34Psalms 34

2Hisaotra an’ i Jehovah lalandava aho; ho eo am-bavako mandrakariva ny fiderana Azy.Select Psalms 34:2

3Jehovah no reharehan’ ny fanahiko; hahare izany ny mpandefitra ka ho fay.Select Psalms 34:3

4Miaraha mankalaza an’ i Jehovah amiko; ary aoka hiara-manandratra ny anarany isika.Select Psalms 34:4

5Mitady an’ i Jehovah aho, dia mamaly ahy Izy ka manafaka ahy amin’ ny tahotro rehetra.Select Psalms 34:5

6Mijery Azy ireo ka miramirana, sady tsy mangaihay ny tavany.Select Psalms 34:6

7Ity olo-mahantra ity niantso, dia nihaino Jehovah ka namonjy azy tamin’ ny fahoriany rehetra.Select Psalms 34:7

8Ny Anjelin’ i Jehovah mitoby manodidina izay matahotra Azy ka mamonjy azy.Select Psalms 34:8

9Andramo ka izahao fa tsara Jehovah; sambatra izay olona mialoka aminy.Select Psalms 34:9

10Matahora an’ i Jehovah, ianareo olony masìna; fa tsy hanan-java-mahory izay matahotra Azy.Select Psalms 34:10

11Na dia ny liona tanora aza tsy ampy hanina ka noana. Fa izay mitady an’ i Jehovah kosa dia tsy ho orin-java-tsoa akory.Select Psalms 34:11

12Avia, anaka, mihainoa ahy; ny fahatahorana an’ i Jehovah no hampianariko anareo.Select Psalms 34:12

13Na iza na iza ianao no maniry fiainana ka tia andro maro hahitana ny soa,Select Psalms 34:13

14Dia arovy ny lelanao amin’ ny ratsy ary ny molotrao mba tsy hiteny fitaka.Select Psalms 34:14

15Halaviro ny ratsy, manaova soa; mitadiava fihavanana, ka araho izany.Select Psalms 34:15

16Ny mason’ i Jehovah dia mitsinjo ny marina, ary ny sofiny mihaino ny fitarainany.Select Psalms 34:16

17Ny tavan’ i Jehovah tezitra amin’ ny mpanao ratsy kosa, mba hofongorany tsy ho eo amin’ ny tany ny fahatsiarovana azy.Select Psalms 34:17

18Mitaraina ny marina, ary mihaino azy Jehovah ka mamonjy azy amin’ ny fahoriany rehetra.Select Psalms 34:18

19Akaikin’ izay manana fo mangorakoraka Jehovah, ary mamonjy izay torororo fanahy.Select Psalms 34:19

20Maro ny fahorian’ ny marina; nefa Jehovah manafaka azy amin’ izany rehetra izany.Select Psalms 34:20

21Miaro ny taolany rehetra izy; tsy hisy ho tapaka ireny na dia iray akory aza.Select Psalms 34:21

22Hahafaty ny ratsy fanahy ny fahoriana; ary ny mankahala ny olo-marina hohelohina.Select Psalms 34:22

23Fa Jehovah manavotra ny fanahin’ ny mpanompony, ka tsy mba hisy hohelohina izay rehetra mialoka aminy.Select Psalms 34:23