1Luke 1

1Son wheesh as dy vel ymmodee er ghoaill ayns laue dy chur coontey cairagh jeh ny reddyn ta dy firrinagh er nyn gredjal nyn mast'ain.Select Luke 1:1

2Eer myr hoilshee ad dooinyn ad, va er-dyn toshiaght nyn veanishyn sooilley as nyn shirveishee jeh'n ghoo.Select Luke 1:2

3Ta mish myrgeddin er vakin eh mie, myr ta slane toiggal aym jeh dy chooilley nhee er-dyn eer toshiaght, dy scrieu hoods ayns order, Theophilus smoo ooasle,Select Luke 1:3

4Dy vod tushtey share y ve ayd jeh firrinys ny reddyn shen, t'ou er ny ve ynsit ayndoo.Select Luke 1:4

5Rish lhing Heron ree Yudea, va saggyrt dy row enmyssit Zacharias, jeh coorse Abia; as va'n ven echey jeh inneenyn Aaron, as yn ennym eck Elizabeth.Select Luke 1:5

6As v'ad ny-neesht cairagh kiongoyrt rish Jee, gimmeeaght ayns ooilley annaghyn as oardaghyn y Chiarn gyn loght.Select Luke 1:6

7As cha row sluight oc, er-yn-oyr dy row Elizabeth gennish, as v'ad ny-neesht er roie dy mie ayns eash.Select Luke 1:7

8As haink eh gy-kione, choud as v'eh cooilleeney oik y taggyrt kiongoyrt rish Jee, myr va e choorse er jeet magh,Select Luke 1:8

9Cordail rish cliaghtey oik y taggyrt, dy haghyr eh dy ve yn currym echey dy lostey oural-millish, tra v'eh goll stiagh ayns chiamble y Chiarn.Select Luke 1:9

10As va'n slane chaglym jeh'n pobble cheu-mooie ec padjer rish traa yn oural-millish.Select Luke 1:10

11As haink ainle y Chiarn, as hass eh er cheu yesh altar yn oural-millish.Select Luke 1:11

12As tra honnick Zacharias eh, v'eh seaghnit, as huitt aggle er.Select Luke 1:12

13Agh dooyrt yn ainle rish, Ny gow aggle Zacharias: son ta dty phadjer er ny chlashtyn, as nee yn ven ayd Elizabeth mac y ymmyrkey dhyt, as nee oo genmys eh Ean.Select Luke 1:13

14As bee boggey as gerjagh ayd, as nee ymmodee boggey y ghoaill tra hig eh er y theihll.Select Luke 1:14

15Son bee eh ooasle ayns shilley yn Chiarn, as cha n'iu eh feeyn ny jough lajer, as bee eh er ny lhieeney lesh y Spyrryd Noo, veih eer brein e vayrey.Select Luke 1:15

16As ymmodee jeh cloan Israel nee eh y hyndaa gys y Chiarn y Jee oc.Select Luke 1:16

17As hed eh roishyn ayns spyrryd as pooar Elias, dy hyndaa creeaghyn ny ayragh yn gys y chloan, as ny mee-viallee gys creenaght yn vooinjer chairal, dy yannoo aarloo pobble kiarit son y Chiarn.Select Luke 1:17

18As dooyrt Zacharias rish yn ainle, Cre liorish vees fys aym's er shoh son ta mee shenn, as ta'n ven er roie dy mie ayns eash.Select Luke 1:18

19As dreggyr yn aile as dooyrt e rish, Mish Gabriel ta shirveish fenish Yee: as ta mee-er my choyrt dy loayrt rhyt, as dy hoilshaghey dhyt ny naightyn mie shoh.Select Luke 1:19

20As cur-my-ner bee oo balloo, as cha jig dty ghlare lhiat, derrey yn laa vees ny reddyn shoh cooilleenit, er-y-fa nagh vel oo er chredjal my ghoan's vees er nyn gooilleeney ayns nyn imbagh cooie.Select Luke 1:20

21As va'n pobble fieau son Zacharias, as yindys orroo dy row eh cumrail choud ayns y chiamble.Select Luke 1:21

22As tra haink eh magh, cha voddagh eh loayrt roo; as hoig ad dy row eh er vakin ashlish ayns y chiamble: son v'eh jannoo signyn daue, as hannee eh balloo.Select Luke 1:22

23As shen myr ve, tra v'eh er chooilleeney laghyn e hirveish, dy jimmee eh gys e hie hene.Select Luke 1:23

24As lurg ny laghyn shen ren e ven Elizabeth giennaghtyn, as dollee ee ee-hene queig meeghyn, gra,Select Luke 1:24

