7Song of Songs 7

1Kiel belaj estas viaj paŝoj en sandaloj, ho filino de princo! La svingado de viaj femuroj estas kiel ĉenringoj, Majstre ellaboritaj.Select Song of Songs 7:1

2Via umbiliko estas kiel ronda pokalo, Al kiu trinkaĵo ne mankas; Via ventro estas kiel amaso da tritiko ĉirkaŭita de rozoj;Select Song of Songs 7:2

3Viaj du mamoj estas kiel du cervidoj, Ĝemeloj de gazelino;Select Song of Songs 7:3

4Via kolo estas kiel turo el eburo; Viaj okuloj kiel la lagetoj en Ĥeŝbon, ĉe la pordego de Bat-Rabim; Via nazo estas kiel la turo de Lebanon rigardanta Damaskon;Select Song of Songs 7:4

5Via kapo sur vi estas kiel Karmel, Kaj la harbukloj de via kapo kiel la purpura robo de la reĝo, falde kunligita.Select Song of Songs 7:5

6Kiel bela kaj kiel ĉarma estas mia amatino inter la plezuroj!Select Song of Songs 7:6

7Via staturo similas la palmotrunkon, Kaj viaj mamoj la vinberarojn.Select Song of Songs 7:7

8Mi diris: Mi suprengrimpos la palmotrunkon kaj teniĝos je ĝiaj branĉoj; Kaj viaj mamoj estu kiel la penikoj de la vinbertrunko, Kaj la bonodoro de via nazo kiel la bonodoro de citronoj;Select Song of Songs 7:8

9Kaj via palato kiel vino bongusta, Kiu englitiĝas ĉarmege kaj glate, Kiu paroligas la lipojn de la dormantoj.Select Song of Songs 7:9

10Mi apartenas al mia amato, Kaj li sin tiras al mi.Select Song of Songs 7:10

11Venu, mia amato, ni eliru sur la kamparon; Ni enloĝiĝu en la vilaĝoj.Select Song of Songs 7:11

12Frumatene ni iru al la vinberĝardenoj; Ni rigardu, ĉu la vinbertrunko jam burĝonis, Ĉu ĝiaj floroj jam malfermiĝis, Ĉu la granatarboj jam floras; Tie mi donos al vi mian amon.Select Song of Songs 7:12

13La mandragoroj jam bonodoras, Kaj apud nia enirejo troviĝas delikataj fruktoj ĉiuspecaj, fruaj kaj malfruaj, Kiujn mi provizis por vi, ho mia amato!Select Song of Songs 7:13