kiu forpuŝas instruon; Sed kiu observas instruon, tiu estos estimata.Select Proverbs 13:18

19Deziro plenumita estas agrabla por la animo; Sed malagrable por la malsaĝuloj estas deturni sin de malbono.Select Proverbs 13:19

20Kiu iras kun saĝuloj, tiu estos saĝa; Sed kamarado de malsaĝuloj suferos doloron.Select Proverbs 13:20

21Pekulojn persekutas malbono; Sed virtulojn rekompencas bono.Select Proverbs 13:21

22Bonulo heredigas la nepojn; Kaj por virtulo konserviĝas la havo de pekulo.Select Proverbs 13:22

23Multe da manĝaĵo estas sur la kampo de malriĉuloj; Sed multaj pereas pro manko de justeco.Select Proverbs 13:23

24Kiu ŝparas sian vergon, tiu malamas sian filon; Sed kiu lin amas, tiu baldaŭ lin punas.Select Proverbs 13:24

25Virtulo manĝas, por satigi sian animon; Sed la ventro de malvirtuloj havas mankon.Select Proverbs 13:25