109Psalms 109

1Ry Andriamanitra fidèrako ô, aza mangìna Hianao,Select Psalms 109:1

2Fa nisoka-bava ny ratsy fanahy sy ny mpamitaka hamely ahy; Niteny ahy tamin’ ny lela mandainga izy.Select Psalms 109:2

3Teny fankahalana no nanodidinany ahy; Ary niady tamiko tsy ahoan-tsy ahoana izy.Select Psalms 109:3

4Ny fitiavako dia valiany fandrafiana; Fa izaho kosa dia mivavaka.Select Psalms 109:4

5Ny soa nataoko novaliany ratsy, Ary ny fitiavako novaliany fankahalana.Select Psalms 109:5

6Anendreo olona ratsy fanahy hanapaka azy; Ary aoka hisy mpanohitra hitsangana eo an-kavanany.Select Psalms 109:6

7Raha hotsaraina izy, dia aoka ho meloka, Ary aoka ny fivavahany ho tonga fahotana.Select Psalms 109:7

8Aoka ho vitsy ny androny; Ary aoka ho lasan’ olon-kafa ny anjara raharahany.Select Psalms 109:8

9Aoka ho kamboty ny zanany; Ary aoka ho mpitondratena ny vadinySelect Psalms 109:9

10Aoka hirenireny mangataka ny zanany, Ary aoka hiremby lavitra ny tranony efa rava izy.Select Psalms 109:10

11Aoka ny mpampanàna vola hamandrika izay rehetra ananany; Ary aoka ny olon-kafa hifaoka ny vokatry ny asany.Select Psalms 109:11

12Aoka tsy hisy haharitra hamindra fo aminy, Na hiantra ny zanany kamboty.Select Psalms 109:12

13Aoka ho fongora ny taranany; Ary aoka hovonoina amin’ ny taranaka mandimby ny anarany.Select Psalms 109:13

14Aoka hotsarovan’ i Jehovah ny helo-drainy; Ary aoka tsy hovonoina ny helo-dreniny.Select Psalms 109:14

15Aoka ho eo anatrehan’ i Jehovah mandrakariva izany, Ary hofoanany tsy ho eo ambonin’ ny tany anie ny fahatsiarovana azy.Select Psalms 109:15

16Satria tsy mba nahatsiaro hamindra fo izy, Fa nanenjika ny ory sy ny malahelo Ary ny reraka am-po mba hahafaty azy;Select Psalms 109:16

17Tia ozona izy, ka nanody azy izany; Tsy tia indrafo izy, ka nanalavitra azy izany.Select Psalms 109:17

18Nitafy ozona tahaka ny lambany izy, Ka niditra tao an-kibony tahaka ny rano izany, Ary tao amin’ ny taolany tahaka ny diloilo;Select Psalms 109:18

19Dia aoka ho tahaka ny lamba itafiany izany, Ary ho fisikinana isikinany mandrakariva.Select Psalms 109:19

20Izany no famaliana avy amin’ i Jehovah ho an’ ny mpanohitra ahy, Dia izay manendrikendrika ahy.Select Psalms 109:20

21Fa Hianao, Jehovah Tompo ô, miasà ho ahy noho ny anaranao; Vonjeo aho, fa tsara ny famindram-ponao.Select Psalms 109:21

22Fa mahantra sy malahelo aho, Ary ny foko dia voatsindrona ato anatiko.Select Psalms 109:22

23Lasa tahaka ny aloka mihelina aho; Roahina tahaka ny valala aho.Select Psalms 109:23

24Efa malemy ny lohaliko noho ny fifadian-kanina; Ary efa mihena ny hatavin’ ny nofoko.Select Psalms 109:24

25Ary izaho dia tonga fandatsan’ ireny; Mijery ahy izy ka mihifikifi-doha.Select Psalms 109:25

26Ampio aho Jehovah Andriamanitro ô; Vonjeo araka ny famindram-ponao aho;Select Psalms 109:26

27Ary aoka ho fantany fa tananao izany; Hianao, Jehovah ô, no nanao izany.Select Psalms 109:27

28Manozona izy ireo, fa Hianao kosa mitahy; Mitsanga-menatra izy, fa mifaly kosa ny mpanomponao.Select Psalms 109:28

29Mitafy henatra ny fahavaloko Ka misaron-kenatra tahaka ny lamba.Select Psalms 109:29

30Hidera an’ i Jehovah indrindra amin’ ny vavako aho; Eny, eo amin’ ny olona maro no hiderako Azy.Select Psalms 109:30

31Fa mitsangana eo ankavanan’ ny malahelo Izy Mba hamonjy azy amin’ izay manameloka ny fanahiny.Select Psalms 109:31