5Galatians 5

1Ngakho manini liqine enkululekweni uKristu asikhulula ngayo, lingabuyi libotshelwe futhi ejogweni lobugqili.Select Galatians 5:1

2Khangelani, mina Pawuli ngithi kini, uba lisokwa, uKristu kayikulisiza ngalutho.Select Galatians 5:2

3Ngiyafakaza-ke futhi kumuntu wonke osokwayo, ukuthi ulomlandu wokwenza umlayo wonke.Select Galatians 5:3

4Likhutshiwe kuKristu, lina elilungisiswa ngomlayo; liwile emuseni.Select Galatians 5:4

5Ngoba thina ngoMoya silindele ngokholo ithemba lokulunga.Select Galatians 5:5

6Ngoba kuKristu Jesu ukusoka kumbe ukungasoki kakusizi lutho, kodwa ukholo olusebenza ngothando.Select Galatians 5:6

7Beligijima kuhle; ngubani olivimbele ukuthi lingalaleli iqiniso?Select Galatians 5:7

8Lokhukuhuga kakuveli kolibizayo.Select Galatians 5:8

9Imvubelo eyingcosana ibilisa inhlama yonke.Select Galatians 5:9

10Mina ngilethemba ngani eNkosini, ukuthi kaliyikunakana okwehlukeneyo; kodwa lowo olihluphayo uzathwala isigwebo, loba engubani.Select Galatians 5:10

11Kodwa mina, bazalwane, uba ngisatshumayela ukusoka, ngisazingelelwani? Ngakho isikhubekiso sesiphambano sisusiwe.Select Galatians 5:11

12Sengathi abalihluphayo bangazithena labo.Select Galatians 5:12

13Ngoba lina labizelwa enkululekweni, bazalwane; kuphela lingenzi inkululeko ibe lithuba enyameni, kodwa ngothando sebenzelanani.Select Galatians 5:13

14Ngoba umlayo wonke ugcwaliseka elizwini linye, kulokhu ukuthi: Wothanda umakhelwane wakho njengalokhu uzithanda wena.Select Galatians 5:14

15Kodwa uba lilumana lidlana, qaphelani ukuthi lingaqedwa omunye ngomunye.Select Galatians 5:15

16Kodwa ngithi: Hambani ngoMoya, lingagcwalisi lakanye inkanuko zenyama.Select Galatians 5:16

17Ngoba inyama ikhanuka okuphambene loMoya, loMoya okuphambene lenyama; njalo lezizinto ziphambene, ukuze lingenzi izinto elizifunayo.Select Galatians 5:17

18Kodwa uba likhokhelwa nguMoya, kalikho ngaphansi komlayo.Select Galatians 5:18

19Imisebenzi yenyama-ke isobala, eyile: Ukufeba, ukuphinga, ukungcola, amanyala,Select Galatians 5:19

20ukukhonza izithombe, ukuthakatha, ubutha, inkani, umona, ulaka, ukubanga, ukuxabana, ukubhazuka,Select Galatians 5:20

21umhawu, ukubulala, ukudakwa, ukuminza, lezinye izinto ezinjalo; engilitshela ngakho ngaphambili, njengoba ngatsho futhi ngaphambili, ukuthi abenza izinto ezinje kabayikulidla ilifa lombuso kaNkulunkulu.Select Galatians 5:21

22Kodwa isithelo sikaMoya luthando, intokozo, ukuthula, ukubekezela, ububele, ukulunga, ukholo,Select Galatians 5:22

23ubumnene, ukuzithiba; kokunje kakulamlayo.Select Galatians 5:23

24Kodwa abakaKristu babethele inyama kanye lokuhugeka lezinkanuko.Select Galatians 5:24

25Uba siphila ngoMoya, njalo asihambe ngoMoya.Select Galatians 5:25

26Kasingazikhukhumezi, siqalane, sifelane umona.Select Galatians 5:26