18Proverbs 18

1Izay mitokana ho azy dia mitady ny mahafinaritra ny tenany ihany, Misafoaka manohitra izay hevitra mahasoa rehetra izy.Select Proverbs 18:1

2Ny adala tsy mba finaritra amin’ ny fahalalana, Fa ta-haneho izay ao am-pony.Select Proverbs 18:2

3Raha avy ny ratsy fanahy, dia avy ny fanamavoana; Ary miaraka amin’ ny fahafaham-baraka ny henatra.Select Proverbs 18:3

4Rano lalina ny teny aloaky ny vavan’ ny olona, Ary rano miboiboika ny loharanon’ ny fahendrena,Select Proverbs 18:4

5Tsy mety raha manohana ny ratsy fanahy Handresy ny marina amin’ ny fitsarana.Select Proverbs 18:5

6Ny molotry ny adala manatona ny fifandirana, Ary ny vavany mihantsy kapoka.Select Proverbs 18:6

7Ny vavan’ ny adala no fandringanana azy, Ary ny molony ihany no fandriky ny fanahiny.Select Proverbs 18:7

8Ny tenin’ ny mpifosafosa dia toy ny hanim-py Ka mikorotsaka ao anaty kibo indrindra.Select Proverbs 18:8

9Ary izay malaina amin’ ny asany Dia rahalahin’ ny mpanimba.Select Proverbs 18:9

10Ny anaran’ i Jehovah dia tilikambo mafy; Ny marina miezaka ho ao aminy ka voavonjy.Select Proverbs 18:10

11Ny haren’ ny manan-karena no vohiny mafy, Ary raha araka ny fiheviny, dia toa manda avo izany.Select Proverbs 18:11

12Ny fireharehan’ ny fon’ ny olona mialoha ny fahasimbana; Fa ny fanetren-tena kosa mialoha ny voninahitra.Select Proverbs 18:12

13Izay mamaly teny mbola tsy re, Dia hadalana sy henatra ho azy izany.Select Proverbs 18:13

14Ny faharariany dia zakan’ ny fanahin’ ny olona ihany; Fa ny fanahy kivy, iza no mahazaka izany?Select Proverbs 18:14

15Ny fon’ ny manan-tsaina mahazo fahalalana; Ary ny sofin’ ny hendry mitady izany.Select Proverbs 18:15

16Ny fanomezan’ ny olona dia mahalalaka ny alehany, Hahatonga azy eo anatrehan’ ny lehibe.Select Proverbs 18:16

17Izay mandahatra aloha no toa marina; Fa nony avy kosa ny an-daniny, dia mamaly ny teniny.Select Proverbs 18:17

18Ny filokana mampitsahatra ady Ary mampisaraka ny samy mahery.Select Proverbs 18:18

19Ny mampionona ny rahalahy voaisy ratsy dia sarotra noho ny manafaka vohitra mafy, Ary ny fifandirana aminy dia tahaka ny hidin’ ny lapan’ ny mpanjaka.Select Proverbs 18:19

20Ny vokatry ny vavan’ ny olona no mahavoky soa azy; Eny, ny vokatry ny molony no mahavoky azy.Select Proverbs 18:20

21Ny mahafaty sy ny mahavelona samy hain’ ny lela, Koa izay manarana azy dia hihinana ny vokany.Select Proverbs 18:21

22Izay lehilahy mahazo vady dia mahazo zava-tsoa Sady mahita sitraka amin’ i Jehovah.Select Proverbs 18:22

23Fitarainana no ataon’ ny malahelo; Nefa ny manan-karena kosa dia mamaly mahery.Select Proverbs 18:23

24Izay maro sakaiza tsy maintsy tra-pahoriana; Fa misy sakaiza tia, izay mifikitra noho ny rahalahy aza.Select Proverbs 18:24