3Lamentations 3

1Izaho ilay lehilahy nahita fahoriana tamin’ ny tsorakazon’ ny fahatezerany.Select Lamentations 3:1

2Izaho no notarihiny sy nampandehaniny ho amin’ ny maizina, fa tsy ho amin’ ny mazava.Select Lamentations 3:2

3Izaho ihany no asian’ ny tànany mandritra ny andro mandrakariva.Select Lamentations 3:3

4Nataony antitra ny nofoko sy ny hoditro, notapatapahiny ny taolako.Select Lamentations 3:4

5Manorina izay hamelezany ahy Izy ary manemitra ahy amin’ ny zava-mangidy sy ny fahoriana.Select Lamentations 3:5

6Ampitoeriny ao amin’ ny maizina toy izay efa maty fahagola aho.Select Lamentations 3:6

7Nofefeny manodidina aho ka tsy afa-nivoaka, nataony mavesatra ny gadrako.Select Lamentations 3:7

8Ary na dia mitaraina sy minananana aza aho, dia tampenany ny fivavako.Select Lamentations 3:8

9Vato voapaika no narafiny natampiny ny lalako, naolikoliny ny alehako.Select Lamentations 3:9

10Tonga bera manotrika ahy Izy, ary toy ny liona ao amin’ ny fierena;Select Lamentations 3:10

11Namily ny alehako Izy, ary noviravirainy aho ka nataony mahatsiravina.Select Lamentations 3:11

12Nanenjana ny tsipìkany Izy ka nanangana ahy ho toy ny marika hokendrena zana-tsipìka.Select Lamentations 3:12

13Nampitsatoka ny zana-tsipìkany tamin’ ny voako Izy.Select Lamentations 3:13

14Tonga fihomehezan’ ny fireneko rehetra aho sady ataony an-kira mandritra ny andro.Select Lamentations 3:14

15Novokisany zava-mangidy aho ary nobobohany zava-mahafaty.Select Lamentations 3:15

16Ary notorotoroiny tamin’ ny sila-bato ny nifiko, sady natsinkasinkasiny tamin’ ny lavenona aho.Select Lamentations 3:16

17Ary noroahinao tsy hahita fiadanana ny fanahiko, ka efa hadinoko ny tsara.Select Lamentations 3:17

18Dia hoy izaho: Levona ny faharetako sy ny fanantenako an’ i Jehovah.Select Lamentations 3:18

19Tsarovy ny fahoriako sy ny fanjenjenako, dia ny zava-mahafaty sy ny rano mangidy.Select Lamentations 3:19

20Tsaroan’ ny fanahiko indrindra izany, ka mitanondrika ato anatiko izy.Select Lamentations 3:20

21Izany no ho eritreretiko ato am-poko, ka dia hanantena aho.Select Lamentations 3:21

22Ny famindram-pon’ i Jehovah no tsy nahalany ritra antsika, fa tsy mitsahatra ny fiantrany.Select Lamentations 3:22

23Vaovao isa-maraina izany; lehibe ny fahamarinanao.Select Lamentations 3:23

24Jehovah no anjarako, hoy ny fanahiko, ka dia hanantena Azy aho.Select Lamentations 3:24

25Tsara Jehovah amin’ izay manantena Azy, dia amin’ ny olona izay mitady Azy.Select Lamentations 3:25

26Tsara ny miandry ny famonjen’ i Jehovah amin’ ny fanginana.Select Lamentations 3:26

27Tsara amin’ ny olona ny mitondra zioga, raha mbola tanora izy.Select Lamentations 3:27

28Aoka hanjokaiky irery izy ka hangina, raha ampitondraina izany.Select Lamentations 3:28

29Aoka hanohoka ny vavany eo amin’ ny vovoka izy, angamba hisy hantenaina.Select Lamentations 3:29

30Aoka hanolotra ny takolany ho amin’ izay mamely azy izy ka ho feno latsa.Select Lamentations 3:30

31Fa tsy hanary mandrakizay ny Tompo;Select Lamentations 3:31

32Eny fa na dia mampahory aza Izy, dia mbola hiantra ihany araka ny haben’ ny famindram-pony.Select Lamentations 3:32

33Fa tsy sitrany ny mampahory na mampalahelo ny zanak’ olombelona.Select Lamentations 3:33

34Ny fanitsakitsahana ny mpifatotra rehetra ambonin’ ny tany ho eo ambanin’ ny tongotra,Select Lamentations 3:34

