15Proverbs 15

1Ny famaliana mora dia mampianina ny fahatezerana mafy; Fa ny teny maharary mahatonga fahasosorana.Select Proverbs 15:1

2Ny lelan’ ny hendry mampiseho fahalalana tsara; Fa ny vavan’ ny adala miboiboika fahadalana.Select Proverbs 15:2

3Ny mason’ i Jehovah amin’ izao rehetra izao, Mijery ny ratsy fanahy sy ny tsara fanahy.Select Proverbs 15:3

4Ny teny malemy dia hazon’ aina; Fa ny vava ratsy mandratra ny fanahy.Select Proverbs 15:4

5Ny adala maniratsira ny famaizan-drainy; Fa izay mitandrina ny fananarana no hita ho hendry.Select Proverbs 15:5

6Ao an-tranon’ ny marina misy harena be; Fa ny fitomboan’ ny haren’ ny ratsy fanahy dia misy loza.Select Proverbs 15:6

7Ny molotry ny hendry mampiely fahendrena; Fa tsy mba toy izany ny fon’ ny adala.Select Proverbs 15:7

8Ny fanatitry ny ratsy fanahy dia fahavetavetana eo imason’ i Jehovah; Fa ny fivavaky ny marina no sitrany.Select Proverbs 15:8

9Fahavetavetana eo imason’ i Jehovah ny lalan’ ny ratsy fanahy; Fa izay fatra-panaraka ny fahamarinana no tiany.Select Proverbs 15:9

10Famaizana mafy no hihatra amin’ izay mivily lalana. Eny, izay mankahala anatra dia ho faty.Select Proverbs 15:10

11Ny fiainan-tsi-hita sy ny fandringanana aza dia miharihary eo anatrehan’ i Jehovah, Koa mainka ny fon’ ny zanak’ olombelona!Select Proverbs 15:11

12Tsy tian’ ny mpaniratsira izay mananatra azy, Ary tsy mety manatona ny hendry izy.Select Proverbs 15:12

13Ny fo ravoravo mahamiramirana ny tarehy; Fa ny alahelon’ ny fo mahareraka ny fanahy.Select Proverbs 15:13

14Ny fon’ ny manan-tsaina mitady fahendrena; Fa ny vavan’ ny adala mankamamy ny fahadalana.Select Proverbs 15:14

15Ratsy avokoa ny andron’ ny ory; Fa ny faharavoravoam-po dia fanasana mandrakariva.Select Proverbs 15:15

16Aleo ny kely misy ny fahatahorana an’ i Jehovah Toy izay harena be misy ahiahy.Select Proverbs 15:16

17Aleo sakafo anana ampian-tsetsetra Toy izay omby mifahy asian-dromoromo.Select Proverbs 15:17

18Izay malaky tezitra manetsika ady; Fa izay mahatsindry fo mampitsahatra fifandirana.Select Proverbs 15:18

19Ny lalan’ ny malaina dia toy ny fefy tsilo Fa ny lalamben’ ny marina dia voalamina tsara.Select Proverbs 15:19

20Ny zanaka hendry mahafaly ny rainy; Fa ny adala manao tsinontsinona an-dreniny.Select Proverbs 15:20

21Ny fahadalana dia fifalian’ ny tsy ampy saina; Fa ny manan-tsaina kosa mizotra mahitsySelect Proverbs 15:21

22Ho foana ny fikasana, raha tsy misy mpisaina; Fa raha maro ny mpanolo-tsaina, dia tanteraka izany.Select Proverbs 15:22

23Faly ny olona, raha mahavaly tsara ny vavany, Ary endrey ny hatsaran’ ny teny atao amin’ izay andro mahamety azy!Select Proverbs 15:23

24Làlan’ aina ho any ambony no alehan’ ny hendry, Hanalavirany ny fiainan-tsi-hita any ambany,Select Proverbs 15:24

25Ravan’ i Jehovah ny tranon’ ny mpiavonavona; Fa ny fari-tanin’ ny mpitondra-tena aoriny mafy.Select Proverbs 15:25

26Fahavetavetana eo imason’ i Jehovah ny hevi-dratsy; Fa madio ny teny mahafinaritra.Select Proverbs 15:26

27Izay fatra-pila harena dia mampidi-doza amin’ ny ankohonany; Fa izay mankahala kolikoly no ho velona.Select Proverbs 15:27

28Ny fon’ ny marina mihevitra vao mamaly; Fa ny vavan’ ny ratsy fanahy kosa miboiboika faharatsiana.Select Proverbs 15:28

29Jehovah dia lavitra ny ratsy fanahy; Fa ny fivavaky ny marina no henoiny.Select Proverbs 15:29

30Ny tarehy miramirana mahafaly ny fo; Ary ny filazan-tsoa mamelombelona ny taolana.Select Proverbs 15:30

31Ny sofina izay mihaino anatra mahavelona Dia miara-mitoetra amin’ ny hendry.Select Proverbs 15:31

32Izay mandà anatra dia manary tena; Fa izay mihaino ny fananarana no mahazo fahalalana.Select Proverbs 15:32

33Ny fahatahorana an’ i Jehovah dia fananarana mampahahendry; Ary ny fanetren-tena mialoha ny fisandratana.Select Proverbs 15:33