37Job 37

1Eny, izany no mampitepotepo ny foko ka mampiemponempona azy hiala amin’ ny fitoerany.Select Job 37:1

2Mihainoa dia mihainoa ny fikotrokotroky ny feony sy ny rohona izay mivoaka avy amin’ ny vavany.Select Job 37:2

3Mandefa izany ho eny ambanin’ ny lanitra rehetra Izy, ary ny helatra hatramin’ ny faran’ ny tany.Select Job 37:3

4Manarakaraka izany, dia misy feo mirohondrohona; Mampikotrokotroka ny feon’ ny fahalehibiazany Izy, ka rehefa re ny feony, dia tsy sakanany ny helatra.Select Job 37:4

5Mahagaga ny fikotrokotrok’ Andriamanitra amin’ ny feony; Manao zava-dehibe tsy takatry ny saintsika Izy.Select Job 37:5

6Fa ny oram-panala baikoiny hoe: Milatsaha eny ambonin’ ny tany ianao; Ary toy izany koa ny ranonorana mivatravatra, eny, dia ny ranonorany mivatravatra mafy.Select Job 37:6

7Mampiohona ny tanan’ ny olona rehetra Izy, mba samy hahalala izany ny olona rehetra izay nataony;Select Job 37:7

8Ary miditra ao am-piereny koa ny bibidia ka mamitsaka ao an-davany.Select Job 37:8

9Avy any atsimo ny tadio, ary entin’ ny rivotra avy any avaratra ny hatsiaka.Select Job 37:9

10Ny fofonain’ Andriamanitra mahamisy ranomandry, ka voageja ny rano malalaka.Select Job 37:10

11Ny rahona matevina tambesarany rano, ary ny rahon’ ny helatra dia ampieleziny;Select Job 37:11

12Dia mihodinkodina araka ny fitarihany azy ireo hanatanteraka izay rehetra andidiany azy eny ambonin’ ny tany eran’ izao tontolo izao,Select Job 37:12

13Na alatsany ho famaizana raha tokony ho an’ ny taniny izany na ho famindram-po kosa.Select Job 37:13

14Mihainoa izany, ry Joba; Mijanona, ka mba diniho ny fahagagana ataon’ Andriamanitra.Select Job 37:14

15Fantatrao va ny fanamboaran’ Andriamanitra ireny sy ny fampitselatselany ny helatry ny rahony?Select Job 37:15

16Fantatrao va ny fihevahevan’ ny rahona matevina, dia ny fahagagana avon’ Ilay tanteraka amin’ ny fahalalana?Select Job 37:16

17Hianao izay mahatsiaro ny fitafianao ho mafana, raha migaingaina ny andro azon’ ny rivotra avy any atsimo,Select Job 37:17

18Moa ianao niara-nanao taminy va, raha namelatra ny habakabaka Izy, izay mitoetra mafy toy ny zavatra manganohano natao an-idina?Select Job 37:18

19Mba ampianaro anay ary izay holazainay aminy; Fa tsy hitanay izay halahatray noho ny aizina,Select Job 37:19

20Holazaina aminy va, raha miteny aho? Moa misy olona maniry ho levona tokoa va?Select Job 37:20

21Tsy hita ankehitriny ny mazava, Izay mamirapiratra any amin’ ny rahona: Nefa raha mandalo ny rivotra, dia mampisava azy ihany izany.Select Job 37:21

22Avy any avaratra no ihavian’ ny mazava mitarehim-bolamena; Ao amin’ Andriamanitra ny voninahitra mahatahotra.Select Job 37:22

23Ny Tsitoha, tsy mahita Azy isika; Izay lehibe amin’ ny hery sy ny fitsarana mbamin’ ny fahamarinana tanteraka dia tsy mba mampahory.Select Job 37:23

24Koa izany no atahoran’ ny olona Azy; Tsy mety mijery izay manao azy ho hendry Izy.Select Job 37:24