25Shoh myr ta'n Chiarn er n'yannoo er my hon tra yeeagh eh orrym, dy ghoaill ersooyl my oltooan mastey deiney.Select Luke 1:25

26As ayns y cheyoo vee, va'n ainle Gabriel er ny choyrt veih Jee, gys ard-valley dy Ghalilee, va enmyssit Nazareth,Select Luke 1:26

27Gys moidyn nasht rish dooinney enmyssit Joseph, jeh thie Ghavid; as va ennym y voidyn Moirrey.Select Luke 1:27

28As haink yn ainle stiagh as dooyrt eh r'ee, Dy vannee dhyt's ta ayns ard-foayr ta'n Chiarn mayrt; bannit t'ou uss mastey mraane.Select Luke 1:28

29As tra honnick ee eh, v'ee seaghnit ec y raa echey, as smooinee ee r'ee hene cre'n monney dy vannaghey va shoh.Select Luke 1:29

30As dooyrt yn ainle r'ee, Ny bee aggle ort, O Voirrey; son t'ou er gheddyn foayr veih Jee.Select Luke 1:30

31As cur-my-ner, nee oo giennaghtyn, as mac y ymmyrkey, as enmyssee oo yn ennym echey Yeesey.Select Luke 1:31

32Bee eshyn cronnal, as enmyssit Mac yn Er-syrjey; as ver y Chiarn Jee dasyn stoyl-reeoil e ayr David.Select Luke 1:32

33As nee eh reill harrish thie Yacob gys earishyn foddey beayn, as er e reeriaght cha bee jerrey erbee.Select Luke 1:33

34Eisht dooyrt Moirrey rish yn ainle, Kys oddys shoh y ve, fakin nagh nione dou dooinney?Select Luke 1:34

35As dreggyr yn ainle as dooyrt eh r'ee, Hig yn Spyrryd Noo neose ort, as bee pooar yn Er-syrjey er ny skeayley harryd: shen-y-fa bee yn sluight chasherick shen ver oo son y theihll, enmyssit Mac Yee.Select Luke 1:35

36As cur-my-ner, dty ven-vooinjerey Elizabeth, t'eeish myrgeddin er ghiennaght yn mac ayns ny shenn laghyn eck: as shoh yn cheyoo vee jeeish va raait dy ve gennish.Select Luke 1:36

37Son da Jee cha bee nhee erbee neu-phossible.Select Luke 1:37

38As dooyrt Moirrey, Cur-my-ner sharvaant y Chiarn, dy jig eh lhiam cordail rish dty ghoo. As jimmee yn ainle voee.Select Luke 1:38

39As mysh ny laghyn shen hrog Moirrey urree lesh siyr dy gholl gys cheer ny liargagh, gys ard-valley dy Yudah,Select Luke 1:39

40As hie ee stiagh ayns thie Zacharias as vannee ee da Elizabeth.Select Luke 1:40

41As haink eh gy-kione, tra cheayll Elizabeth bannaghey Moirrey, dy lheim yn oikan ayns e brein, as va Elizabeth lhieent lesh y Spyrryd Noo.Select Luke 1:41

42As loayr ee lesh ard-choraa as dooyrt ee, Bannit t'ou uss mastey mraane, as bannit ta sluight dty vreïn.Select Luke 1:42

43As kys ta'n (ooashley) aym, dy vel moir my Hiarn er jeet dy my yeeaghyn?Select Luke 1:43

44Son cur-my-ner, cha leah as ren coraa dty vannaghey bingys ayns my chleayshyn, lheim yn oikan ayns my vrein son boggey.Select Luke 1:44

45As bannit t'eeish ta er chredjal: son bee slane cooilleeney ny reddyn shen v'er ny hoilshaghey jee liorish y Chiarn.Select Luke 1:45

46As dooyrt Moirrey, Ta m'annym cur ard-voylley da'n Chiarn.Select Luke 1:46

47As ta my spyrryd er ghoaill boggey ayns Jee my Haualtagh.Select Luke 1:47

48Son t'eh er chur tastey da stayd injil e harvaant: son cur-my-ner, maghey shoh nee dy chooilley heeloghe mish y enmys bannit.Select Luke 1:48

49Son s'mooar ta'n Ooilley-niartal er n'yannoo er my hon, as s'casherick ta e ennym.Select Luke 1:49

50As ta e vyghin orroosyn ta goaill aggle roish, veih sheeloghe gys sheeloghe.Select Luke 1:50

