13Numbers 13

1Ary Jehovah niteny tamin’ i Mosesy, ka nanao hoe:Select Numbers 13:1

2Maniraha lehilahy vitsivitsy hisafo ny tany Kanana, izay omeko ho an’ ny Zanak’ Isiraely; dia lehilahy iray avy isam-pirazanany no hirahinareo, ka izay samy lohan’ ny fireneny avy.Select Numbers 13:2

3Ary Mosesy dia naniraka azy hiala any an-efitra Parana, araka ny didin’ i Jehovah; ary samy lohan’ ny firenen’ ny Zanak’ Isiraely ireo lehilahy rehetra ireo.Select Numbers 13:3

4Ary izao no anarany: Avy tamin’ ny firenen’ i Robena dia Samoa, zanak’ i Zakora;Select Numbers 13:4

5avy tamin’ ny firenen’ i Simeona dia Safata, zanak’ i Hory;Select Numbers 13:5

6avy tamin’ ny firenen’ i Joda dia Kaleba, zanak’ i Jefone;Select Numbers 13:6

7avy tamin’ ny firenen’ Isakara dia Jigala, zanak’ i Josefa;Select Numbers 13:7

8avy tamin’ ny firenen’ i Efraima dia Hosea, zanak’ i Nona;Select Numbers 13:8

9avy tamin’ ny firenen’ i Benjamina dia Palty, zanak’ i Rafo;Select Numbers 13:9

10avy tamin’ ny firenen’ i Zebolona dia Gadiela, zanak’ i Sody;Select Numbers 13:10

11avy tamin’ ny firenen’ i Josefa, tamin’ ny firenen’ i Manase, dia Gady, zanak’ i Sosy;Select Numbers 13:11

12avy tamin’ ny firenen’ i Dana dia Amiela, zanak’ i Gemaly;Select Numbers 13:12

13avy tamin’ ny firenen’ i Asera dia Setora, zanak’ i Mikaela;Select Numbers 13:13

14avy tamin’ ny firenen’ i Naftaly dia Naby, zanak’ i Vofsy;Select Numbers 13:14

15avy tamin’ ny firenen’ i Gada dia Geoela, zanak’ i Maky.Select Numbers 13:15

16Ireo no anaran’ ny lehilahy izay nirahin’ i Mosesy hisafo ny tany. Ary Hosea, zanak’ i Nona, dia nataon’ i Mosesy hoe Josoa.Select Numbers 13:16

17Ary Mosesy naniraka ireo hisafo ny tany Kanana ka nanao taminy hoe: Miakara atỳ amin’ ny tany atsimo ianareo, ka miakara ho any amin’ ny tany havoana;Select Numbers 13:17

18dia izahao izay toetry ny tany sy ny olona monina any, na mahery, na osa, na vitsy, na maro;Select Numbers 13:18

19ary izay toetry ny tany itoerany, na tsara, na ratsy; ary ny toetry ny tanàna izay itoerany, na ao an-day, na ao an-tanàna mimanda;Select Numbers 13:19

20ary ny toetry ny tany, na lonaka, na màzana, na misy hazo eo, na tsia; ary mahereza ianareo, ka itondray ny vokatry ny tany. Ary ny andro fahizany dia fahamasahan’ ny voaloboka mialin-taona.Select Numbers 13:20

21Dia niakatra ireo ka nisafo ny tany hatramin’ ny efitra Zina ka hatrany Rehoba, dia ao akaikin’ i Hamata.Select Numbers 13:21

22Dia niakatra tao amin’ ny tany atsimo izy ka nankany Hebrona; ary teo Ahimana sy Sesay ary Talmay, teraky ny Anakita. (Ary Hebrona dia voaorina fito taona talohan’ i Zoana any Egypta.)Select Numbers 13:22

23Dia nankany amin’ ny lohasaha Eskola izy ka nanapaka sampam-boaloboka teo izay nisy sampahony iray ihany, ary nolanjain-droa lahy tamin’ ny hazo izany; ary ny ampongabendanitra sy ny aviavy dia nitondrany koa.Select Numbers 13:23

24Ary izany tany izany dia nataony hoe Lohasaha Eskola, noho ny sampahom-boaloboka izay notapahin’ ny Zanak’ Isiraely teo.Select Numbers 13:24

25Ary niverina avy nisafo ny tany ireo, nony afaka efa-polo andro.Select Numbers 13:25

26Dia nankeo amin’ i Mosesy sy Arona ary ny fiangonana, dia ny Zanak’ Isiraely rehetra, tany an-efitra Parana izy, dia tany Kadesy, ka nitondra teny taminy sy ny fiangonana rehetra sady naneho azy ny vokatry ny tany.Select Numbers 13:26

27Dia nilaza taminy izy ka nanao hoe: Tonga tany amin’ ny tany izay nanirahanao anay izahay, koa tondra-dronono sy tantely tokoa izy; ary itony no vokatra avy tany.Select Numbers 13:27

28Kanefa kosa mahery ny olona izay monina eo amin’ ny tany; ary ny tanàna dia mimanda sady lehibe dia lehibe; ary koa, nahita ny teraky ny Anakita teo izahay.Select Numbers 13:28

29Ny Amalekita no monina eo amin’ ny tany atsimo; ary ny Hetita sy ny Jebosita ary ny Amorita no monina any amin’ ny tany havoana; ary ny Kananita no monina eo amoron’ ny ranomasina sy eo amoron’ i Jordana.Select Numbers 13:29

30Fa Kaleba dia nampangina ny olona teo anatrehan’ i Mosesy ka nanao hoe: Andeha isika hiakatra mihitsy mba hahazoantsika azy, fa haharesy azy tokoa isika.Select Numbers 13:30

31Fa hoy kosa ny lehilahy izay niara-niakatra taminy: Tsy mahazo miakatra handresy ny olona isika; fa mahery noho isika izy.Select Numbers 13:31

32Dia nilaza ratsy ny tany izay nosafoiny tamin’ ny Zanak’ Isiraely izy ka nanao hoe: Ny tany izay nalehanay nosafoina dia tany izay mandevona ny monina eo, ary ny olona rehetra izay hitanay teo dia olona vaventibe;Select Numbers 13:32

33ary nahita ny Nefilima teo izahay, dia taranaky ny Anakita avy amin’ ny Nefilima; ary teo imasonay dia tahaka ny tsingentana izahay; ary toy izany koa izahay teo imasony.Select Numbers 13:33