18Leviticus 18

1Ary Jehovah niteny tamin’ i Mosesy ka nanao hoe:Select Leviticus 18:1

2Mitenena amin’ ny Zanak’ Isiraely hoe: Izaho no Jehovah Andriamanitrareo:Select Leviticus 18:2

3Aza manao araka ny fanaon’ ny tany Egypta, izay nonenanareo; ary aza manao araka ny fanaon’ ny tany Kanana, izay ampidirako anareo, ary aza manaraka ny fombany.Select Leviticus 18:3

4Ny fitsipiko no harahinareo, ary ny didiko no hotandremanareo, hanarahanareo azy: Izaho no Jehovah Andriamanitrareo.Select Leviticus 18:4

5Ary tandremo ny didiko sy ny fitsipiko; fa raha mahatandrina izany ny olona, dia ho velona amin’ izany izy: Izaho no Jehovah.Select Leviticus 18:5

6Aza misy mila izay havany akaiky handry aminy ianareo: Izaho no Jehovah.Select Leviticus 18:6

7Aza mandry amin’ izay nandrian’ ny rainao; fa reninao izy, ka aza mandry aminy.Select Leviticus 18:7

8Aza mandry amin’ ny renikelinao; fa nandrian’ ny rainao izy.Select Leviticus 18:8

9Aza mandry amin’ ny anabavinao, zanaky ny rainao, na zanaky ny reninao, na teraka tao an-trano, na teraka tany ivelany; aza mandry aminy.Select Leviticus 18:9

10Aza mandry amin’ ny zanakavavin’ ny zanakao-lahy, na ny zanakavavin’ ny zanakao-vavy; fa avy aminao no nihavian’ izy roa.Select Leviticus 18:10

11Aza mandry amin’ ny zanakavavin’ ny renikelinao, izay teraky ny rainao; fa anabavinao izy; aza mandry aminy.Select Leviticus 18:11

12Aza mandry amin’ ny anabavin-drainao; fa havan-drainao akaiky izy.Select Leviticus 18:12

13Aza mandry amin’ ny rahavavin-dreninao; fa havan-dreninao akaiky izy.Select Leviticus 18:13

14Aza mandry amin’ izay nandrian’ ny rahalahin-drainao; aza mila ny vadiny fa vadin’ ny rahalahin-drainao izy.Select Leviticus 18:14

15Aza mandry amin’ ny vinantovavinao; fa vadin’ ny zanakao-lahy izy, koa aza mandry aminy.Select Leviticus 18:15

16Aza mandry amin’ ny vadin-drahalahinao; fa nandrian’ ny rahalahinao izy.Select Leviticus 18:16

17Aza mandry amin’ ny vehivavy sy ny zananivavy; aza maka ny zanakavavin’ ny zananilahy, na ny zanakavavin’ ny zananivavy, handry aminy; havany akaiky ireo, ka fahavetavetana izany.Select Leviticus 18:17

18Ary aza mampakatra vehivavy ho rafin’ ny rahavaviny izay mbola velona.Select Leviticus 18:18

19Ary aza mila vehivavy mararin’ ny fadim-bolany handry aminy.Select Leviticus 18:19

20Ary aza mandry amin’ ny vadin’ ny namanao, handoto ny tenanao aminy.Select Leviticus 18:20

21Ary aza misy ampandehaninao hamaky ny afo ho an’ i Moloka ny zanakao; ary aza manamavo ny anaran’ Andriamanitrao: Izaho no Jehovah.Select Leviticus 18:21

22Aza mandry amin’ ny lehilahy tahaka ny fandry amin’ ny vehivavy; fa fahavetavetana izany.Select Leviticus 18:22

23Ary aza mandry amin’ ny biby handoto ny tenanao aminy; ary aoka tsy hisy vehivavy hety handrian’ ny biby; fa zavatra fady indrindra izany.Select Leviticus 18:23

24Aza mandoto ny tenanareo amin’ izany zavatra izany akory; fa izany rehetra izany no nandotoan’ ny jentilisa ny tenany, izay efa horoahiko eo anoloanareo.Select Leviticus 18:24

25Ary efa maloto ny tany, ka dia hamaly azy Aho noho ny helony, ary haloan’ ny tany ny mponina eo.Select Leviticus 18:25

26Fa mitandrema ny didiko sy ny fitsipiko ianareo, ka aza misy ataonareo izany fahavetavetana izany, na ny tompon-tany, na ny vahiny eo aminareoSelect Leviticus 18:26

27(fa izany fahavetavetana rehetra izany no nataon’ ny tompon-tany izay talohanareo, ka dia naloto ny tany),Select Leviticus 18:27

28mba tsy handotoanareo ny tany ka tsy handoavany anareo, tahaka ny nandoavany ny firenena izay talohanareo.Select Leviticus 18:28

29Fa izay rehetra manao izany fahavetavetana izany na dia iray aza dia hofongorana tsy ho amin’ ny fireneny.Select Leviticus 18:29

30Koa dia tandremo izay asaiko tandremana, mba tsy hisy hataonareo akory izany fanao vetaveta izany, izay nataon’ ny olona talohanareo, ka aza mandoto ny tenanareo amin’ izany: Izaho no Jehovah Andriamanitrareo.Select Leviticus 18:30