51T'eh er hoilshaghey niart lesh e roih t'eh er skeayley ny moyrnee ayns mooaralys nyn greeaghyn.Select Luke 1:51

52T'eh er lhieggal sheese ny treanee veih nyn stuill-reeoil, as er hoiaghey seose ny imlee.Select Luke 1:52

53T'eh er lhieeney ny accryssee lesh reddyn mie, as ny berchee t'eh er chur follym ersooyl.Select Luke 1:53

54T'eh er chooney lesh e harvaant Israel ayns cooinaghtyn jeh e vyghin.Select Luke 1:54

55(Myr loayr eh rish nyn shenn-ayryn, rish Abraham as e luight) er son dy bragh.Select Luke 1:55

56As duirree Moirrey mâree mysh three meeghyn, as haink ee reesht gys e thie hene.Select Luke 1:56

57Nish va slane traa Elizabeth er jeet dy ve livreit, as hug ee mac son y theihll.Select Luke 1:57

58As cheayll ny naboonyn as y sleih mooinjerey eck, kys va'n Chiarn er hoilshaghey ard-vyghin jee; as ghow ad boggey mâree.Select Luke 1:58

59As haink eh gy-kione er yn hoghtoo laa dy daink ad dy ghiarey-chymmylt yn lhiannoo; as denmys ad eh Zacharias, lurg ennym e ayrey.Select Luke 1:59

60As dreggyr e voir, as dooyrt ee, Cha nee; agh bee eh enmyssit Ean.Select Luke 1:60

61As dooyrt ad r'ee, Cha vel veg jeh dty chynney jeh'n ennym shen.Select Luke 1:61

62As ren ad signyn gys e ayr, cre'n ennym bailIishyn y ve er.Select Luke 1:62

63As hir eh boayrd-screeuee, as scrieu eh, gra, Ta'n ennym echey Ean. As ghow ad ooilley yindys.Select Luke 1:63

64As er-y-chooyl va e veeal er ny osley, as e hengey er ny eaysley, as loayr eh, as hug eh moylley da Jee.Select Luke 1:64

65As huitt aggle (arrymagh) er ooilley nyn naboonyn: as hie goo jeh ooilley ny reddyn shoh magh trooid ooilley cheer sleitagh Yudea.Select Luke 1:65

66As adsyn ooilley cheayll shoh, hasht ad ayns nyn greeaghyn ad, gra, Cren monney dy ghooinney vees eh shoh? as va laue yn Chiarn mârish.Select Luke 1:66

67As va'n ayr echey Zacharias lhieent lesh y Spyrryd Noo, as ren eh phadeyrys, gra,Select Luke 1:67

68Bannit dy row yn Chiarn Jee Israel, son t'eh er yeeaghyn er, as er livrey e phobble,Select Luke 1:68

69As t'eh er hroggal seose saualtys niartal er nyn son, ayns thie e harvaant David;Select Luke 1:69

70Myr loayr eh liorish beeal e adeyryn crauee, t'er ny ve er-dy hoshiaght y theihll;Select Luke 1:70

71Dy hauail shin veih nyn noidyn, as veih'n lane ocsyn ooilley ta dwoaie oc orrin.Select Luke 1:71

72Dy chooilleeney yn vyghin va giallit da ny ayraghyn ain, as dy chooinaghtyn er e chonaant casherick:Select Luke 1:72

73Eer yn breearrey ren eh gys yn ayr ain Abraham,Select Luke 1:73

74Dy giallagh eh dooinyn, dy beagh shin er nyn livrey veih laueyn nyn noidyn, as shirveish eh fegooish aggle.Select Luke 1:74

75Ayns craueeaght as cairys kiongoyrt rish, ooilley laghyn nyn mea.Select Luke 1:75

76As bee uss lhiannoo enmyssit phadeyr yn Er-syrjey; son hed oo roish eddin y Chiarn, dy yannoo aarloo e raaidyn;Select Luke 1:76

77Dy chur tushtey dy haualtys da e phobble, liorish leih nyn beccaghyn,Select Luke 1:77

78Trooid myghin meiygh yn Jee ain; liorish ta irree-ny-greiney veih yn yrjid er hoilshean orrinSelect Luke 1:78

79Dy chur soilshey dauesyn ta nyn soie ayns dorraghys as ayns scadoo yn vaaish, dy leeideil ny cassyn ain ayns raad y chee.Select Luke 1:79

80As daase y lhiannoo, as v'eh er ny niartaghey 'sy spyrryd, as v'eh ayns ny faasaghyn, derrey'n laa v'eh er ny hoilshaghey da Israel.Select Luke 1:80