26Psalms 26

1Tsarao aho, Jehovah ô, fa mandeha amin’ ny fahamarinako aho; ary Jehovah no itokiako, ka tsy miahanahana aho.Select Psalms 26:1

2Diniho aho, Jehovah ô, ka fantaro; izahao toetra ny voako sy ny foko.Select Psalms 26:2

3Fa ny famindram-ponao no eo anoloan’ ny masoko; ary mandeha amin’ ny fahamarinanao aho.Select Psalms 26:3

4Tsy mba miara-mipetraka amin’ ny olon-dratsy aho, na manan-draharaha amin’ ny olom-petsy.Select Psalms 26:4

5Halako ny fiangonan’ ny mpanao ratsy; ary tsy miara-mipetraka amin’ ny ratsy fanahy aho.Select Psalms 26:5

6Manasa ny tanako noho ny fahamarinako aho, ka te-hitoetra eo akaikin’ ny alitaranao, Jehovah ô,Select Psalms 26:6

7Mba hanao feo fiderana, ka hilaza ny asanao mahagaga rehetra.Select Psalms 26:7

8Jehovah ô, tiako ny trano itoeranao, dia ny fonenan’ ny voninahitrao.Select Psalms 26:8

9Aza mitondra ny fanahiko hiara-maty amin’ ny mpanota, na ny aiko amin’ ny mpandatsa-drà,Select Psalms 26:9

10Izay misy fitaka eny an-tànany, ary feno kolikoly ny tànany ankavanana.Select Psalms 26:10

11Fa izaho kosa dia mandeha amin’ ny fahamarinako; avoty sy amindrao fo aho.Select Psalms 26:11

12Ny tongotro mijoro eo amin’ ny tany marina; eo am-piangonana no isaorako an’ i Jehovah.Select Psalms 26:12