2Song of Songs 2

1Mi estas la lilio de Ŝaron, La rozo de la valoj.Select Song of Songs 2:1

2Kiel rozo inter la dornoj, Tiel estas mia amatino inter la knabinoj.Select Song of Songs 2:2

3Kiel pomarbo inter arboj nefruktaj, Tiel estas mia amato inter la junuloj. Mi sopiris al lia ombro, jen mi sidiĝis; Kaj liaj fruktoj estas bongustaj al mia palato.Select Song of Songs 2:3

4Li enkonduku min en vindomon, Kaj lia standardo super mi estu la amo.Select Song of Songs 2:4

5Plifortigu min per vinberkuko, Refreŝigu min per pomsuko; Ĉar mi estas malsana de amo.Select Song of Songs 2:5

6Lia maldekstra mano estu sub mia kapo, Lia dekstra ĉirkaŭprenu min.Select Song of Songs 2:6

7Mi ĵurligas vin, ho filinoj de Jerusalem, Je la gazeloj aŭ la cervoj de la kampo: Ne veku nek sendormigu la amatinon, Ĝis ŝi mem volos.Select Song of Songs 2:7

8Ho, jen estas la voĉo de mia amato! Ho, jen li venas, Rapidante sur la montoj, saltante sur la altaĵoj.Select Song of Songs 2:8

9Mia amato similas al gazelo aŭ al cervo. Ho, jen li staras post nia muro, Rigardante tra la fenestro, Sin montrante ĉe la krado.Select Song of Songs 2:9

10Mia amato vokas, li parolas al mi: Leviĝu, mia amatino, mia belulino, ho venu;Select Song of Songs 2:10

11Ĉar la vintro jam forpasis, La pluvo pasis kaj malaperis;Select Song of Songs 2:11

12La floroj jam estas sur la tero; La kantosezono jam alvenis, Kaj la voĉo de la turto jam aŭdiĝas en nia lando;Select Song of Songs 2:12

13La figarbo jam maturigas siajn fruktetojn, La vinbertrunkoj siajn vinberetojn, Kiuj jam bonodoras. Leviĝu, mia amatino, mia belulino, kaj venu.Select Song of Songs 2:13

14Ho mia kolombino, en la krevaĵoj de la roko, en la kaŝejo de la rokkrutaĵo, Montru al mi vian aspekton, aŭdigu al mi vian voĉon; Ĉar via voĉo estas dolĉa, kaj via aspekto estas bela.Select Song of Songs 2:14

15Kaptu al ni la ŝakalojn, la malgrandajn ŝakalojn, La detruantojn de la vinberĝardenoj, Kiam niaj vinberĝardenoj burĝonas.Select Song of Songs 2:15

16Mia amato apartenas al mi, Kaj mi apartenas al li, Kiu paŝtas inter la rozoj.Select Song of Songs 2:16

17Ĝis la tago malvarmetiĝos kaj la ombroj forkuros, Turnu vin, ho amato, similiĝu al gazelo aŭ al cervo Sur la montoj de aromaĵoj.Select Song of Songs 2:17