Skip to content
Church.wiki

Proverbs Chapter 2 Baiboly Malagasy (1865)

Poetry & wisdom · Proverbs · Baiboly Malagasy (1865) · 22 verses

Verse layout
Overview of this chapterAbout Proverbs
📝 Overview of this chapter Flow, key verses and people

잠언 2장은 지혜를 은과 감추인 보배처럼 찾는 사람이 여호와를 경외하는 법을 깨닫고, 악한 자의 길과 음녀에게서 보호받는다고 가르치는 아버지의 교훈이다.

Jump to verse

12345678910111213141516171819202122
2Proverbs · Baiboly Malagasy (1865)
1Anaka, raha raisinao ny teniko, Ary raketinao ao am-ponao ny didiko,
2Ka atongilanao amin’ ny fahendrena ny sofinao, Ary ampitandremanao fahalalana ny fonao;
3Eny, raha miantso ny fahalalana ianao Ary manandratra ny feonao hahazo saina,
4Raha mitady azy toy ny fitady volafotsy ianao Ary mikatsaka azy toy ny fikatsaka harena afenina:
5Dia ho fantatrao marina ny fahatahorana an’ i Jehovah, Ary ho hitanao ny fahalalana an’ Andriamanitra.
6Fa Jehovah no manome fahendrena; Avy amin’ ny vavany no ihavian’ ny fahalalana sy ny fahazavan-tsaina.
7Izy mitahiry fanambinanaho an’ ny mahitsy Sady ampingan’ izay mandeha tsy misy tsiny;
8Ka dia mitandrina ny lalan’ ny fahamarinana Izy Ary miambina ny lalan’ ny olony masìna.
9Ary amin’ izay dia ho fantatrao ny fahamarinana sy ny rariny Ary ny hitsiny, dia ny lalana tsara rehetra.
10Raha latsaka ao am-ponao ny fahendrena, Ary mamin’ ny fanahinao ny fahalalana,
11Dia hiaro anao ny fisainana mazava, Ary hiambina anao ny fahalalana,
12Ka hamonjy anao amin’ ny lalan-dratsy Sy amin’ ny lehilahy izay miteny fitaka,
13Izay mahafoy ny lalan’ ny fahamarinana Mba hizorany amin’ ny lalan’ ny fahamaizinana,
14Dia izay faly hanao ratsy Sy finaritra amin’ ny fitaky ny ratsy,
15Dia izay melo-dalana Sy maniasia amin’ ny alehany;
16Ary hamonjy anao amin’ ny vehivavy jejo koa izany, Dia amin’ ny vahiny janga izay mandrobo amin’ ny teniny,
17Izay mahafoy ny vadin’ ny fahatanorany Sy manadino ny fanekeny teo amin’ Andriamaniny.
18Fa ny tranony milentika ho amin’ ny fahafatesana, Ary ny alehany mankany amin’ ny maty.
19Tsy misy afa-miverina izay mankany aminy, Na mihazo amin’ ny lalan’ aina,
20Handehananao amin’ ny lalan’ ny tsara fanahy Sy hitandremanao ny alehan’ ny marina.
21Fa ny olona mahitsy no honina amin’ ny tany, Ary ny tsy manan-tsiny ihany no ho sisa mitoetra ao;
22Fa ny ratsy fanahy kosa hofongorana amin’ ny tany, Ary ny mpivadika hongotana.

Baiboly Malagasy (1865)
Tap a verse to copy, share, highlight or add a note. Dotted words link to encyclopedia articles.

22 verses in this chapter
2 / 31 chapters

The text is Baiboly Malagasy (1865)(말라가시어) — From getbible.net (CrossWire SWORD module) · license: 공개 도메인 (Public Domain) Highlights, notes and read marks stay with the chapter whichever version you read. Dotted words are people, places and terms that have an encyclopedia article (marked once per page). Highlights, notes and read marks are saved only in this browser and gathered under My marks.

Articles mentioning this chapter

More