35Ny familiana ny rariny amin’ ny olona eo anatrehan’ ny Avo Indrindra,Select Lamentations 3:35

36Ny famadihana ny adin’ ny olona, dia samy tsy sitraky ny Tompo.Select Lamentations 3:36

37Iza moa no miteny, ka dia mahatonga izany, raha tsy zavatra efa nodidian’ ny Tompo?Select Lamentations 3:37

38Tsy avy amin’ ny vavan’ ny Avo Indrindra va no ivoahan’ ny soa sy ny loza?Select Lamentations 3:38

39Koa ahoana no imonomononan’ ny olona mbola velona, fa no tsy aleo misento noho ny amin’ ny fahotany avy?Select Lamentations 3:39

40Aoka isika handinika sy hamantatra ny alehantsika ka hiverina indray amin’ i Jehovah.Select Lamentations 3:40

41Aoka hasandratsika amin’ Andriamanitra any an-danitra ny fontsika sy ny tanantsika.Select Lamentations 3:41

42Izahay efa nanota sy nanao ditra, ary Hianao kosa tsy namela heloka.Select Lamentations 3:42

43Nisarona fahatezerana Hianao ka nanenjika anay; eny, novonoinao izahay, fa tsy niantranao.Select Lamentations 3:43

44Nisarona rahona Hianao, ka dia voasakana ny vavaka.Select Lamentations 3:44

45Nataonao tahaka ny fakofako sy ny zavatra nariana teo afovoan’ ny firenena izahay.Select Lamentations 3:45

46Ny fahavalonay rehetra misanasana vava aminay.Select Lamentations 3:46

47Mahavoa anay ny tahotra sy ny lavaka ary ny fandringanana sy ny fahatorotoroana.Select Lamentations 3:47

48Rano mandriaka no mijononoka amin’ ny masoko noho ny faharatran’ ny oloko zanakavavy.Select Lamentations 3:48

49Ny masoko mandrotsa-dranomaso ka tsy mijanona, eny, tsy misy fiatoana,Select Lamentations 3:49

50Ambara-pitazan’ i Jehovah ka ho tsinjony any an-danitra.Select Lamentations 3:50

51Ny masoko mampiditra fahoriana ho an’ ny fanahiko noho ny amin’ ny zanakavavin’ ny tanànako rehetra.Select Lamentations 3:51

52Izay fahavaloko tsy ahoan-tsy ahoana dia nanenjika ahy mafy hoatra ny fanenjika voron-kely.Select Lamentations 3:52

53Nanjera ahy tao an-davaka famoriandrano izy ka nitady hahafaty ahy sady nitora-bato ahy.Select Lamentations 3:53

54Mandifotra ny lohako ny rano, ka dia hoy izaho: Maty aho ity!Select Lamentations 3:54

55Jehovah ô, niantso ny anaranao tany an-davaka lalina indrindra aho.Select Lamentations 3:55

56Ny feoko dia efa renao, aza tampenana ny sofinao, raha mitaraina mitady izay mba hiainana kely aho.Select Lamentations 3:56

57Nanakaiky Hianao tamin’ ny andro niantsoako Anao, ka dia hoy Hianao: Aza matahotra.Select Lamentations 3:57

58Tompo ô, Hianao nandahatra ny adiko izay nikasika ny aiko, eny, nanavotra ny aiko Hianao.Select Lamentations 3:58

59Jehovah ô, hitanao ny fitsarana miangatra natao tamiko, ka mba tsarao ny adiko.Select Lamentations 3:59

60Hitanao ny famalian-dratsy rehetra ataon’ ireo, dia ny saina rehetra entiny mamely ahySelect Lamentations 3:60

61Jehovah ô, efa renao ny latsa ataony, dia ny saina rehetra entiny mamely ahy,Select Lamentations 3:61

62Dia ny molotr’ izay mitsangana hanohitra ahy sy ny saina ataony mandritra ny andro hamelezana ahy.Select Lamentations 3:62

63Jereo ny fipetrany sy ny fitsangany, fa ataony an-kira aho.Select Lamentations 3:63

64Hovalianao araka ny asan’ ny tànany izy, Jehovah ô.Select Lamentations 3:64

65Eny, hohamaizininao ny fony, hihatra aminy ny ozonao.Select Lamentations 3:65

66Henjehinao amin’ ny fahatezerana izy ka haringanao tsy ho etỳ ambanin’ ny lanitr’ i Jehovah.Select Lamentations 3:66