38Psalms 38

2Jehovah ô, aza ny fahatezeranao no ananaranao ahy; ary aza ny fahaviniranao no amaizanao ahy.Select Psalms 38:2

3Fa mitsatoka amiko ny zana-tsipìkanao, ary manindry ahy mafy ny tananao,Select Psalms 38:3

4Tsy misy fahasalamana ny nofoko noho ny fahatezeranao; tsy misy tsy marary ny taolako noho ny fahotako.Select Psalms 38:4

5Fa ny heloko efa mihoatra ny lohako; tahaka ny entana mavesatra izy ka tsy zakako.Select Psalms 38:5

6Maimbo sady mihady ny feriko noho ny hadalako.Select Psalms 38:6

7Mitanondrika sy mijoretra indrindra aho, ary misaona mandrakariva.Select Psalms 38:7

8Ary ny vaniako henika ny aretina mahamay, ka tsy misy fahasalamana ny nofoko.Select Psalms 38:8

9Marikoditra aho sady torovana indrindra; midradradradra aho noho ny fitolokon’ ny foko.Select Psalms 38:9

10Ry Tompo ô, eo anatrehanao ny faniriako rehetra; ary ny fisentoako tsy mba miafina aminao.Select Psalms 38:10

11Miemponempona ny foko, lany ny heriko, ary ny fahiratan’ ny masoko aza efa nandao ahy.Select Psalms 38:11

12Ny olo-malalako sy ny sakaizako aza efa manalavitra ny fahoriako; Ary ny havako mijanona eny lavitra eny.Select Psalms 38:12

13Mamela-pandrika izay mitady ny aiko; ary izay mitady hanimba ahy miteny fanimbana, sy misaim-pitaka mandrakariva.Select Psalms 38:13

14Fa izaho dia tahaka ny marenina ka tsy mandre, ary tahaka ny moana ka tsy mahaloa-bava;Select Psalms 38:14

15Eny, dia tahaka ny olona tsy mandre, sady tsy misy teny havaly eo am-bavany.Select Psalms 38:15

16Fa ianao no antenaiko Jehovah ô; ianao no hamaly, ry Tompo Andriamanitra ô.Select Psalms 38:16

17Fa hoy izaho: sao dia hifalian’ izy ireo anie aho; ary raha mibolisatra ny tongotro, dia hirehareha amiko izy.Select Psalms 38:17

18Fa efa ho lavo aho, ary ny fanaintainako dia tsaroako mandrakariva.Select Psalms 38:18

19Fa ny heloko no hambarako; matahotra aho noho ny fahotako.Select Psalms 38:19

20Fa ny fahavaloko velona ihany sady mahery; ary maro no mandrafy ahy tsy ahoan-tsy ahoana;Select Psalms 38:20

21Ary mamaly ratsy ny soa izy ireo ka mandrafy ahy ho valin’ ny fanarahako ny tsara.Select Psalms 38:21

22Aza mahafoy ahy, Jehovah ô; Ry Andriamanitro ô, aza manalavitra ahy.Select Psalms 38:22

23Faingàna hamonjy ahy, ry Tompo, Mpamonjy ahy ô.Select Psalms 38:23