15Job 15

1Dia namaly Elifaza Temanita ka nanao hoe:Select Job 15:1

2Tokony handahatra hevi-dravina va ny olon-kendry, ka hameno ny kibony amin’ ny rivotra avy any atsinanana va,Select Job 15:2

3Ary hamaly amin’ ny teny tsy mahasoa sy ny teny tsy mahatsara?Select Job 15:3

4Eny, foananao ny fahatahorana an’ Andriamanitra, ary tampenanao ny fivavahana eo anatrehany;Select Job 15:4

5Fa ny helokao no manesika ny vavanao, ary mianatra ny lelan’ ny fetsy ianao.Select Job 15:5

6Ny vavanao ihany no manameloka anao, fa tsy izaho; Ary ny molotrao ihany no mamely anao.Select Job 15:6

7Hianao va no voalohany izay nateraka ho olombelona? Na naloaky ny kibo talohan’ ny tendrombohitra va ianao?Select Job 15:7

8Isan’ ny mpihevitra teo amin’ Andriamanitra va ianao, ka voarombakao ho anao irery ny fahendrena?Select Job 15:8

9Inona no fantatrao, ka tsy mba fantatray koa, na saina azonao, ka tsy ato aminay koa?Select Job 15:9

10Ny anti-panahy sy ny fotsy volo dia misy ato aminay, eny, olona ela niainana noho ny rainao aza.Select Job 15:10

11Ataonao ho tsinontsinona va ny fampiononana avy amin’ Andriamanitra sy ny teny natao aminao amin’ ny fahalemem-panahy?Select Job 15:11

12Nahoana no dia entin’ ny fonao ianao? Ary nahoana no mipipy foana ny masonao,Select Job 15:12

13Ka miefonefona amin’ Andriamanitra ianao, sady miteniteny foana ny vavanao?Select Job 15:13

14Inona ny zanak’ olombelona no mba hadio izy? Ary izay tera-behivavy no mba ho marina?Select Job 15:14

15Indro, ireo anjeliny aza tsy mahatoky Azy, ary ny lanitra aza tsy madio eo imasony;Select Job 15:15

16Koa mainka fa izay vetaveta sy tena ratsy, dia ny olona izay misotro heloka toa rano!Select Job 15:16

17Hanambara aminao aho, ka mihainoa ahy fa izay efa hitako no holazaiko,Select Job 15:17

18Dia zavatra notorin’ ny olon-kendry, fa tsy nafeniny, dia izay azony avy tamin’ ny razany;Select Job 15:18

19Ireny ihany no nomena ny tany, ary tsy nisy olona hafa firenena nisisika teo aminy.Select Job 15:19

20Ny ratsy fanahy mijalijaly amin’ ny androny rehetra, dia amin’ ny taona rehetra voatendry ho an’ ny lozabe.Select Job 15:20

21Feo mampitahotra no ren’ ny sofiny; Ary na dia miadana aza izy, dia avy hamely azy ihany ny mpandroba.Select Job 15:21

22Tsy manantena ho afaka amin’ ny maizina izy; Andrasan’ ny sabatra izy.Select Job 15:22

23Mirenireny hitady izay hohaniny izy ka manao hoe: Aiza re? Fantany fa antomotra azy ny andro maizina.Select Job 15:23

24Fahoriana sy fahaporitana no mampitahotra azy; Mandresy azy ireo tahaka ny mpanjaka efa vonona ho amin’ ny ady,Select Job 15:24

25Satria naninjitra ny tanany hanohitra an’ Andriamanitra izy Ary nirehareha hanohitra ny Tsitoha.Select Job 15:25

26Mimaona amin’ ny fahamafian-katoka hamely Azy izy, dia amin’ ny foitran’ ampingany matevina,Select Job 15:26

27Satria efa matavitavy tarehy izy, ary mivalon-kotraka ny valahany;Select Job 15:27

28Ary monina ao an-tanana rava izy, dia ao an-trano tokony tsy hitoeran’ olona, izay efa voatendry ho korontam-bato.Select Job 15:28

29Tsy hanan-karena izy, sady tsy haharitra ny heriny, ka tsy ho vokatra ambonin’ ny tany ny fananany.Select Job 15:29

30Tsy ho afaka amin’ ny maizina izy; ny solofony hikainkona azon’ ny lelafo; ho levon’ ny fofonain’ Andriamanitra izy.Select Job 15:30

31Aoka tsy ho voafitaka hatoky zava-poana izy; fa zava-poana no ho valiny homena azy.Select Job 15:31

32Raha mbola tsy tonga aza ny androny, dia manjo azy izany, ary tsy ho maitso ny sampany.Select Job 15:32

33Ho tahaka ny voaloboka manintsana ny voany manta izy ary ho tahaka ny hazo oliva mampiraraka ny voniny.Select Job 15:33

34Fa tsy ho vanona ny ankohonan’ ny mpihatsaravelatsihy, ary ho lanin’ ny afo ny tranon’ ny mpitoroka.Select Job 15:34

35Torontoronina fampahoriana izy ka miteraka fandozana, ary ny kibony mamorom-pitaka.Select Job 15:35