56Psalms 56

2Mamindrà fo amiko, Andriamanitra ô, fa misafoaka manenjika ahy ny olona; miady amiko mandrakariva izy ka mampahory ahy.Select Psalms 56:2

3Misafoaka manenjika mandrakariva ny mpampahory ahy; maro tokoa no mirehareha miady amiko.Select Psalms 56:3

4Amin’ ny andro atahorako no itokiako Anao.Select Psalms 56:4

5Andriamanitra no iderako ny teniny; Andriamanitra no itokiako, ka tsy mba hatahotra aho; inona no hataon’ ny nofo amiko?Select Psalms 56:5

6Manimba ny raharahako mandra-kariva ireny; ny heviny rehetra dia ny hanisy ratsy ahy ihany.Select Psalms 56:6

7Miangona izy, miery izy, mitsongo-dia ahy izy, satria mikendry ny aiko.Select Psalms 56:7

8Amin’ izany faharatsiany izany moa hisy hahafahany va? Aripaho amin’ ny fahatezeranao ny firenena. Andriamanitra ô.Select Psalms 56:8

9Manisa ny firenireneko Hianao; ataovy ao an-tavoahanginao ny ranomasoko; tsy eo amin’ ny bokinao va ireny?Select Psalms 56:9

10Amin’ izay dia hiamboho ny fahavaloko amin’ ny andro hiantsoako Anao; izao dia fantatro, fa momba ahy Andriamanitra.Select Psalms 56:10

11Andriamanitra no iderako ny teniny; Jehovah no iderako ny teniny.Select Psalms 56:11

12Andriamanitra no itokiako; ka tsy mba hatahotra aho; inona no hataon’ ny olona amiko?Select Psalms 56:12

13Nivoady taminao aho, Andriamanitra ô, dia hanatitra fanati-pisaorana ho Anao.Select Psalms 56:13

14Fa efa nanafaka ny fanahiko tamin’ ny fahafatesana Hianao; eny, nanafaka ny tongotro Hianao mba tsy ho solafaka. Handehanako eo anatrehan’ Andriamanitra amin’ ny fahazavan’ ny velona.Select Psalms 56:14